Bilboko udaltzainek gazte bat jipoitu eta bere buruaz beste egiten saiatu zela salatu du SOS Arrazakeriak
Irailaren 12an 19 urteko gazte arrazializatua eraso zuten hainbat udaltzainek San Frantziskotik gertu eta polizia-etxean atxiloturik zela bere buruaz beste egiten saiatu zen, erakundearen arabera.
Bizkaiko SOS Arrazakeriak ustezko “polizia basakeria arrazista” baten berri eman du prentsa ohar bidez. Irailaren 12an gertatu zen erasoa, San Frantzisko auzoan. Eztabaidan ari ziren hainbat lagun aldentzen saiatu zen gaztea, eta orduan, polizia batek kolpea eman zion zango batean. Erakundearen arabera, handik oinez joan zenean, Hernani kalearen inguruan hainbat udaltzainek lurrera bota eta jipoitu egin zuten, buruan, hanketan eta besoetan kolpatuz. Erasoan lepoko bat eta mugikorra ere hautsi zizkioten.
Gazteak agenteei etengabe galdetu zien “ea zer egin zuen eta zergatik tratatzen zuten horrela”, baina handik atxilotuta eraman zuten Miribillako polizia-etxera. Hori guztia 21:00ak inguruan gertatu zela dio SOS Arrazakeriak, baina goizaldeko 1:00ak arte ez zutela Basurtuko ospitalera eraman. Parteak jartzen du aurpegian lesioak zituela eta kolpeak gorputz osoan, batez ere ezkerreko ukondoan, zeinagatik besoa lotu behar izan zioten.
Polizia-etxera itzulita, “minaren eta gertaturikoak sorturiko ikara horren guztiaren erdian, bere buruaz beste egiten saiatu zen soinean zuen arroparekin", dio erakundeak. Udaltzainek esku hartu omen zuten, baina arroparik gabe biluzik uzteko. Goizeko 7:00etan, itzultzaile batekin egon ondoren aske utzi zuten, atxiloketaren dokumenturik eman gabe, lesioen ospitaleko partea baino ez.
Eguneroko erasoak
SOS Arrazakeriak “izaera arrazista duen polizia basakeria” kasua salatu du, “Bilboko Udal Poliziako agenteek egina”, baita “egunero” pertsona arrazializatu ugarik jasaten duten “polizia-biolentzia” ere. San Frantzisko auzoko militarizazioan jarri du azpimarra erakundeak eta bertan bizi direnak “kriminalizatu” besterik egiten ez dituztela.
Poliziaren protokoloetan “arrazismo instituzionala” existitzen dela ziurtatu du eta gaineratu du bere buruaz beste egiten saiatu den gazte bat ez zaintzearen “arduragabekeriak” giza eskubideen kontra egiten duela: “Pertsona guztien duintasuna eta osotasuna zaintzea exijitzen dugu”.
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]
Iragarritako heriotza baten kronika. Donostiako Udalak Egiako Kaleko Afari Solidarioak debekatu ditu, «segurtasunaren» aitzakian. Bizpahiru urte dira Egian segurtasuna guztien ahotan dagoela, eta azken hilabeteotan, talde eskuindarren gorakadarekin, egoerak okerrera... [+]
Azken asteetan mobilizazio arrazistak piztu dira Gasteizko Errota eta Donostiako Egia auzoetan, eta biek iragarri dute asteroko deialdiei eusteko asmoa. Haien artean desberdintasunak daude, baita antzekotasun asko ere: sustatzaileak anonimoak izatea, konfrontazioa bilatzea, edo... [+]
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
Aste mugitua izaten ari da Donostian, Kaleko Afari Solidarioen bueltan dabilen jendearentzat. Astelehenean beren aurkako kontzentrazioa egin zuten dozenaka pertsonak, inolako baimenik gabe eta Ertzaintzak esku hartu gabe, eta tentsio handia izan zen. Horrek hauspotuta, Eneko... [+]