Biluzik da Puigdemont
Carles Puigdemont, bera da oraindik Generalitateko lehendakaria Kataluniako gehiengoarentzat eta posible balitz gehiengo horrek hurrengoa ere bera izatea nahi luke. Posible balitz, baina gaurkoz ez da. Bakarrik faltako litzateke Espainiako Estatuaren borondate politiko eta demokratikoa. Eta horixe da, hain zuzen, ez dagoena.
Badoa denbora pasatzen, bagoaz proces-ari buruzko ondorio argiagoak ateratzen eta komeni da gauzak argi esatea: Katalunia eta Estatu Espainiarren arteko oraingo gudua Espainiaren aldekoa izan da, Madrilek argi irabazi du. Eta irabazleak eskuzabaltasun gutxi izaten du garaituarekin. Hortaz badakigu zerbait Euskal Herrian, non 100.000 lagunek urtarrilero eskatu behar dugun preso politikoen eskubideekiko gutxieneko begirunea. Tu egiten digute Madrildik.
Bada, Espainiako Gobernuak eta judikaturak ez dute zirrikiturik irekiko Brusela aldera, ez dago ezer horretara behartzen dituenik, ez Europan, ez Espainian eta, gaur gaurkoz, ezta Katalunian ere. Negoziazio borondatea litzateke akuilu bakarra, eta ez da unea oraindik, lehendik gehiago umiliatu behar dira katalan independentistak. Eta abenduaren 21eko mandatu demokratikoa? Garaipen hori hor dago, baita urriaren 1a ere, eta beste hainbat, oso garrantzitsuak. Baina ez dira nahiko Espainiak amore eman dezan, ez dute nahiko indar. Espainiaren izaera demokratikoaz asko esango du bere jarrerak, baina hortaz inork konturik eskatzen ez dion bitartean, ardurarik ez.
Arrazoi dute Puigdemont zaleek: “Katalunia Madrildik Gobernatzen ari bada orain, zergatik ezingo da Bruselatik?”. Jakina ez dela egokiena, jakina surrealismo puntua ere baduela, baina nahi denean politikak beti topatzen ditu bideak legeen eta borondateen zirrikituetan. Eta kasu honetan, gainera, legeak ez dira oztopo handiena.
Kasurik onenean izan liteke Puigdemont lehendakari eta bere azpiko bat gobernu-buru –badira horretarako nahiak JxCat-en–, baina azkenean, praktikan, gobernu-burua litzateke lehendakaria. Gainera, Madrilek jakinarazi du Puigdemont izendatzen badute 155.ak indarrean jarraituko duela. Ez da PdCATen eta ERCren bulegoetan nahi dena. Azken unera arte estutzen ari da JxCat, baina denak adierazten du Puigdemonten lehendakari egunak kontatuak direla.
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Belgikaren argudioa indargabetu egin du Europako Batasuneko Justizia Auzitegiak, eta beraz, buruzagi independentistak Espainiaratzeko Goreneko epaileak eginiko eskariak atzera ere balioa hartu du. Hala ere, Espainiako Justiziak "gabezia sistemikoak" dituela dio... [+]