‘Bizkaia, kolapsoaren aurrean’ birarekin Ekologistak Martxanek Bilboaldeko puntu beltzak erakutsi ditu
Ekologistak Martxan elkarteak, Euskal Gune Ekosozialistarekin elkarlanean, larrialdi klimatiko eta sozialaren aurrean Bilbo aldeak dauzkan puntu beltz nabarmenenak erakutsi dizkie hedabideei azaroaren 26an antolatutako Bizkaia kolapsoaren aurrean izeneko biran. Globalizazio kapitalistak ezarritako ekoizpen eta kontsumo ereduaren aurrean eraikitzen ari diren alternatiben aipamenak ere izan ziren.
Tour sinboliko eta adierazgarrian Bilboaldeko azpiegitura nabarmenetara eraman ditu Ekologistak Martxan elkarteak azaroaren 26an haren deiari erantzunez bildutako hedabideak. Biraren helburua zen, militante ekologistek adierazi zutenez, Bizkaiko gizartea ohartaraztea energia fosilen kontsumoak, biodibertsitatearen galerak eta, oro har, Europako txoko honetan bizi dugun "normaltasun hiltzailea" nola mamitzen den lurralde honetako zenbait azpiegitura handitan.
Autobusak lehenik eraman zitue Bilboko portura eta zehazkiago hor munduko beste muturretatik ekarritako erregai fosilak deskargatzen diren terminalera. Atarian Iñaki Barcena irakasle eta militante ezagunak azaldu zituen petrolioaren eta beste erregaien urritzeak jada erakusten dituen ondorioak, denborarekin larriagotzen joango direnak.
Iñaki Barcena hitz egin ostean, David Hoyosek mugikortasuna jorratu du: AHT, autobideak, garraio pribatuak... Beste eredu bat behar dugu.
— Ekologistak Martxan (@ekologistak) November 26, 2020
Después de escuchar a Iñaki Bárcena, David Hoyos habla de movilidad: TAV, autopistas, transporte privado... Necesitamos otro modelo #colapso pic.twitter.com/JdyPB6OoM1
Birak Supersur autobideko tartea egin zuen gero eta militanteek baliatu zuten kritikatzeko azpiegitura oso garesti honen zentzugabekeria, azalduz herritarrek mugikortasunaren mitoa baino behar dutena dela zerbitzuak eskueran edukitzea. Salatu zuten autobide hori sustatzaileek aurreikusitako jendeen erdiak baino ez dutela erabiltzen, ordainpeko errepideak aberatsenen eskueran bakarrik dauden seinale.
Amets Ladislaok egungo ekoizleen egoera argi eta garbi azaldu digu Mercabilbao aurrean. Elikadurak ez ditu milaka kilometro egin behar.
— Ekologistak Martxan (@ekologistak) November 26, 2020
Frente q Mercabilbao, Amets Ladislao nos ha expuesto la realidad de nuestras productoras. Es un sinsentido que la comida recorra miles de km. pic.twitter.com/9QMHUyI0lp
Bilboaldeko Ur Partzuergoa ere bisitatu zuten eta hor ekologistek ohartarazi zuten Euskal Herriko biztanle gehien biltzen duen inguru honen ur hornidura hain modu zentralizatu eta mugatuan egotea, ur eskasia indartzen ari denean berrantolatu eta dibertsifikatu beharra dagoena. Hortik Mercabilbaora jo dute, eskualdea hein batean elikagaiz hornitzen duen azoka-biltegi handira. Bertan Amets Ladislao baserritarrak komentatu ditu elikagaien ekoizpen eta kontsumoan nagusitu den eredu produktibista industrialaren ezaugarriak eta horien aurrean hainbat laborari txiki, merkatari eta kontsumitzailek azken urteotan eraiki dituzten egitura alterlatiboak.
