Bio-industriatik desberdintzeko agroekologia-identifikatzailea sortzen
Agroekologiaren aldeko EHKOlektiboa duela hamar urte inguru sortu zenetik, urtero antolatu ditu elkarteko kide guztiak batzeko eta martxan dituzten proiektuen inguruan erabakiak hartzeko topaketak. Iaz konfinamenduak bete-betean harrapatu zituen eta ez zuten elkartzerik izan, baina aurtengoan lortu dute oztopoei aurre egin eta XIV. topaketak aurrera eramatea. Hori bai, aurrekoetan bezala gune bakar batean elkartu beharrean, hainbat herrialdetako bost etxaldetan egin dituzte topaketak oraingoan: Etxanon, Azpeitian, Itsason, Oibarren eta Ezpeletan.
“Agroekologiari lotutako identifikatzailea lortzeko lanean buru-belarri gabiltza aurten, eta topaketetan horri forma ematen aritu gara”, azaldu du Aintzira Oñederra EHKOko talde eragileko kideak. Berme Sistema Partehartzailea (BSP) da bio-industriatik desberdintzeko elkarteak aukeratu duen identifikazio tresna, eta sistema hori sortzeko bidea lantzen ari dira orain. Azken batean, egungo zigilu ekologiko ofizialetatik harago joan eta agroekologiarekin lotutako beste irizpide batzuk kontuan izanen dituen identifikatzailea adostea da asmoa: ekoizpen ekologikoan aritzeaz aparte, gertuko eta giza neurriko etxaldea izateari eta ekonomia sozial eta eraldatzailean parte-hartzeari ere bere garrantzia ematen diote, esaterako.
Elkarlana eta kideen parte-hartzea dira identifikatzailea sortzeko EHKOlektiboaren tresnak. “Kontrol eta zertifikazioen alternatiba herrikoia proposatzen dugu, elkarlanean eta parte-hartzean oinarritzen den hartu-eman sarea. Gu geu gara agroekologiaren bidean joateko irizpideak proposatzen ditugunak”, diote aurkezpen bideoan. Aurtengo topaketen helburu nagusia identifikatzailearen definizioa sakontzea izan da: “Kontzeptu abstraktua iruditzen zaigu askotan agroekologiarena; horregatik, gure baloreak eta irizpideak ongi definituz gero, desberdintzeko eta gure etxaldeetan egiten duguna argi azaltzeko aukera izanen dugu”, adierazi du Oñederrak.
Hona hemen Berme Sistema Partehartzaileaz egin duten bideoa:
Baserritarrak eta kontsumitzaileak elkar hartuta
Lehen sektoreko hainbat esparrutan diharduten Euskal Herri osoko nekazari eta abeltzainak biltzen dira EHKOlektiboan, baina baita herritar eta kontsumitzaileak ere. “Agroekologiaren ikuspegia elikadura sistema osoan landu behar dela uste dugu, eta ahalegin berezia egiten ari gara kontsumotik ere jendea erakartzeko”, dio talde eragileko kideak. Aurtengo topaketetan ere, ekoizleek eta herritarrek hartu dute parte, eta jasotako erantzunarekin pozik agertu dira antolatzaileak.
Udazkenean emanen diote jarraipena kolektiboko kideek apirileko topaketetan jorratutako bideari, pazientziaz eta pauso txiki baina seguruz egin beharreko lana dela uste baitute. “Agroekologia hiru arlotan definitzen dugu guk: etxaldeetako maneiuari, bertakotasunari eta arlo sozialari lotuta. Ez dio egoera konkretu bati egiten erreferentzia, bide bati baizik. Iritsiko gara identifikatzailea lortzera, baina bidean baditugu beste etxeko lan batzuk oraindik”, biribildu du kideak.
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]