Bizitzaren garestitzeak ez du etenik: gora etxebizitza, gasolina eta elikagaien prezioak
Etxebizitzak duela urtebete baino %3 gehiago balio du EAEn eta %5,6 gehiago Nafarroan. Gasolina urtarriletik %24 garestiagoa da eta %10,4 diesela. Elikagaietan, nabarmentzekoa oliba olioa: ia hamar euroan dago litroa supermerkatuetan.
Bizitzaren garestitzeak ez du etenik: gora egiten jarraitzen dute egunerokoan beharrezkoak diren produktu eta baliabideek.
Etxebizitzak dira horren adibideetako bat. Espainiako Estatistika Institutuak ostegunean kaleratutako datuen arabera, 2023ko bigarren hiruhilekoan %1,5 garestitu dira etxebizitzak Araban, Bizkaian eta Gipuzkoan, eta %1,1 Nafarroan. Duela urtebeteko prezioekin alderatuta, %3 gehiago balio dute etxebizitzek EAEn, eta %5,6 gehiago Nafarroan.
Indomio higiezinen agentziaren datuen arabera, abuztuan Araba, Bizkaia eta Gipuzkoan 2.830 € balio zuen etxebizitza baten metro karratu bakoitzak, batez beste. Horrek esan nahi du 90 metro karratuko etxebizitza batek 254.700 euro balio duela. Nafarroan merkeagoa da, 1.532 euroan baitago metro karratua (90 metro karratura eramanda 137.700 euro); neurri bereko etxearen alokairua, berriz, 923 euroan legoke.
Donostia da bizitzeko hiribururik garestiena Euskal Herrian. 5.382 euroan dago metro karratua batez beste, hau da, 90 metro karratuko etxe batek 484.380 euro balioko luke. Alokairuen prezioa, berriz, 1.508 euroan legoke. Zarautz ez da atzean gelditzen: neurri horretako etxea 464.500 euroan legoke salgai, eta 1.281 euroan alokagai. Neurri bereko etxea erosteak Bilbon eta Getxon 300.000 eurotik gora balioko eta alokatzeak 1.200 eurotik gora. Gasteizen 237.700 euroan legoke salgai eta 1.063 euroan alokagai. Iruñea da Euskal Herriko hiriburu merkeena zentzu horretan; 90 metro karratuko etxea erosteak 219.000 euro balioko luke, eta 950 alokatzeak.
Gasolina, bederatzi astez jarraian gora
Gasolioaren eta gasolinaren prezioak izan dira azken hilabeteetan markarik handienak hautsi dituztenak. Iazko uztailean jo zuten goia prezioek Espainiako Estatuan: 2,141 eurora iritsi zen gasolina litroaren prezioa, eta 2,1 dieselarena. Uztailaz geroztik behera egin bazuen ere, goranzko joeran da berriz ere. Bederatzi aste daramatza etengabe garestitzen, eta uztailaren hasieratik gasolina %8,7 igo da, diesela %12,8 igo den bitartean.
Egungo prezioak kontuan hartuta, 55 litroko depositua betetzeak 95 euro balio du batez beste, duela urtebete baino 8,3 euro gehiago (20 zentimoko deskontua kontuan hartuta). Urtarrileko datuekin alderatuta, gasolina %24,4 garestiagoa da irailaren hasieran, eta %10,4 garestiagoa diesela.
Oliba olio litroa ia hamar euroan
Elikagaien oinarrizko saskiaren kostua ere gorantz doa. Janariak azken hilabeteetan izandako garestitzearen aurrean, Espainiako Gobernuak urte hasieran oinarrizko hainbat produkturi BEZ-a kendu zien supermerkatuetatik. Produktu horietako askoren prezioak aztertu ditu Facua kontsumitzaileen aldeko erakundeak; zortzi supermerkatu handitan BEZ-a kendu dioten elikagaiak hartu eta prezioan izan dituzten aldaketak behatu ditu.
Aztertutako produktuen ia erdia (%48,4) garestitu egin da. Urte hasierako legearen arabera, produktu horien prezioak ezin dituzte igo ez badira haien kostuak garestitzen. 471 produktutan atzeman du prezioen igoera Facuak, %30 fruta eta barazkietan, %20 oliba oliotan eta %13,4 arroz eta pastetan.
Asko garestitu den produktua da oliba olioa. Esaterako, Eroski supermerkatuetan Coosur Hojiblanca markako olioak urte hasieran 5,34 euro balio zuen eta abuztu bukaeran 9,99 euro, hau da %84ko igoera izan du. OCU kontsumitzaileen elkarteak egindako azterketaren arabera, uztaileko lehen hamabostalditik abuztu bukaerara %15,4 garestitu da oliba-olio birjina estra, batez beste 8,16 euro balio izatetik 9,42 balio izatera igaro baita.
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Nafarroako ipar-ekialdeko egoera larriari aurre egiteko Pirinioaldeko Mahaia sortu zuten zonaldeko hainbat gizarte eragilek eta erakundek. Nafarroako Gobernuaren utzikeria salatu dute bertako biztanleek. Aurizko alkate Unai Irigaraik eman dizkigu xehetasunak Guardasola saioan.
Udatiar gutxiago zenbatu dira uztailean Iparraldean. Departamenduko Turismo Agentziak egunean 200.000 bisitari zenbatu ditu, usaian 240.000 direlarik. Turista guttiago bai, baina aberatsagoak ere bai.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Hamahiru sukaldari edo ekoizle saritu ditu “euskal gastronomia tradizionala” sustatzen duen Gipuzkoako elkarteak, VI. edizio honetan. Sariekin nabarmendu nahi izan dute bertako ekoizleekin elkarlanean egindako gastronomia jasangarria.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]