Asteak dira Ekialdeko Asiatik birus oso kutsakor eta hilgarri baten lehen berriak iritsi zitzaizkigunetik. Asteak egun eta gau komunikabideetan nazioarteko osasun alarma baten lekuko izaten hasi ginenetik. Gaitz honek dagoeneko 1.000 hildako eragin ditu Txinan, eta bertatik kanpo ere bi dira gaixotasunaren ondorioz zendu direnak. Mundu osoan zehar hamarnaka herrialdetan konfirmatu dituzte birusaren kutsatzeak, eta badirudi azken urteotan, Ebolarekin batera, gizadiak jasan duen osasun hondamendi larrienaren aurrean gaudela.
"Koronabirus deituriko honek burua beste alde batera birarazi digu, gure etxe eta kaleetan labankadaz, urkamenduz edota tirokatuz erailak izan diren emakumeak ahaztuz"
Inork ez du egoeraren larritasuna zalantzan jartzen, zenbakiak hor baitaude eta ukaezina baita gaitzaren kutsadura. Hala ere, ez genituzke gure begiak gertakari hauetarantz soilik zuzendu beharko. Gertuago suertatzen zaizkigun, eta birusa bezain hilgarriak eta larriak diren egoerak baitauzkagu gure herrietan. 2020. urte honi hasiera eman genionetik, hamaika –zehazki– dira beren lanpostuetan bizitza galdu duten langileak; azkena otsailaren 4an, Santurtzin, hirurogei urte zituen gizon bat, maneiatzen zebilen garabia erori zitzaion, eta unean bertan hil zen. Lan “istripuek” orain arte utzi duten odoljarioak ez dirudi etenik izango duenik, baldin eta gauzak aldatzen ez badira. Hainbat sindikatuk eta eragilek ezbehar hauen erantzule nagusia prekarietatea dela salatu arren, ez dirudi inork ezer egingo duenik, zoritxarrez, egunerokoa bilakatu den honi behin betiko amaiera emateko.
Ez genituzke ahaztu beharko, bestalde, genero indarkeriak, hilabete eta erdi honetan, Estatuan erail dituen hamar emakumeak. Koronabirus deituriko honek burua beste alde batera birarazi digu, gure etxe eta kaleetan labankadaz, urkamenduz edota tirokatuz erailak izan diren emakumeak ahaztuz. Azken bosturtekoan gora egin du genero indarkeria pairatu duten emakumeen kasuen kopuruak, eta ez da harritzekoa egungo hezkuntza sistema kontuan hartuta. Irakaskuntza feminista ardatz izan beharrean, Opus Dei eta antzeko hezkuntza guneak finantzatzen dituen Eusko Jaurlaritza dugu “buru”. Dena dela, ohiko komunikabideek gai honi jaramon handirik egin ez, eta Xi Jinpingek, Txinako presidenteak, Pekineko kaleetan maskara zuria zeramala erakusten duten irudiak aurkeztuko dizkigute beren lerroburuetan.
Guzti honek agerian uzten du gizarte hau zein modu errazean manipula daitekeen batzuei komeni zaienaren inguruan soilik mintza gaitezen, eta gertu ditugun gaitzak aintzat har ez ditzagun. Berriz ere diot, Koronabirusak berrietako ataletan agertzen jarraitu beharko lukeela, baina honen presentzia neurrigabea kontrolatzea litzateke egokiena, honek hura bezain zoritxarrekoak eta larriak diren egoerei ez diezaien itzalik egin, eta jendea milaka kilometrotara gertatzen denaren berri izateaz gain, inguratzen dituen gertakarien berri ere izan dadin. Hori guztiaz baliatuz bakarrik lor baitaiteke norbanakoak bere pentsaera kritikoa garatzea, eta bizi baldintza hobeagoetara bideratuko duten aldarriz inguratzea. Azken hitzak baliatu nahiko nituzke langileen eta emakumeen aurkako sarraskia gelditzeko aldarria eta oihua botatzeko.
Ez gaitzatela isilarazi. Kaleak betetzen jarrai ditzagun.
Unibertsitateko ikaslea
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.