Bizkaiko metalgintzako enpresa batzuek FVEMetik irtetea erabaki dutela dio LABek
Bizkaiko metalgintzako patronala lan hitzarmenaren negoziazioan egiten ari den kudeaketa ikusita, enpresa batzuek FVEM elkartetik irtetea erabaki dute, sindikatu abertzalearen arabera. Laugarren egunean Ertzaintza ez da grebalarien kontra oldartu, eta pikete eta protesta jendetsuak izan dira beste behin.
Bizkaiko metalgintzan sindikatuak egiten ari diren astebeteko grebak hainbat ondorio ekarri ditu jadanik. Alde batetik, produkzioan, Mercedes-Benzen Gasteizko plantak bi egunez katea etengo duela iragarri die bere langileei, hornidura faltagatik. Bestetik, LABeko Bizkaiko industria arduradun Iratxe Azkueren arabera, FVEM patronal barruan presioa gero eta handiagoa da eta enpresa batzuek elkartetik irtetea erabaki dute. Hala adierazi dio Aiara de Urreta Hamaika Telebistako kazetariari:
??FVEM presionatuta dagoela ohartarazi dute
Iratxe Azkue (@LAB_INDUSTRIA): "Patronala osatzen duten enpresa batzuk akordioaren alde daude eta batzuek erabaki dute FVEMetik irtetea egiten ari den kudeaketagatik"
? @HamaikaTb #BizkaikoMetalaBorrokan #BizkaikoMetalaGreban pic.twitter.com/nKWZEWvgfx
— Aiara de Urreta Gabikagogeaskoa (@AiaraGBK) December 1, 2022
Laugarren greba eguna, asteazkenekoa baina lasaiagoa izaten ari da, Ertzaintzaren oldarraldirik ez da izan piketeen kontra, baina tentsio uneak bizi izan dira, adibidez Mungiako Zabalondo industriagunean. Asier Roblesek Naiz.eus-en egindako kronikan kontatu duenez, grebalariek hainbat langileri eragotzi die lantegietan sartzea eta greba batzordeko kideek Arteche Taldeko plantara sartzea lortu duten arren, ez diete grebaren jarraipena gainbegiratzen utzi.
Metalgintzako langileek manifestazio jendetsua egin dute beste behin eguerdian, oraingoan Erandion. "Indarrez jarraitzen dugu, irmo, baina pilota FVEMen teilatu gainean dagoela uste dugu", adierazi du Unai Orbegozo CCOOko kideak.
Ostiralean Eusko Legebiltzarrean eztabaidagai
Aurreko greba deialdiak batuta, jadanik hamargarren eguna dute eta ostiralekoarekin hamaika lanuzte egingo dituzte Bizkaiko metalgintzako beharginek. Gatazkak, ordea, ez dirudi negoziazio mahaian aurrerapauso handirik izango duenik oraingoz, eta fokua kale mobilizazioetan dagoen arren, beste eremu batera ere bideratuko da ostiralean.
Eusko Legebiltzarreko kontrol-saioan EH Bilduko Iker Casanovak Eusko Jaurlaritzak lan-hitzarmenaren gatazkan duen jarreraren inguruan galdetuko dio Lan sailburuari; eta Elkarrekin Podemos-IU taldeko Iñigo Martínezek, berriz, Ertzaintzak piketeen aurrean egindako "ekintzez" itaunduko du Josu Erkoreka Segurtasun sailburua.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Izena duen oro bere izanaren jabe liburua plazaratu du LAB sindikatuko idazkaritza feministak, hainbat kide feministaren lekukotasunak oinarritzat harturik. "Genealogia edo glosario bat gauzatu dugu edo, agian, gauza biak batera dira edo baliteke ez izatea ez bata ez... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Langabeen artean, 2.302 pertsona gehiago erregistratu dituzte urtarrilean Hego Euskal Herrian, eta horietatik 2.173 emakumeak dira, Espainiako Lan Ministerioak emandako datuen arabera.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Guardianeko enpresa batzordeak eta SOS Aiaraldea plataformak deituta, mobilizazio jendetsua egin dute Laudion, Laudioko lantegiaren itxiera salatzeko. 2.000 herritar baino gehiagok giza-katea egin dute lantegia inguratuz.
Ehundaka langile elkartu ostegunean Bilbon egin den giza katean “Lan baldintzak hobetu, hemen eta orain erabakita” lelopean.
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.