Bilboko Langile Autodefentsa Sareko lau kide atxilotu ditu Espainiako Poliziak
Espainiako Poliziak Bilboko Langile Autodefentsa Sareko (LAS) lau kide atxilotu ditu gaur goizean eta polizia-etxera eraman dituzte deklaratzera. Limpiezas Arana garbiketa enpresarekin lotutako lan-gatazkaren aurrean LASek egindako salaketa publikoa egon daiteke operazioaren muinean.
Goizeko 07 :30ak aldera azaldu da Espainiako Polizia LASeko lau gazteen etxean eta lanpostuan. Lauak atxilotu eta Bilboko Gordoniz kaleko polizia-etxera eraman dituzte. LASek azaldu duenez, oraindik ez dago argi zehazki zer dela-eta atxilotu dituzten, baina oso litekena da Limpiezas Arana garbiketa enpresarekin lotutako lan-gatazkaren harira gertatu izana.
Atxilotuetako bat enpresa horretako langilea izan da eta beste hiru atxilotuak lan-gatazka horren harira Ertzaintzak jarritako salaketa batean akusatuta daude, Limpiezas Aranaren jokaera salatzeko LASek egin dituen mobilizazioak direla-eta. LASeko kide batek ARGIAri azpimarratu dionez, “kontua da ea zergatik orain sartu den tartean Espainiako Polizia”. Izan ere, Ertzaintzaren salaketa horren ondorioz ostegunean deklaratu beharko dute gaur atxilo eraman dituzten bi lagunek.
LASeko kideek adierazi digutenez, eguerdian hasi da lehen atxilotua deklaratzen.
“Limpiezas Arana, ordaindu zor duzuna”
LASeko kideek abenduan eman zuten garbiketa enpresa horretako lan-gatazkaren berri. Gaur atxilotu duten langileak berak salatu zituen lan-baldintza txarrak eta enpresariaren aldetik jasotako erasoak, tartean irainak, estortsioa, soldata ez ordaintzea eta arrazoirik gabe kaleratu izana.
Limpiezas Aranak eta harekin kolaboratzen duten enpresen “esplotazio sistematikoa" salatu ditu LASek azken asteetan, baita langileari zor dioten dirua ordaintzeko eskatu ere.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]