Bizkaiko metalgintzako langileek gehiengo sindikalaren eta patronalaren arteko ituna berretsi dute
CCOO, LAB eta UGT sindikatuek beren afiliatuen artean egindako batzarretan langileek baiezkoa eman diote FVEM patronalarekin negoziaturiko lan hitzarmenari baiezkoa ematea. Hamaika eguneko greba eta hainbat mobilizazioren ostean dator akordioa. ELAk oraindik ez du erabakirik hartu.
Eusko Jaurlaritzaren Lan eta Enplegu sailaren bidez gehiengo sindikalak eta FVEM Bizkaiko metalgintzako patronalak mahai gainean zuten azken proposamenari baiezkoa eman dio langileen gehiengoak, LABek, CCOOk eta UGTk asteazkenean beren afiliatuen artean egindako batzarretan –hiru sindikatuen artean langileen %59 ordezkatzen dute–. Hala, Bizkaiko metalgintzan ari diren 50.000 langilek hitzarmen berria izango dute.
2022eta 2025 urteen artean %15eko soldata igoera aurreikusten du hitzarmenak –2022an %6,5, 2023an %4, 2024an %2 eta 2025ean %2,5eko igoerak–, baina KPIren arabera berrikusteko klausula darama puntu horrek. Subrogazioa langile gehiagotara zabaltzea, istripuagatiko ezintasunengatik jasotzen den ordainan hobekuntzak, eta LGTBI+ pertsonak jazarpen protokoloetan sartzea dira akordioak jasotzen dituen beste neurrietako batzuk.
"Lortutako aurrerapenak egindako borrokari esker izan dira", azaldu dio CCOOko Unai Orbegozok Hamaika telebistako Aiara de Urreta kazetariari. Iratxe Azkue LABeko kidearen ustez ere hasierako helburua lortu dute: "Guretzat garrantzitsuena da langileen lan baldintzak hobetzen joatea, eta hori da lortu duguna, ez dago atzerapausorik",
Ostiralean egingo dute hiru sindikatuek eta FVEMek hurrengo bilera, eta litekeena da hitzarmenari dagokion aurreakordioa orduan sinatzea.
ELAk, bere aldetik, asteartean egingo du batzarra langileekin. Sindikatu honek ez du hobekuntzarik ikusi Jaurlaritzaren bitartekaritzaren bidez egindako azken proposamenean: "Duela bi hilabete zeuden eduki ia berdinak daude oraingo eskaintzan", azaldu du, eta bere ustez "eszenifikazioa" da aldatu den bakarra. Nolanahi ere, hobekuntzak, egindako greba eta mobilizazioei esker izan direla nabarmendu du ELAk, beste sindikatuen ildotik.
Pasa den udazkenean greba ziklo gogorrari hasiera eman zioten langileek, azaro amaieran aste osoko geldialdia egin zuten eta Ertzaintzaren oldarraldiak ere jasan behar izan zituzten manifestari eta informazio-piketeek. Grebak, metalgintzako enpresetan ez ezik, autogintzako ekoizpenean ere eragina izan zuen.
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.