Horietako batean, hain zuzen, Labore elkarteak Santutxun daukan saltokian eman diete hamaiketakoa bidaian partaide zirenei. Hondakinen afera ere nabarmendu dute eta Gorka Bueno aritu da Zabalgarbi erraustegiak gure ekoizpen eta kontsumo ereduaren barrunbeez erakusten dituenak azaltzen.
Ostera autobusa hartuta, azken geldialdia Bilboko Inmigrazio bulegoaren atarian egin dute, Etxekotu Gabeko Emakume Langileen ordezkari Txefi Rocok ohartarazi ditu baidaiariak nagusiki gure zaharren zaintza lanetan ari diren beharginon arazoez eta denen ahotan dabilen zaintza kontzeptua modu egokian erabili beharraz..
Txefi Rocok hainbeste erabiltzen den #zaintza hitzari bueltak eman dizkio. Ikasteko dugu oraindik.
— Ekologistak Martxan (@ekologistak) November 26, 2020
Txefi Roco, de Trabajadoras No Domesticadas, nos ha dado un repaso por la tan manida palabra #cuidados. Tenemos mucho que aprender. #colapsar #MugenAmildegian #LosLimitesDelAbismo pic.twitter.com/RTjngb05Qv
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Akainak edo kaparrak batetik, eltxo tigreak bestetik, Euskal Herrian duten presentziaz eta gurean dauden espezieez mintzatu zaigu Aitor Cevidanes ikertzailea. Osasuna eta ingurumena hizpide, dituzten arriskuez, herritarron uste faltsuez eta klima aldaketaren nahiz gizakion... [+]
Klimari buruzko datuak jasotzen dituen Copernicusen arabera, hamahirugarren hilabetez jarraian errekorra hautsi da aurtengo ekainean. Parisko Akordioan hitzartutako 1,5ºC-en helburua ez da bete eta egoera aldatzen ez bada, errekor negatibo berriak izango direla aurreikus... [+]
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
Zeintzuk dira gure benetako beharrizanak ondo bizitzeko? Zer da ondo bizitzea? Galdera hauei erantzutea funtsezkoa da gehiegikeriaren gizartean, are gehiago larrialdi klimatiko, ekologiko eta zibilizazio krisiaren garaiotan.
Azken urteotan nabaritu den beroketa globalaren emendatzea neurri batean kutsadura murriztearen ondorioa da, hain zuzen, murriztuz doazen aerosol sufredunen isurketek, berez, berotegi efektuaren zati bat konpentsatzen dutelako. Paradoxa horrek egoera berri batean sartzen gaitu,... [+]
Ostegunean hasi da uda. Hartara, udaberriko eguraldiaren balorazioa eta udakoaren iragarpena egin du gaur AEMETek. Apirila 1961az geroztik hilabeterik lehorrena izan den arren, udaberri “arrunta” izan da eta uda ohi baino beroagoa izatea aurreikusi dute.
Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]
Ozeano Barean, atoloi apalez osatuak, Marshall uharteak dira klima aldaketaren aurrean herrialde hauskorrenetakoak, itsas mailaren gorakadak zuzenki mehatxatzen dituelako. Bertako gobernuak egokitze plan sakon eta zehatz bat martxan jarri du, biztanleekin elkarlanean, behetik... [+]
Teofanes Aitorlea kronikalariak jaso zuenez, 763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.
Orain arte klima hoztea, besteak beste, jarduera... [+]
Frantziako Estatuaren menpe segitzen duen Indiako Ozeanoko Mayotte irlan biderkatuz doaz kolera kasuak. Uraren kudeaketa kaskarra izan ohi da eritasun horren zabalpenaren arrazoietan eta, hain justu, uraren krisi gogorrari aurre egin nahian dabiltza bertako herritarrak. Bigarren... [+]
Etiopia, Somalia eta Kenyako hainbat eskualdetan ia hiru urtez euririk gabe egon ondoren, azkenaldian urpetuak izan dira. Sasoi kontrasteak ohikoak izanik ere eskualde hartan, klima aldaketarekin larritzen dira, eta euriak hobeki baliatzeko hainbat tokiko ekimen garatzen ari... [+]