Biolur nekazaritza ekologikoaren aldeko elkarteak Zestoako Iraetako frontoian ospatu du urtemuga.
1993 urtean hasi zen Biolur nekazaritza ekologikoa bultzatzen, garai hartan zegoen ereduaren aurka. Produktibitatea bilatzen zen, eta Biolurrek eredu ekologiko berria sortu nahi zuen. 30 urte daramate nekazaritza ekologikoa sustatzen. Taldearen ibilbidea ospatzeko elkartu dira uztailaren 9an Zestoan.
Hainbat ekitaldi egin dituzte Iraetako frontoian: Bazkideei zuzendutako batzar nagusiaren ostean Amillubi proiektuaren aurkezpen eta bisita, eta bazkalostean Monsanto Kilombo taldearen eskutik kontzertua.
Lehenengo aldiz erakutsi dute modu irekian Amillubi proiektua. Balio agroekologiko handiko lur eremu handia da hau, eta ondoan 26 hektareako beste landa eremu bat du, Jaurlaritzaren esku dagoena. Lur guztiak eskuratzeko asmoa dute.
ARGIAk Biolurreko kide Mirene Begiristainekin hitz egin du: “Egun ederra” izan dela adierazi du. Batzarrean Biolurreko 70 kide inguru elkartu ziren, eta hurrengo ekitaldietan 100 pertsona baino gehiago egon zirela esan du. Hainbat talde, sindikatu eta udal elkartu dira: Arabako bionekazaritza eta Iparraldeko Biharko Lurraren elkartea (BLE) gonbidatu dituzte. Bigarrenari oroigarri bat eman diote, ezin izan delako gerturatu. Hauekin batera, Etxalde agroekologia taldea ere izan da. ENEEK-ko buru den Xabier Lejartegi egon da, ENE Gipuzkoarekin batera. Gipuzkoako Kontsumo Elkarteak ere izan dira, eta OlatuKoopeko Beñat Irasuegi. Amillubi proiektuan dauden hainbat udaletako alkateak ere presente izan dira. Udalbiltza proiektuan “oso inplikatuta” dagoela adierazi du Begiristainek. Talde hauez aparte, baserritar biolurkideak eta herritarrak ere elkartu dira.
Biolurren helburuak dira baserritarrei beren egunerokotasuneko arazoak gainditzen laguntzea; baserritar eta herritarren arteko erlazioak eraikitzea; Proiektu duin eta burujabe izatea; ekoizpena eta kontsumoa lotu, kontsumo arduratsua bultzatzea; eta elkarlana sustatzea, Ibarretxe eta Zubikarai kideek Berrian adierazi dutenez.
Klima eta energia krisiari aurre egiteko “alternatiba” gisa ikusten dute ekoizpen ekologikoa.
Mirene Begiristainek ARGIAri adierazi dion moduan, erreleboa egitea da Biolurren erronka garrantzitsuena. Lekukoa gutxik hartu nahi dute, baina horretarako baldintza duinak sortu nahi dituzte Amillubi bezalako proiektuen bidez. “Nekazaritza lurrari lotuta da etorkizuna” lelopean, etorkizunerako bi helburu nagusi dituzte: erreleboa egiteko baldintza duinak sortzea, eta balio agroekologiko handiko lurrak babestea.
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
A69 autobidearen aurkako mugimenduaren topagune eta borroka gune izan da Okzitaniako Tolosa eta Castres hirien arteko lurraldea ekainaren 7tik 9ra. Dozenaka kolektiboren deiari erantzunez, 6.000 lagun batu dira bertan eta Frantziako Estatuko Barne ministro Gérard... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
E-CHO izenaren gibelean gordetzen den makroproiektuari so jarri gara, Zuberoatik hurbil, Biarnoko Lacq herrian egitekoa den egitasmo omen ekologikoa hurbilagotik ezagutzeko asmoz. Hiru gune industrial lituzke: hidrogenoa ekoizteko fabrika erraldoi bat, eta hegazkinentzako eta... [+]
Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Maiatzaren 11n manifestazioak egingo dira Bilbon eta Iruñean bidezko trantsizio ekosoziala aldarrikatzeko, Euskal Herriko Eskubide Sozialen Gutunak, Emakumeen Mundu Martxak eta Gune Ekosozialista erakunde ekologistak deituta. Manifestazioak 12:00etan abiatuko dira Gaztelu... [+]
Jauzi Ekosoziala eragilea aurkeztu dute maiatzaren 4an Eibarren. Bere helburu nagusia "sistema ekozidaren aurrean, eta krisi anizkoitzen kontestu batean, Euskal Herrian justizia sozialean oinarritutako trantsizio ekosoziala bultzatzea da". Horretarako, "borroka... [+]