Bizkaiko LGBTI+ mugimenduak Bilbao Bizkaia Pride ekimena gaitzetsi du, interes ekonomikoak besterik ez dituelako
Bizigay elkarteak publiko egin duen komunikatuan instituzioek bultzatutako ekimena kritikatu dute. Azpimarratu dutenez, aniztasun sexuala bultzatzetik urruti, interes ekonomikoa besterik ez dago ekimenaren atzean.
Bizkaiko Foru Aldundia eta Bilboko Udala Vienan egon dira EPOAren (European Pride Organisers Association) urteroko asanbladan, Europride ekimena Bilbon ospatzea lortu asmoz. Hurrengo bilera, momentuz, Bilbon hitzartu dute.
Bizigay aniztasun eta askatasun sexualaren aldeko elkarteak kritikatu egin ditu bi instituzioak. Elkartearen aburuz, Bizkaiko instituzio publikoen “ekimen sukarra” tarteko Bilbon antolatzen ari diren beste makro ekimen bat gehiago da Bilbao Bizkaia Pride.
Bertako LGBTI+ mugimendua kontutan hartu gabe bultzatu eta antolatutako ekimena dela eta beronen atzean interes ekonomikoa besterik ez daukan merkatari elkarte bat dagoela azpimarratu du Bizigayk. Elkartearen arabera, “oso deigarria da ekimena Bizkaiko Foru Aldundiko Ekonomia Garapen Sailetik bultzatzea” eta ez politika sozialen ardura duen udaleko sailetik edo foru departamentutik.
Bilboko Udalari “hipokrita” izatea leporatu diote, guzti honekin “aniztasun politiketan izandako utzikeria eta akats larriak zuritzea” bilatzen duela baiteritzote. Utzikeria horren adierazle, orientazio sexualagatik eta genero identitateagatik ematen diren erasoen kontrako protokoloa 2016 urtetik airean dagoela jakinarazi dute. Ildo berean, udal politiken diseinu, jarraipen zein ebaluaketa egiteko Ekainak 28 Koordinadorarekin osatutako lankidetza mahaia desaktibatuta daukatela azpimarratu dute.
Instituzioek ekimenera bideratutako aurrekontua ere hartu dute hizpide. Bizkaiko Foru Aldundiak aniztasun afektibo-sexuala eta familiakoa lantzeko proiektuetara 70.000 euroko aurrekontua bideratzen duela jakinarazi dute, proiektu zein elkarteko 15.000 euro baino gehiago jasotzea galaraziz. Bilbao Bizkaia Pride ekimenera, ostera, 36.209,25 euro bideratu dira 2018an, elkarteen proiektuetara bideratzen den zenbatekoaren erdia baino gehiago, baita proiektu bakan batek jaso dezakeen kopuruaren bikoitza baino gehiago ere.
Gaitzetsi egin dute Bilboko Udalak eta Bizkaiko Foru Aldundiak “ekimenak hartu eta turistak erakartzea” lehenesteko joera. “Zehazki, G letran ardaztuz, maila ertain-altuko erosteko ahalmena daukaten gizonezko homosexualak erakartzea bilatzen dute, udal eta foru-arduradunek behin baino gehiagotan adierazi duten modura”, kritikatu dute.
Piztu Bilbo, Itzali MTV-k ere ekimena salatu du
Indarrean den hiri eredua ezbaian jarri eta beste Bilbo baten aldeko aldarria egiten duen Piztu Bilbo, Itzali MTV eragilea ere argi mintzatu da kontu honen bueltan: “Lehenik kultura, gero kirola eta gastronomia, eta orain gure identitateak eta desirak merkantilizatu nahi dituzue. Ozen esan nahi dugu, gure nortasunak eta identitateak ez daude salgai”.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Hobekuntza horiekin izokinak eta beste espezie migratzaile batzuek erruteko eremu optimoak lortzea eta bizirik irauteko aukerak handitzea espero da. Europako funtsekin finantzatutako jarduera da, Life Kanturibai proiektuaren baitakoa.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Adinekoen egoitzako egoiliarra da asteazken gauean hildako emakumea. Larriki kolpaturikoa ospitalera eraman zuten, baina bertan hil zen emakumea. Bertako egoiliarra den 68 urteko gizon bat atxilotu dute, indarkeria matxista leporaturik.
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Asteazkenean banatu dituzte Rikardo Arregi sariak, Andoainen. Kazetaritza Saria Berria-n argitaratutako Feminizketak elkarrizketa sortak jaso du, eta Komunikazio Saria Euskal Wikilarien Kultura Elkartearen Ikusgela proiektuak. Ohorezko mugarria Ana Galarraga Aiestarani eman dio... [+]
Threes! edo 2048 klasikoen bertsioa prestatu dute Julen Irazokik eta Ibai Aizpuruak, Mikel Dale musikagilearekin batera. Android-en doan deskarga dezakegu euskarazko bideojokoa.
Urtarrilean salmenta espekulatibo bat salatzeko ekintza egin zuen Arberoa Lurra eta Etxebizitza kolektiboak, eta horrekin lotuta egon daitezke atxiloketak. Goizeko seiak aldera atxilotu dituzte, "atea kasik hautsiz eta esku-burdinak segidan ezarriz", Ostia sareak... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]