Bizileku-baimena lortzeko baldintza ezinezkoak eskatzen dizkietela salatu dute migratzaile gazteek
“Ekarpenak egin nahi ditugu, utziko diguzue?” lelopean, agerraldia egin du hainbat migratzaile gaztek Donostian. 18 urte betetzen dituztenean, babes-sistematik at geratzen dira eta bizileku-baimena lortzeko kontu-korrontean hilero gutxienez 500 euro baino gehiago izatea eskatzen die legeak; bizileku-baimena berritzeko berriz, 2.000 euro baino gehiago izatea. “Gure inklusioan lagundu nahi diguzue ala zailtasun bat izan nahi duzue gure bide zailean?”.
Espainiako Barne ministerioak hartu dituen neurri berriek abandonura eta irregulartasunera kondenatzen dituztela kritikatu dute gazteek. Izan ere, zeinek bermatu dezake diru hori hilero, adin eta egoera horretan? “18 urterekin eta lan egiteko baimenik gabe diru hori aurreztuta eduki ahal izango bagenu bezala. Eduki ezean, urtebeteko lan-kontratua eskatzen digute, gutxieneko soldatarekin (950 euro). Egoera hori ezinezkoa da gazte batentzat”.
“Egoitza-baimena ez edukitzeagatik, ezin ditugu erdi eta goi mailako heziketa zikloak egin”, eta ondorioz, gazte hauen eta horiek laguntzen diharduten hezitzaile, irakasle, gizarte erakunde eta beste askoren lana “pikutara doa”.
“Gizarte honen parte izan nahi dut. Ez moztu hegoak!”
Eskaera zehatzak egin dizkiote Atzerritarren Bulegoari: batetik, lan-kontratu errealistak eskatzeko, eta bestetik, trebatzeko behar duten denbora nahikoa uzteko, kontuan hartuta 18 urterekin oraindik lan mundurako prestakuntza-prozesuetan daudela. “Ez dut laguntzetatik bizi nahi. Lan egin nahi dut, ekarpenak egin eta gizarte honen parte izan. Ez moztu hegoak!”, aldarrikatu dute.
Ostiralean, manifestazioa
Egoera salatzeko, manifestazioa deitu dute martxoaren 13an, Donostiako Boulevardean, arratsaldeko 19:00etatik aurrera.
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Kanporatze agindu mehatxua gainean du Moussa txantrearrak. Bizilagunak bildu dira prozesuari aurre egiten laguntzeko.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.
Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.
Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.
Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.
Aspaldian sarri ikusten dut kalean Inor ez da ilegala aldarria. Poltsan idatzita ez bada, jertsean; eta jertsean ez bada, kamisetan. Kolore askotan. Kolore guztiek, edozein izanik ere, eduki beharko baikenituzke eskubide berak. ARGIAk eta Mbolo elkarteak duela lau urte hasitako... [+]
Denda fisikoetara egin du salto Inor ez da ilegala proiektuak eta Euskal Herriko bost hiriburutan eskuratu ahalko ditugu.
Sekula pentsatu duzu, irakurle, non serigrafiatzen diren Inor ez da ilegala edo Lurra herriari deika proiektuetako kamiseta, jertse eta poltsak? Artizar serigrafia dugu honetan bidelagun.
Maiatzean, patera batean heldu zen Kanaria uharteetara. Frantziara gurutzatu nahi zuen familia kide batekin elkartzeko asmoz. Hiru hilabetetan, Gipuzkoa eta Lapurdiren arteko mugan hil den hirugarren pertsona da Coulibaly.