“Bizi Elkartasun Internazionalista” jardunaldiak antolatuko ditu Askapenak ekainaren 11tik 13ra bitartean Hernanin
Zortzi hitzaldi eta tailer eskainiko ditu Askapenak, nazioarteko hizlariekin.
“Bizi Elkartasun Internazionalista” jardunaldiak antolatuko ditu Askapena Euskal Herriko erakunde internazionalistak Hernanin, ekainaren 11, 12 eta 13an. Ostiraletik igandera bitartean, hainbat hitzaldi eta tailer eskainiko dira, eta elkarteko kideez gain, nazioarteko hainbat ekintzailek eta militantek hartuko dute parte.
Antolatutako zortzi hitzaldiak Biteri Kultur Etxean eta Tilosetan egingo dira. Tailer formatuan eskainiko dira horietako asko. Bestalde, igandean, eragileen eta artisauen azoka eta okupazioa eta horren ostean eraikitzen den mundua irudikatzeko ibilbide tematiko bat ere egingo dira. Ekintza guztiak daude ikusgai jardunaldiko egitarauan.
Hizlariak nazioarteko egoeraz hitz egingo duten erakundeak eta horien bozeramaileak izango dira. Panafricanism Today elkarteko kide Mikaela Nhondo Erskog, Boliviako militante Rene Behoteguy, Greziako KOE antolakundeko Jason Kostopoulos, Euskadi-Cubako José Manzaneda eta Milagros Acea eta Sahararen aldeko ekintzaile Garazi Hach Embar dira horietako batzuk.
Izaskun Goienetxea Askapenako kideak adierazi digunez, jardunaldiaren helburuak “internazionalismoaren beharrezkotasuna mahaigaineratzea” eta “bere baloreen inguruko hausnarketa plazaratzea” izango dira. Ekitaldian, internazionalismoaren oinarriak eztabaidatuko dira, eta Euskal Herriaren emantzipazio prozesuan nola joka dezaketen aztertu.
Bestalde, Goienetxeak azaldu du garrantzitsua dela zuzeneko parte-hartzea bultzatzea, eta elkartetik presentzialtasunari eman nahi diotela lehentasuna. Jardunaldia streaming bidez jarraitu ezingo bada ere, hitzaldiak grabatu eta geroago emitituko dira.
Izen-ematea zabalik
“Bizi Elkartasun Internazionalista” jardunaldietan izena-emateko, elkartearen webgunera jo daiteke. Guztira, 110 plaza daude.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
Europako, Ekialde Hurbileko eta Abya Yalako askapen borroken ezagutza euskal herriratzea izango da brigadisten lana. Askapenak azpimarratu du elkartasun internazionalista herrien arteko "ezinbesteko tresna" dela eta munduko beste herri langileei babesa eta elkartasuna... [+]
“NATO buru duen azken ofentsiba inperialistari aurre egiteko eta Euskal Herri antiinperialistaren aktibazioa aldarrikatzeko” antolatu dute deialdia Askapenak, NATOren eta Europako Batasunaren Aurkako Herri Plataformak eta Bardea Orain taldeek. Martxoaren 11n egingo... [+]
Internazionalismoak "herrion askapen nazional eta sozialean" daukan garrantzia mahai gainean jartzeko eta udagorritzen daramaten urteek "etenik izan ez dezaten", bueltan dira brigadak bi urteren ostean, 35 urte udagorritzen! lelopean.
Datorren azaroaren 30ean, Donostiako Epaitegiaren aurrean 11:15ean kontzentrazioa deitu dute Kaxilda liburutegiak, Biladi elkarteak eta Askapena mugimenduak. Egun horretan bere burua sionistatzat definitzen duen Fadi Hassan palestinarraren aurka epaiketa dute Kaxildako kideek... [+]
COVID-19ak eragin duen egoera gogorra munduko beste herri batzuk nola bizitzen ari diren jakiteko, hitzaldi zikloa abiatuko du Askapenak. Boterea nola berrantolatuko den eta internazionalismoak egin dezakeen ekarpena aztertuko dute hainbat gonbidaturen eskutik. Maiatzaren 9an... [+]
Gizakiok libre ote garen, edo hala sentitzen ote garen, erantzuten zailak diren galdera handi eta konplexu horietako bat da, ñabardurarik gabeko jarrera irmorik erraz onartzen ez duten horietakoa. Nik behintzat hala uste dut, iruditzen zaidalako berdin defenda nezakeela... [+]