Bizipoza: aniztasun funtzionala, kulturala eta sexuala bistaratzen eta lantzen
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere prest dute, eskolan nahiz etxean lantzeko.
Aniztasun funtzionala, identitatea, familia aniztasuna, sexu orientazioa, kultur aniztasuna, gaixotasunak, heriotza, genero rolak… Arlo ugari ukitzen ditu Bizipoza Eskolak prestatu duen material pedagogikoak: unitate didaktikoak, ipuinak (irakurtzeko eta ikus-entzuteko) eta beste, Haur Hezkuntzatik hasi eta goi mailako ikasleekin lantzeko materiala da, baita gela egonkorretan, hezkuntza ez formalean edota herrigintzan lantzeko ere.
“Curriculum ofizialetik harago, bada curriculum sozial bat, oraindik horri buruz idatzi ez den arren gero eta presentzia handiagoa daukana eskoletan: esparru ezberdinak lantzen dituzten kolektibo eta eragileen proposamenak iristen zaizkigu, gai eta balio horiek landu ditzagun eskolan, eta Bizipozak horren guztiaren bueltan proposamen antolatua egin du, euskaratik –azaldu dio ARGIAri Nora Salbotx Amaiurko eskolako zuzendariak–. Sekulako tresna potentea da, malgua, bikain antolatua eta arras ongi hornitua”. Kezka hau edo bestea lantzeko garaian, gai hau edo besteari heltzeko unean, ikastetxeei lana erraztuko die Bizipoza Eskolak, dio Salbotxek. Amaiurko eskolak berak parte hartu du material pedagogikoaren pilotaje fasean.
Azken finean, ugariak dira baita ere Bizipoza osatzen duten elkarteek ukitzen dituzten arloak: esklerosi anizkoitza, down sindromea, harrera familiak, euskara, animaliak, minbizia, kirol egokitua, ijito herria, adopzioa, transexualitatea, gortasuna… Elkarteen artean daude, besteak beste, Agipase, Arnasa, Aspanogi, Bihotzez, Chernobilen lagunak, Etiopia Utopia, Gehitu, Gure nahia, Hil Argi, Kale Dor Kayiko, Marea urdina, Naizen, Pausoka, Ulertuz.
Asteazken honetan, Bizipoza Eskola aurkeztuko dute Iruñean (Kondestablearen Jauregian, 18:00etan).
"Esparru ezberdinak lantzen dituzten eragileen proposamenak iristen zaizkigu eskolara, gai eta balio horiek landu ditzagun, eta Bizipozak horren guztiaren bueltan proposamen antolatua egin du, euskaratik"
Apirilean, jaia Hernanin
Sentsibilizazio kanpaina ere egin du Bizipozak, eta elkarteetatik egiten duten lana gizarteratzeko asmoz, jaia antolatu dute, apirilaren 27rako. Hernanin izango da egun osoko festa. “Helburua da denona eta denontzat beharko lukeen gizarte inklusibo bat eraikitzea, euskaratik eta euskaraz”.
Euskara, elkartasuna, bizipoza eta auzolana ardatz hartuta antolatu dute jaia. Egun osoko egitaraua ari dira prestatzen, hainbat gunetan banatuta. Elkarteen guneak aukera emango du elkarteekin aurrez aurre aritzeko; Ikuskizunen gunean arituko dira, besteak beste, Porrotx eta Marimotots, Ttarla dantza taldea eta Hernaniko erraldoi eta buruhandiak; eta Tailerren gunean nahi duen orok parte hartu ahal izango du, Kanika aisialdi taldeak lagunduta.
Boluntarioak ongi etorriak izango direla ere adierazi du Bizipoza elkarteak. Lagundu nahi duenak, 688 733 696 telefonora deitu edo markel@bizipoza.eus helbidera idatzi dezake.
Egoera juridikoki aztertu ondoren, Euskal Herriko Unibertsitateak erabaki du Zuzenbide Fakultatearen Bizkaiko Ataleko irakaslea lanpostutik kentzeko prozesua martxan jartzea. Irailaren 27an hasi ziren irakaslearen aurkako salaketak. Orduztik ehundaka izan dira auzi honen... [+]
Hezkuntza Departamentuan jarrera aldaketarik ikusten ez dutela-eta, irakaskuntza publikoko langileak grebara deitu dituzte berriz ere sindikatuek urriaren 29an, "negoziazioaren alde". Nafarroako Parlamentuko indar politikoak ere interpelatu dituzte, "gure... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Ikasturte honetatik aurrera, Hego Euskal Herriko Lanbide Heziketako ikasleak lehenengo mailatik arituko dira enpresetan, enpresek eurek hezkuntza-curriculumeko edukiak irakatsi eta ebaluatuko dituzte, eta ikasleen ezagutza tekniko eta espezifikoak murriztuko dira, Xabier Jimenez... [+]
Sarak 14 urte ditu eta txikitatik ikasle eredugarria izan da, baina DBHko hirugarren mailan arreta galtzen hasi da, emozio festa betean. Matematikekin ez atzera ez aurrera dabil. Etxean, aitak komentatu du familian inoiz ez direla zenbaki-zaleak izan, eta Sarak bere buruari... [+]
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Nafarroan hezkuntza publikoko milaka irakasle greba egitera daude deituta ostegun honetan eta mobilizazio ugari iragarri dituzte sindikatuek. Ratioen jaitsiera, plantillak egonkortu eta gainzama arintzea eskatzen dute, besteak beste: "Gobernuari dagokio hezkuntza publikoa... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Ikastetxeak mugikorrik gabeko arnasgune izan daitezen araudia sortzeko eskatu diote Eusko Jaurlaritzari hainbat guraso taldek, gutun bidez eta sinadura bilketa abiatuta. Gaur gaurkoz, eskola bakoitzaren bizkar dago erabakia: mugikorra onartu ala ez eta zein baldintzatan... [+]
Ikusgela proiektuak, hezkuntzarako ikus-entzunezko materiala lantzeko wikiekimenak, hirugarren ikasturteari ekin dio gaur. Orain arte 92 bideo argitaratu baditu ere, ikasturte honetan maiztasuna handituko du, astearte eta ostegunero bideo bat aterako du eta irailetik maiatzera... [+]
Lezioa buruz ikastea, norbere eskemak eta laburpenak egitea, azpimarratzea, beste norbaiti lezioa azaltzea… Ikasteko teknika ugari dago, baina DBHko ikasleek ez dituzte egokienak erabiltzen, ikerketa baten arabera, eta azterketa sistemak badu zerikusirik horretan. Ikasle... [+]
Bullying kasuetara ez iristeko onena elkarren arteko tratu onak sustatzea dela sinetsita, Haur, Lehen eta Bigarren Hezkuntzako 67 ikastetxek parte hartzen dute Nafarroako Laguntza programan. Ikasleekin enpatia, bizikidetza, komunikazio asertiboa… lantzeko prestatzen... [+]