Bizkaiko metalaren greba egunei aldarrikapen oihuekin eman diete amaiera
Manifestazio batekin itxi dute greba astea Bilbon. Langileek hitzarmen duin baten, langileen soldaten egokitzapenen eta prekarietatea ezabatzearen aldeko aldarrikapenak egin dituzte martxan.
Ostiralean 12:00etan deitu dute sindikatuek manifestazioa Jesusen Bihotza plazan. Aurreko egunetan Bizkaiko herri ugaritan milaka pertsona batu izan dira. Ostegunean Sestaon deitu zen elkarretaratzean, Deiane Arrieta ELA sindikatuko ordezkariak adierazi zuen mobilizazioak izaten ari diren jarraipenak “langileen haserrea eta patronalaren bidegabekeria” erakusten dituela: “Kalean jarraituko dugu hitzarmen duin bat lortu arte”.
Bizkaiko metalgintzako sindikatu guztiak batu diren greba honetan, LABeko ordezkaria den Iratxe Azkuek esan du “gero eta urduritasun handiagoa” nabaritzen dutela sindikatuek Eusko Jaurlaritzan eta Metalgintza Lantegien Bizkaiko Federakundean, “funtseko eztabaida eta Bizkaiko metala kalean protestaka zergatik dabilen saihestu nahian dabiltzalako”.
Enpresen erantzuna grebari
Aste osoan pikete ugari aritu da Bizkaiko enpresetan, eta protesta sinbolo gisa Bilbon San Mameseko sarbidea oztopatu zuten, errepidea moztuz. Aste honetan, enpresa askotako langileek hartu dute parte grebetan. Bien bitartean, enpresak grebari aurre egiteko moduak bilatzen aritu dira, eta asteburuetan lan orduak sartuko dituzte batzuek, sortu izan litezkeen galerak ekiditeko. Metalgintzatik kanpoko enpresa batzuetako langile batzordeek ere bat egin dute manifestazio eta mobilizazioekin.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Maiatzean nahi dena egiten ahal dela dio frantsesezko erran zahar batek eta hala dela iruditzen zait. Egunak luzatzen dira, tenperatura hupatzen eta halako axola-gabezia aire zerbaitek inarrosten dizkigu buru zokoak. Egia aitortze aldera, nire garuna martxo bukaeran hasten da... [+]
Bilbobusen greba mugagabea "bertan behera" geratu da momentuz, UGT, CCOO eta USO sindikatuek aurreakordioa itxi ostean Biobiderekin, Bilboko Udalak zerbitzu publikoa eskaintzeko azpikontrataturiko enpresa. Langileek ostegunean batzarrean erabaki beharko dute adosturiko... [+]
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.