Bilboko Segurtasun zinegotzia kargugabetzeko eskatu dute, kale saltzaileen aurkako Poliziaren “esku-hartze neurrigabea” justifikatzeagatik
Duela gutxi Bilboko Alde Zaharrean kale salmentan ari zirenen aurka Poliziak izandako esku-hartze “neurrigabe eta biolentoa” ikertzeko eta esku-hartze hori “legitimatu eta justifikatu” duen Amaia Arregi Segurtasun zinegotzia kargugabetzeko eskatu du hainbat eragilek, Bilboko alkateari bidalitako gutunean.
Ekainaren 18an, hamar Polizia auto eta dozenaka agente sartu ziren Alde Zaharrean, eta kale salmentan lasai ari ziren pertsonen aurka oldartu zen Udaltzaingoa, Ertzaintzak lagunduta. Hainbat herritarrek aurre egin zion erasoari eta pertsona bat atxilotu eta bi identifikatu zituzten.
Gertaera “larri” horiek salatu eta hainbat neurri eskatu ditu orain SOS Arrazakeria, Ongi Etorri Errefuxiatuak, Sarean, Novisi eta beste hainbat elkartek, Juan Mari Aburtori bidalitako gutunean. Manteroen aurka behar ez zen indarkeria erabiltzea leporatu diote Poliziari, beren autoritatea modu okerrean baliatu izana. Aburtori gogoratu diote kale saltzaileek ogibide hori dutela Atzerritartasun Legeak eta traba instituzional arrazistek horretara kondenatzen dituelako, egoera aldatzeko “Udalaren borondate faltak lagunduta”.
Amaia Arregi Bilboko Udaleko Segurtasun zinegotziak egindako adierazpenak salatu dituzte, bizilagunen kexak aipatu eta “pertsona batek hala eskatu” zuela argudiatuz Poliziak esku-hartze hori egin izana justifikatzen eta legitimatzen ari dela iritzita. Arregi kargutik kentzeko eskatu diote alkateari.
Gehiegikeria arrazistak, ohiko
Poliziak gehiegizko indarra erabiltzea eta esku-hartze arrazistak egitea ez da berria, eta ugariak dira Bilbon hori salatu izan dutenak. Horregatik, Poliziaren gehiegikeriak errepresaliaren beldurrik gabe salatu ahal izatea eta salaketa horiek behar bezala ikertzea eskatu dute elkarte sinatzaileek. Sarekada eta identifikazio arrazistak bertan behera uzteko eta epaileen baimenik gabe Poliziak indarrez egiten dituen etxegabetze ilegalak amaitzeko ere eskatu dute.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.