BioNTech enpresak Twitterri eskatu zion zentsura zitzala Covid-19aren aurkako txerto unibertsalen aldeko mezuak
Farmazia enpresa alemaniarrak hamar mila milioi euro irabazi ditu Covid-19aren aurkako txertoen patenteei esker. Hainbat ikerketak frogatu dute farmazeutiken lobbyek oztopatu dituztela patenteak askatzeko akordioak. BioNTechek sare sozialetako mezuak zentsuratu nahi izan ditu, eta Alemaniako Gobernuari presio egin dio txertoak denen eskura jartzearen aurka egiteko.
BioNTech farmazia enpresak Twitter sare sozialari presioa egin dio zentsuratu zitzan Covid-19aren aurkako txertoak unibertsalizatzearen aldeko iritziak. Enpresa alemaniarrak Comirnaty txertoa merkaturatu zuen Pfizer enpresarekin batera, eta pandemiari aurre egiteko gehien erabilienetako bat da Europar Batasunean eta AEBetan. Farmazia enpresak hamar mila milioi euroko irabaziak izan ditu. Txertoen patenteak kentzeko ahotsak isilarazteko, sare sozialetan zentsura erabiltzen saiatu dela eta Alemaniako Gobernuari presio egin diola jakitera eman du The Intercept hedabide estatubatuarrak astelehenean.
The Intercept-ek Twitterren mezu elektronikoetara sarbidea lortu zuen abenduan, eta orduan atzeman zituen farmazia lobbyen 2020 amaierako mezuok. BioNTech-eko bozeramaile Jasmina Alatovicek sare sozialari eskatu zion kontrola eta zentsura zitzala "farmazia enpresen aurkako kanpainako" txioak. Kanpaina horrekin erreferentzia egiten zien, besteak beste, txertoen patenteak kendu eta mundu osoarentzat eskuragarri egitearen aldeko txioei.
Alatovicek eskatu zion ezkutatzeko bi egunez enpresari zuzendutako mezu guztiak. Ez dute argitu Twitterrek eskatutakoa bete zuen ala ez, baina bai mezu horien ostean Pfizer, BioNTech, Moderna eta AstraZeneca aipatzen zituzten txioen zelatan jarri zela, "haiek babesteko asmoz".
Alemania akordioaren aurka, enpresekin hitz egin ostean
Halaber, El Salto-k Abgeordnetenwatch plataforma alemaniarrak egindako ikerketa jaso du eta salatzen du BioNTech-eko zuzendariak –beste enpresa batzuenekin batera– Alemaniako Gobernuari ere presio egin ziola ez zezan babestu patenteak askatzeko nazioarteko akordioa. AEBak behin-behinean patenteak ezeztatzearen alde agertu ziren, eta hasiera batean Alemaniako ekonomia ministro eta kantziler orde Robert Habeckek bat egin zuen arren, gerora atzera bota zen "enpresekin berriro serio hitz egin ostean".
Alemaniaren ezezkoak geldiarazi zuen 2021eko azaroan txertoak denen eskura jartzea ahalbidetzea helburu zuen akordioa. 2022ko ekainean lortu zuten neurri batzuk hartzea, baina motz geratzen direla salatu dute Hegoaldeko herrialdeek.
Giza Biomonitorizazioaren Europako Ekimenak bost urte daramatza lanean eta bere baitan hartzen ditu 116 gobernu agentzia, laborategi eta unibertsitate. Bere proiektu garrantzitsuenean aztertzen ari dira europarren gernu eta odolean diren hamazortzi produktu kimiko toxikoren... [+]
Erregistratu gabeko bileretan zenbait diputatu presionatzen saiatu dira, industriaren interesak defenda zitzaten Europako Parlamentuan. Industriaren intereseko neurri batzuk onartu dituzte aste honetan. Esaterako, 2024tik aurrera ez dituzte gas natural hutsezko galdarak... [+]
Multinazionalen Behatoki europarrak –Observatoire des Multinationales, deitura ofizialean– txosten berri batean erakutsi duenez, Uber, Bolt, Deliveroo eta gisako beste banaketa plataforma berri erraldoiak presio egiten ari dira Europar Batasunak aldatu behar duen... [+]
Espainiako Gobernuak asteartean onartu zuen argindarraren prezioaren hazkundea gelditzeko neurri multzoa. Energia enpresek kobratu dezaketen gehienezko prezioa kilowatt orduko 20 euroan jarri dute. Foro Nuklearra kexu da: gutxienekoa 57-60 euroan ez badago, zentralak itxi... [+]
Frantziako Liberation egunkariak plazaratu berri duenez, Kopenhageko Amager Bakke erraustegia –hondakinen lobbyak harrotasunez eredugarritzat erakusten duena– kiebra jotzeko puntuan dago eta haren sustatzaileek ez dute salbaziorako beste biderik ikusten atzerritik... [+]
Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean... [+]
Ez dago sendagai erabat segururik, eta horregatik, botika berri bat merkatura atera nahi duen konpainiak frogatu egin behar du dakarren onura handiagoa dela sor lezakeen kaltea baino; azken hamarkadetan, ordea, “lasaitu” egin dira hori ziurtatzeko erabiltzen diren... [+]
106 milioi euro gastatu dituzte denera 50 multinazional handik Europan lobby lanak egiteko aurten, 2012an baino %40 gehiago. Petrolio-industriako Exxon eta Shell enpresak eta Microsoft dira Europako erabakietan eragina izateko diru gehien gastatu dutenak. Aurten 2012an baino lau... [+]
Lobbyfacts plataformaren arabera, azken lau urteetan %40 igo da multinazionalek EBn presio egiteko erabilitako diru kantitatea.
Donostialdea-Bidasoa Beheko Zatikako Lurralde Planak (ZLP) eragindako udalerrietako hainbat taldek Plan hori bertan behera uztea eskatu dute. 13 udalerriri eragiten die, Irundik hasi eta Usurbil, Lasarte eta Andoaineraino hedatzen den eremuan.
Lobbyen jarduna hurbiletik jarraitzen duen Corporate Europe Observatory (CEO) elkarteak Europar Batasuneko farmazia-industriari buruzko Policy prescriptions txostena aurkeztu du. Diotenez, 2014an sektore farmazeutikoak gutxienez 40 milioi euro gastatu zituen euren aldeko... [+]