Bilboko Udalak pertsona bat etxetik botako duela salatu du Etxebizitza Sindikatuak
Ostiral honetarako dago ezarrita etxegabetzea eta horren kontrako protesta egitera deitu du Bilboko Etxebizitza Sindikatuak. Etxegabetze guztien "berehalako eta baldintzarik gabeko etetea" aldarrikatuko dute eta mobilizaziorako deia goizeko 09:00tarako jarri dute. Bestalde, Iruñean etxegabetze bat geldiaraztea lortu du Haritu sindikatuak.
Bilboko Udalak Txurdinagako auzokide bat etxetik botako duela jakinarazi du Bilboko Etxebizitza Sindikatuak. Salatu dute Udal Etxebizitzetako pisu batean bizi dela gaur-gaurkoz kaleratua izateko arriskuan dagoen pertsona: “Ez du beste alternatibarik eta kalean geratzeko arriskuan dago”. Ostiral honetarako, hilaren 26rako, ezarri du kaleratzea Bilboko Udalak eta goiz horretarako deialdia egin du sindikatuak: 09:00etan Julian Gaiarre kaleko 4. zenbakira bertaratzeko deia luzatu dute, etxegabetzeen "berehalako eta baldintzarik gabeko etetea" aldarrikatzera.
Sindikatuko kideek sareetan zabaldutako oharrean salatu dute Udalaren “erantzukizun zuzena”. Izan ere, ohartarazi dute nahiz eta udal etxebizitza gehien dituen estatuko hiria Bilbo izan, Udalak horiek ez dituela “modu iraunkorrean eta baldintzarik gabe” eskaintzen. Jakinarazi dute borrokan jarraituko dutela.
Iruñean beste etxegabetze bat gelditzea lortu du Haritu Elkarlaguntza Sareak
Bestalde, Iruñeko Haritu Elkarlaguntza Sareak astelehenean iragarri du astearte goizerako Buztintxurin (Iruñea) ezarrita zegoen etxegabetzea gelditzea lortu dutela. Hustutzea ikusarazteko egindako lanari esker, “komunikazio instituzionalerako bideak” ireki eta presioa areagotu dutela ohartarazi dute sarean zabaldutako oharrean. Gatazkaren sozializazio eta mobilizaziorako deia ere etxegabetzea geratzeko “faktore erabakigarriak” izan direla azaldu dute.
Hala ere, kaleratzeko arriskuan zegoen Carolinaren egoerak “ezegonkorra” izaten jarraitzen duela adierazi dute. Testa higiezinen taldearena da etxebizitza eta ez da inoiz negoziatzera eseri. Carolina eta bere familiarentzat irtenbide bat aurkitu arte borrokan segiko dutela berretsi dute.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.