Bizik gibelatu du larunbatean abiazioaren kontra egitekoa zen mobilizazioa
Bizi erakundeak erabaki du larunbatean, urriak 3, abiazioaren kontra antolatutako mobilizazioa atzeratzea, "jakinez aintzin ikusiak diren meteorologia baldintzek ez dutela mobilizazioaren ongi iragaitea eta egun horretan hegazkinen zirkulazioaren blokatzeko zonbait ekintzen segurtasuna bermatzen". Hala ere, Frantziako estatuko 18 hiritan burutuko dituzte mobilizazioak, besteak beste Bordele, Clermont-Ferrand, Lille, Marseille, Nantes, Nice eta Parisen.
Hasiera batean, larunbat honetan, urriaren 3an, aireko trafikoa murriztearen eta sektorearen berregokitzapenaren aldeko mobilizazioak egitekotan ziren Biarritzen, elkarretaratze alai eta herrikoi bat eta beste hainbat ekintza, hegazkinak lurrean iltzaturik atxikitze helburuz. Ondoko mezua zabaltzea zen helburua: "Herritarrek ez dituzte pairatu nahi klimaren arloan gobernuen alfer egoitearen ondorioak, aireko trafikoaren ttipitzea eta sektore aeronautikoaren industriaren eta enpleguen berregokitze plana plantan emaiterat presazkoa da. Plan horretan langileek, hautetsiek eta herritarrek elkarrekin hitz eginez pentsatuko dute gure lurraldeen errealitateari integratua den gure mugikortasun sistemaren berrantolaketa". Lapurdin burutu beharreko mobilizazio hau da Bizik atzeratzea erabaki duena, astebururako aurreikuspen meteorologikoak direla eta.
Aldiz, Frantziako estatu mailan Alternatiba eta ANV Action Non-Violente COP21 mugimenduek aurrera egingo dute mobilizazio planekin 18 hiritan: Bordele, Clermont-Ferrand, Lille, Marseille, Nantes, Nice, Paris... izango dira martxak, txirrindiraultzak, elkarretaratzeak eta aireportu okupatzeak justizia ekonomiko, sozial eta klimatikoa aldarrikatzeko.
"Larrialdi klimatikoaren aitzinean –dio Bizik bere oharrean– gure berotegi efektuko gasen isurketak, zorrozki behar ditugu ttipitu, alta aeronautika sekoreak Frantses Estatuaren karbono aztarnaren %7aren ardura badu. Osasun krisiaren ondorioz, gobernuak sektore horri eman dituen diru laguntzak, berregokitze ekologikoaren eta enpleguen begiratzearen arloan ordainez deus galdatu gabe eginak izan dira. Nahasmendu klimatikoaren arrazoien kontrako mobilizazioek jarraitu behar dute, horregatik, Bizik aitzin ikusiak zituen ekintzak gibelatzen ditu beste egun batera, eta denak gomitatuak izanen dira saldo handian parte hartzerat".
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Akainak edo kaparrak batetik, eltxo tigreak bestetik, Euskal Herrian duten presentziaz eta gurean dauden espezieez mintzatu zaigu Aitor Cevidanes ikertzailea. Osasuna eta ingurumena hizpide, dituzten arriskuez, herritarron uste faltsuez eta klima aldaketaren nahiz gizakion... [+]
Klimari buruzko datuak jasotzen dituen Copernicusen arabera, hamahirugarren hilabetez jarraian errekorra hautsi da aurtengo ekainean. Parisko Akordioan hitzartutako 1,5ºC-en helburua ez da bete eta egoera aldatzen ez bada, errekor negatibo berriak izango direla aurreikus... [+]
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
Zeintzuk dira gure benetako beharrizanak ondo bizitzeko? Zer da ondo bizitzea? Galdera hauei erantzutea funtsezkoa da gehiegikeriaren gizartean, are gehiago larrialdi klimatiko, ekologiko eta zibilizazio krisiaren garaiotan.
Azken urteotan nabaritu den beroketa globalaren emendatzea neurri batean kutsadura murriztearen ondorioa da, hain zuzen, murriztuz doazen aerosol sufredunen isurketek, berez, berotegi efektuaren zati bat konpentsatzen dutelako. Paradoxa horrek egoera berri batean sartzen gaitu,... [+]
Ostegunean hasi da uda. Hartara, udaberriko eguraldiaren balorazioa eta udakoaren iragarpena egin du gaur AEMETek. Apirila 1961az geroztik hilabeterik lehorrena izan den arren, udaberri “arrunta” izan da eta uda ohi baino beroagoa izatea aurreikusi dute.
Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]
Ozeano Barean, atoloi apalez osatuak, Marshall uharteak dira klima aldaketaren aurrean herrialde hauskorrenetakoak, itsas mailaren gorakadak zuzenki mehatxatzen dituelako. Bertako gobernuak egokitze plan sakon eta zehatz bat martxan jarri du, biztanleekin elkarlanean, behetik... [+]
Teofanes Aitorlea kronikalariak jaso zuenez, 763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.
Orain arte klima hoztea, besteak beste, jarduera... [+]
Frantziako Estatuaren menpe segitzen duen Indiako Ozeanoko Mayotte irlan biderkatuz doaz kolera kasuak. Uraren kudeaketa kaskarra izan ohi da eritasun horren zabalpenaren arrazoietan eta, hain justu, uraren krisi gogorrari aurre egin nahian dabiltza bertako herritarrak. Bigarren... [+]
Etiopia, Somalia eta Kenyako hainbat eskualdetan ia hiru urtez euririk gabe egon ondoren, azkenaldian urpetuak izan dira. Sasoi kontrasteak ohikoak izanik ere eskualde hartan, klima aldaketarekin larritzen dira, eta euriak hobeki baliatzeko hainbat tokiko ekimen garatzen ari... [+]