Bioterra azoka antolatu dute ekainaren 4tik 6ra Iruneko Ficoba-n
Produktu ekologikoen, bioeraikuntzaren, energia berriztagarrien eta kontsumo arduratsuaren Euskadiko azokak egitarau zabala izango du aurtengo edizioan ere.
Bioterra azoka ostiral honetan hasi eta asteburuan zehar luzatuko da. Irungo Ficoba erakustazokan antolatuko da, eta hitzaldiak, show-cooking egitaraua, aire zabaleko ekintza gastronomikoak, zozketak, yoga eta zuzeneko musika bezalako ekintzak bilduko ditu. Hiru egunean zehar, goizeko hamarretatik gaueko zortzietara arte egongo da abian azoka eta www.bioterra.ficoba.org webgunean eskuragai duzue egitaraua.
Bioterra duela hemezortzi urte antolatu zen lehen aldiz. 2021eko edizio honetan, ekonomia zirkularraren gaia izango da ardatz, baina beste hainbat ekintza ere egongo dira. Erakusketariek elikadura eta kosmetika ekologikoari, bioeraikuntza eta energia berriztagarriei, zero waste produktuei zein ehun naturalei buruzkoak hurbilduko dituzte.
Show-cooking, yoga eguna eta zuzeneko musikaz gain, hitzaldi eta mahai-inguruak ere egongo dira, eta horietako batzuk streaming bidez jarraitu ahalko dira Bioterraren webgunetik. Bestalde, azokan gastatzeko 100€-ko bono bat eta produktu ekologikoen sorta ere zozketatuko dira egunero, bertaratzen direnen artean.
Sarrerak eskuragarri
Bestalde, pandemiaren harira ezarritako segurtasun neurriak betetzeko, musukoa derrigorrezkoa izango da bisitarientzat, eta gel-puntuak izango dituzte eskura. Tenperatura kontrolatuko da, eta eraikinean segurtasun-distantzia mantenduko da. Plazak mugatuak dira. Sarrerak dohakoak dira eta Bioterraren webgunean daude eskuragarri.
Nekazaritza eta Elikadura Ekologikoaren Kontseilutik herritarrak animatu dituzte azoketan erostera eta ekoizleak gertutik ezagutzera. Uztailaren 29an Zigoitian izango dira, eta abuztuaren 23an, Zarautzen. Urriaren 27an amaituko dute udako denboraldia, Villabonan.
Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]
Ateak ireki berri ditu Bermeon Gu Zu Bio dendak, otsailaren 17an egin baitzuten inaugurazio ekitaldia. Edurne Zulueta Aranguena da proiektuaren bultzatzailea, eta berak azaldu bezala, garbiketako produktuei lotutako kontsumoari buelta bat eman nahi izan dio egitasmoarekin... [+]
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]
EAEn 2.600 elikagai desberdin daude eredu ekologikoan ziurtatuta. Bertako elikagai ekologikoen "aniztasun hau plazaratzeko" Udako Azoka Ekologikoak antolatu dituzte EAEko 14 herrietan elkarlanean, herrietako kontsumo taldeek eta hiru lurraldeetako ekoizpen... [+]
El Salto-k Andreu Escrivá ikerlari eta ingurumen-adituari elkarrizketatu du, bere azken liburuaren harira, "Contra la sostenibilidad". Bertan, kapitalismo berdeak bere burua indartzeko erabiltzen dituen estrategiak azaldu ditu, eta nola jasangarritasunaren ideia... [+]