“Bizikidetza demokratikoa eraikitzeko konpromiso soziala” ekimenaren bigarren fasea abiatu du Foro Sozialak
Duela hiru hilabete abiatutako prozesuaren bigarren fasean sartuko direla zehaztu du Foro Sozialak, Donostian egindako prentsaurrekoan.
"Uste dugu iritsi dela garaia, behingoz, euskal gizartea osatzen dugun pertsona guztiok dagozkigun eskubideen jabe garela bermatzeko: eskubide zibil, politiko eta sozialak", Foro Sozialeko Mikel Casadok eta Eneko Callek argi utzi dutenez. Atzo, urtarrilaren 19an egin zuten prentsaurrekoa, duela hiru hilabete abiarazitako "Bizikidetza demokratikoa eraikitzeko konpromiso soziala" deitu ekimenaren bigarren fasean sartuko direla plazaratzeko.
"Modu parte hartzailean eta irekian", Euskal Herria osatzen duten sektore guztien "sentipenak eta pertzepzioak jasotzeko" helburua dute, eta hori, "aurrerantzean bizikidetza demokratikoa nola eraikitzen jarraitu behar dugun hausnartzeko". Bizikidetzaren eraikuntzak planteatzen duen "konplexutasuna" ikusaraztea eta esplizitatzea ere dute xede. Jendarte zibilak bizikidetzaren eraikuntzan inplikatu behar duela uste du Foro Sozialak.
Bai ala bai, askatu beharreko hiru korapilo
"Askatu beharreko hiru korapilo" ikusten ditu Foro Sozialak: biktima guztiek egia, justizia eta erreparazioa jasotzeko eskubidea dutenez, biktimekiko tratuan oraindik ere dagoen "diskriminazioa" gainditzea; indarrean dagoen salbuespenezko espetxe politika "behin betiko indargabetzea" eta presoei "politika normalizatua" aplikatzea; eta, espazio sozialetatik "memoria kritiko inklusiboaren" eraikuntza bultzatzea, "kontakizun guztiak errespetatuak izateko". "Hiru korapilo horiek askatzeak bizikidetza demokratikoa eraikitzeko oinarriak sendotzea ahalbidetuko du", Casado eta Calleren hizetan.
"Adostasunen garaia heldu da. Iraganari eta etorkizunari buruz adosteko unea. Adostu egin behar dugula sinetsita gaude, behetik gora, beste behin jendarte zibilaren protagonismoa aldarrikatuaz bake prozesuaren korapiloak askatzeko norantzan". Horretarako konpromiso soziala ezinbestekotzat daukate, "oinarri komun eta partekatuen eraikuntza etorkizunean posible egiteko, eta aurrerantzean gure herriaren izanaren gainean dauden ikuspegi desberdinak bakean eta demokratikoki elkarrekin bizi ahal izan daitezen".
Ekimen berrien bidez aktibatu nahi dute bigarren fase hau. Hala nola, haien webguneko postontzira edonork idatzi dezake, ekarpenen egiteko. Zehaztu dutenez, Aieteko ekitaldian publiko egindako dokumentua izan dezakete oinarri, edo ez: "Ekarpen guztiak izango dira ongi etorriak". Bestalde, martxoko astearteetan lau eztabaidagune ireki ere antolatuko dituzte, Donostian, Gasteizen, Iruñean eta Bilbon.
Prozesu dinamiko honetan zehar jasoko dituzten ekarpen guztiak maiatzaren 16an eginen dituzte publiko, Bizikidetza Baketsuaren Nazioarteko Egunaren testuinguruan.
Duela hiru hilabete, Aieteko Bake Konferentziaren bederatzigarren urteurrenaren harira, abiatu zuten prozesua.
Iritzi ezberdinetako aktore politiko eta sindikalak "kontsentsu batera iristeko" ariketa egin izana eta "Frantziako Estatuak Euskal Herriko gatazkaren konponbidean duen ardura" agerian ezarri izana dira Bake Bideak azpimarratzen dituen ekarpenak.
2022ko uztailean egin zuten blokeo eguna, euskal presoen egoerari "aterabidea ematea" eskatzeko. Bederatzi pertsona auzipetu zituzten.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]
Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]
Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]
Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.
Elkarretaratzea eginen dute egun berean arratsaldeko zazpietan Baionako herriko etxearen aitzinean. Jakes Esnalena berriz maiatzaren 19an aztertuko dute. 32 urte daramatzate preso.