Elkarrekin Podemosek salaketa bat aurkeztu du diputazioaren aurka. Ohartarazi duenez, bakarrik iritsi diren adingabeentzako Zornotzako zentroak 40 toki ditu, baina 160 gazte daude bertan
Elkarrekin Podemosek Bizkaiko Foru Aldundia salatu du Zornotzako adingabeen zentroa «gainezka» dagoelako. Tinixara Guanche legebiltzarkideak eta Eneritz Madariaga batzarkideak atzo aurkeztu zuten salaketa Bizkaiko Fiskaltzan; koalizioaren helburua da Bizkaiko Adingabeen Fiskaltzak hartzea auzia. Espero dute «egoera konpontzeko neurriak» hartuko dituela. Gazteak «pilatuta» daudela salatu dute, eta kontua «oso larria» dela. Azaldu dute zentroak 40 lagunentzako lekua duela, baina orain 160 adingabe inguruk egiten dutela lo han; hau da, egon daitezkeenak halako lau. Gainera, ohartarazi dute 30 gazte inguruk zoruan egiten dutela lo.
Bizkaira senide heldurik gabe iristen diren adingabeei lehen harrera egiteko erabiltzen du Foru aldundiak Zornotzako aterpetxea. Izan ere, haren ardurapean geratzen dira 18 urte bete arte. Zentroan, adingabeen egoera aztertzen dute, eta, gizarte langile eta hezitzaileek erabakitakoaren arabera, adingabeentzako beste egoitzetara bideratzen dituzte. Hala ere, praktikan, Zornotzan egiten duten egonaldia lehen harrerakoa baino luzeagoa izaten da batzuetan. Bizkaiko Gizarte Ekintza Sailarekin hitz egin zuen BERRIAk atzo, eta erantzun zuten oraingoz ez dutela adierazpenik egingo. Gaur, Bizkaiko Batzar Nagusietako Iraskunde Gobernamentu Onerako eta Gardentasunerako Batzordea bilduko da; gai ordenako lehen puntuan, bakarrik iristen diren adingabe etorkinei buruz galdetuko dio EH Bilduk Bizkaiko Diputazioari; Espainiako Gobernuari eskatutako kupoez, zehatzago.
Elkarrekin Podemoseko ordezkariek esan dute fiskaltzara jotzea «azken aukera» izan dela eurentzat. «Beste bide guztiak agortu dira aurretik, baina ez da emaitzarik lortu», azaldu du Madariagak. «Arazoa ez da orain sortu; egiturazkoa da. Eta ez da salatzen den lehen aldia». Gogoratu du EAEko Arartekoak 2005ean ere ohartarazi zuela zer gertatzen ari zen Zornotzako zentroan. Aurtengo txostenean ere berriro aipatu du. 2005ean, ohi baino adingabe gehiago iritsi ziren Bizkaira, eta diputazioaren zentroak gainezka egon ziren. Krisi ekonomikoarekin, behera egin zuen bakarrik iritsitako adingabeen kopuruak, eta aldundiak hainbat zentro itxi zituen, hutsik geratu zirelako. Azken urteetan, berriro egin du gora: bi urtean, laukoiztu egin zen iritsitakoen zenbatekoa. Hala, iazko udazken hasieran, Bizkaiko Gizarte Ekintza Sailak zazpi zentro berri ireki behar izan zituen.
Madariagaren ustez, egoeraren erantzulea «EAJk egiten duen kudeaketa eskasa» da. «Planifikaziorik eta antolaketarik gabe» ibiltzea egotzi dio Gizarte Ekintza Sailari. «Hau ez da larrialdi egoera baten ondorio. Aurretik jakin dute zer gertatuko zen. Adingabeak ez dira egun batetik bestera iritsi». Ohartarazi du diputazioak «etengabe» urratzen duela Espainiako Adingabeen Babeserako Legea. Horregatik, egon litezkeen erantzukizun penalak aztertzeko eskatu dio fiskalari. «Segurtasun arazoak sor daitezke han dauden ume eta gazteentzat. Eta hezitzaileentzat eragozpena da euren lana behar bezala egiteko». Izan ere, zentroan dauden adingabe guztiek lo egiteko lekua izan dezaten, oheak ipini behar izan dituzte jantokian eta prestakuntza saioak eskaintzeko erabiltzen diren ikasgeletan.
Langileak, gainezka
Hezitzaileen eta adingabeen arteko ratioak ere ez dituzte betetzen. «Baldintza horietan, hezitzaileek ezin dituzte adingabeentzako programak behar bezala garatu. Bizitza proiektuak martxan jartzeko behar duten laguntza gabe geratzen dira; etorkizuna baldintzatzen zaie». Era berean, adingabeengan sortzen den «frustrazioaz» ohartarazi dute. «Erasoak eta abusuak sustatzeko giro egokia sortzen ari da».
Joan den abenduan, hustu egin behar izan zuten Zornotzako egoitza, sute batengatik. Ertzaintzaren arabera, zenbait adingabek su eman zieten koltxoi batzuei, eta hala zabaldu ziren garrak; ez zen lehen aldia. Hezitzailek ohartarazi zuten gazteek «haserrea eta ezinegona» sentitzen dutenean jokatzen dutela horrela. Orduan ere egoitza gainezka zegoela salatu zuten langileen ordezkari sindikalek.
Elkarrekin Podemosek gogoeta piztu nahi du, Zornotzako «pilaketa» konpontzeaz gain. «Etorkin adindunekin egin behar den bezala, adingabeei zer harrera egingo diegun aztertu behar dugu». Espainiako Gobernuarekin eta Eusko Jaurlaritzarekin negoziatzeko eskatu dio Madariagak Bizkaiko Diputazioari.
Albiste hau Berria.eus-ek argitaratu du eta CC-by-sa lizentziari esker ekarri dugu ARGIAra.
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Gutxienez 33 pertsonaz aprobetxatu da. Irunen jaso eta Ipar Euskal Herrira eraman ditu, dirua kobratuta.
Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.
Aurten ere, Mugak Zabalduz karabanan ia ehun lagun abiatuko gara Euskal Herritik, Europaren migrazio politikak, eta aurten bereziki onartu berri duen Migrazio eta Asiloko Paktua, salatzeko asmoz. Aurten Balkanetako mugara joango gara, Bosnia Herzegovinako Bihac hirira; hor... [+]
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko... [+]