“Bizirik jarraitu beharko lukeen jendea ari da hiltzen Greziako ospitaleetan”
Greziako osasun sistemaren hondamendia heldu da, eta mediku, erizain eta garbiketa produktuen falta da horren arrazoietako bat. El Diario egunkariak argitaratu ditu Michalis Giannakos Ospitale Publikoetako Langileen Federazioaren presidentearen hitzak. Azaldu duenez, diru murrizketak direla eta, 40 pazienteko talde bakoitzeko erizain bakarra dago, “eskuak garbitzeko denborarik ere ez daukate langileek, eta aurretik desinfektatu barik dauden oheetara eramaten dituzte gaixoak”.
Greziako ospitaleak “arrisku-gune” bihurtu direla salatu dute hainbat mediku eta erizainek. Heriotza kopurua areagotu egin da, eta oso arriskutsuak diren infekzioak hedatu dira. Giannakosek azaldu duenez, “bizirik jarraitu beharko lukeen jendea ari da hiltzen”. Abenduan Zakynthoseko ospitalean izandako emakume baten kasua gogoratu du. Ebakuntza arrunt bat egin zioten hankan, eta hil egin zen. “Ez zen ebakuntza arriskutsu bat, bizirik egon beharko luke”.
Gaixotasunen Kontrol eta Prebentziorako Europako Zentroak adierazi duenez, Greziako ospitaleetan dauden gaixoen %10ak, hilgarriak diren infekzioak garatzeko arrisku handia dauka. Eta ehuneko hori handiagoa da erditze geletan eta zaintza intentsiboko unitateetan. Zakynthoseko ospitalean, esaterako, 150 ohe galdu dituzte azken horietan, osasun publikorako fondoetan izan diren murrizketengatik.
2009tik 5.000 milioi euroko murrizketak egin dituzte Greziako osasun publikoan
Osasunaren sektorean eragin handia izan du Greziako ekonomia krisiak. 2009tik, 25.000 langile baino gehiago kaleratu dituzte, eta 5.000 milioi euroko murrizketak egin dituzte osasun publikoan, ospitaleetan sendagai, izara, eskularru eta bestelako material barik gelditu diren arte.
Ez da oinarrizko odol analisirik egiten, laborategietako gastuetan ere murrizketak izan direlako, diagnostikoak egiteko ekipo eta makina asko hondatuta daude, eta Greziako 2,5 milioi biztanle baino gehiago gelditu dira osasun estaldura barik. Horren aurrean, 2017an 8.000 mediku eta erizain baino gehiago kontratatuko dituela adierazi du Greziako Gobernuak.
“Medikuntzako ikasleak hasi dira dagoeneko beste herrialdeetara joaten, Grezian ezin dituztelako garatu euren gaitasunak”
El Diario egunkariak, Yiannis Papadatos medikua ere elkarrizketatu du. Horren ustez, langileria falta da Greziako osasun sistemak duen arazorik handiena. “Orain arte mantendu bada, mediku eta erizain askok ordaintzen zaien lana baino gehiago egin dutelako, eta sektore pribatutik makinaria bidali dutelako izan da”.
Greziako Gobernuak mediku eta erizainak kontratatuko dituela adierazi duen arren, askoren ustez txarrena heltzear dago oraindik. Horietako bat da Michalis Samarakos medikua. Bere ustez, herrialdea mediku izateko ikasketak egin nahi dituen pertsona barik gelditzeko arriskuan dago. Medikuen exodoaz hitz egiten du, egun Grezian duten aukera faltaren ondorioz. “Ikasleak hasi dira dagoeneko beste herrialdeetara joaten, Grezian ezin dituztelako garatu euren gaitasunak”. Aldaketa handirik egon ezean, osasun sektorearen egoerak txarrera besterik ezin duela egin esan du Samarakosek.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Kutsatze gutxiago egon ez dadin diagnostiko horiek lehenago egitea zein garrantzitsua den azpimarratu du Nafarroako Osasun zuzendari nagusiak. “Osasun-sistemara heltzeko zailtasun handiagoak dituztenengan” jarri du fokua aurtengo hiesaren Eguneko kanpainak.Nafarroak... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azala ez da azaleko gaia, kanpoarekiko muga eta gure buruaren babesa baizik. Ordea, kosmetiko industrialak erabiliz gero, toxiko kimikoak barneratzen ditu gure gorputzak azaletik, eta dutxako zulotik behera joaten direnean, ura eta Lurra ere kutsatzen ditugu egunero. Eredu... [+]
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.