Bizitza Jokoan kongresua egingo da Bilbon, martxoaren 1etik 3ra
Mugarik Gabe Gobernuz Kanpoko Erakundeak antolatu du kongresua. Enpresa transnazionalen jarduna, horien eskutik jazo ohi diren naturaren eta giza eskubideen urraketak, eta ondorioz areagotutako krisi klimatikoa izango dituzte hizpide.
Martxoaren 1etik 3ra gauzatuko da Bizitza Jokoan kongresua Bilboko EHUren paraninfoan. Mugarik Gabe GKE-ak antolatuta, hiru egunez hizketagai izango dituzte enpresa transnazionalak, etekinak lortzeko horiek gauzatzen dituzten naturaren eta giza eskubideen urraketak, eta horiek indartutako krisi klimatikoa.
"Krisi klimatikoaz eta ekintzara pasatu beharraz jadanik horrenbeste hitz egiten denean, oraindik gaur egun Lurra eta bertan bizi garen izaki ororen eskubideak defendatzeak bizitza propioa arriskuan jartzea dakar berekin. Alegia, bizitza jokoan bizitza bera defendatzeagatik (...) Larrialdi klimatikoaren aurrean aritzeko denbora amaitzen ari da eta pertsonen bizitzak, lurra eta eskubideak jokoan daude", irakur daiteke GKEak kongresua aurkezteko idatzitako lerroetan. Hortik "Bizitza Jokoan" izena, horretan guztiaz hitz egin asmoz antolatu baitute kongresua.
Egitaraua osatzerakoan, ikuspegi desberdinak bildu nahi izan dituzte, eta horregatik parte hartzaileen artean daude gizakien eta naturaren eskubideak defendatzen dituzten norbanako eta kolektiboak, politikariak, zientzialariak, ekintzaile sozialak eta kazetari zein komunikatzaileak. Gonbidatuen artean nazioarteko eragileak ere badira, eta Latinoamerikatik datoz horietako zenbait; horiei buruzko informazioa eta jardunaldien egitarau zehatza eskuragarri dago Mugarik Gaberen web-orrian. Kongresuan parte-hartzeko izen-ematea ere bertan egin daiteke, galdetegia hau beteaz.
Kongresua antolatzearekin batera, gai bera ardatz hartzen duen La vida en juego-Bizitza jokoan. Derechos Humanos y de la Naturaleza violentados (Icaria, 2022) ikerketa argitaratu dute, baita berorren laburpena den Bizitza jokoan. Giza eskubideak eta naturaren eskubideak urratuta aldizkaria ere. Egileen hitzetan, "lan horretan jasotzen dira enpresa transnazionalek eredu neoliberalaren barruan hartzen duten garrantziak sortzen dituen arazo larrietako batzuk, baita ahalik eta botere eta etekin handiena lortzeko giza eskubideak eta naturarenak urratzeko agertzen duten prestutasuna ere". Lanak adibidetzat jartzen ditu Paraguai, Honduras, Kolonbia eta Guatemalako kasu bana.
Gasteizko Mercedeseko langileek bederatzi orduko bi txandetan egingo dute lan aste bitartean, eta larunbat goizetan zortzi orduz, 2025eko martxotik aurrera. Hori da enpresako patronalak iragarri duena iragan astean, gehiengo sindikala aurka azaldu bada ere. Osasunerako eta... [+]
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen... [+]
Iberdrolak 5.472 milioi euroko etekinak izan ditu aurten irailera arte, eta bere aurreikuspenen arabera 2024an errekor berria jarriko du irabazietan: iaz baino %14 gehiago. Repsolek uztailerako 1.626 milioi euro zeuzkan poltsikoan, eta 2023an irabazitako 3.168 milioiak aurten... [+]
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
% 10,7ko igoera izan du aurreko ekitaldiaren aldean; iaz, 4.339 milioiko errekorra lortu zuen. Hala ere, Ignacio Sanchez Galan presidenteak irabazi elektrikoen kargaren aurka egin du.
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Epaitegiak adierazi du ez dagoela nahikoa frogarik akusazioa babesteko.
Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]
Erabili eta bota. Abiadura handiko modak saltokiak eta etxeetako postontziak bete ditu aspaldion, fast fashion ere esaten zaio. Baina azkarretik baino inozotik gehiago du: lan prekarioarekin hondakin mordoa sortzeaz gain, arropa garraiatzen fuel-olio kopuru izugarriak erretzen... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Auto elektrikorako bidean egokitu beharra duela iragarri du multinazional alemanaren Nafarroako lantegiak, eta horren ondorioz, datozen bi urteetan 400 lanpostu murriztuko dituela jakinarazi die langileei.