Bizkaiko metalgintza, berriz ere grebara
Sektorean ordezkaritza duten sindikatu guztiek deituta, azaroaren 28an hasi eta abenduaren 19ra arte zortzi greba egun egingo dituzte Bizkaiko metalgintzako langileek. FVEM patronalarekin izandako bileretan aurrerapusorik ez da egon.
Berriz ere borroka eta mobilizaziorako deia hedatu da Bizkaiko industriaguneetan, lurraldeko sektore indartsuena den metalgintzan milaka langilek bizi duten egoera prekarioari aurre egin nahian. FVEM egoitzaren aurrean prentsaurrekoa eskaini dute sindikatuek (ELA, CCOO, LAB, UGT, ESK, CGT, USO eta CNT) ostegun goizean eta bertan iragarri dute zortzi greba egun deituko dituztela.
Patronalak Bilbon duen eraikinaren aurrean akanpatuta abiarazi dute mobilizazio ziklo berria sindikatuek, euren egoeraren inguruko informazioa eskaini eta arratsaldean 18:30ean manifestazioa egingo dute Euskadi Plazatik abiatuta.
Azken asteetan hainbat bider bildu dira FVEMeko ordezkariekin, azkena asteazkenean, baina erantzunik eza nabarmendu dute sindikatuek, "bilerara denbora irabaztera joan dira", salatu du CCOOk. Hala, azkeneko grebak egin zituztela hilabete pasa denean, beste zortzi greba egun egiteko deialdiak erregistratu dituzte: azaroaren 28 eta 29an eta abenduaren 4, 5, 12, 13, 18 eta 19an.
Banaketa justuagoaren eta berdintasunaren alde
Besteak beste, langielek eskatzen dute aldi baterako kontratuei mugak jartzea eta lan osasunaren arloan ere neurri zorrotzagoak hartzea; horrez gain, subrogazioa eta irabazien banaketa "justuagoa" ere eskatzen dute: "Galdutako eros ahalmena berreskuratzeko adina igoera eskatzen dugu soldatetan", azaldu du ELAk.
Enpresek genero berdintasunerako pauso gehiago eman ditzatela ere eskatu dute sindikatuek, eta datu bat eskaini dute errealitatea zein den adierazteko: metalgintzan lanean diharduten langileen %15 baino ez da emakumea, eta soldata arrakala jasaten dute.
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Fabrika itxi eta 106 beharginak kaleratzeko asmoa dauka enpresako zuzendaritzak, eta zabalik dago lan-erregulazioari buruzko kontsulta-aldia.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]