Bilboko Langile Autodefentsa Sareko beste bi kide atxilotzera joan da Espainiako Polizia
Astelehenean Bilboko Langile Autodefentsako lau kide atxilotu ondotik, beste bi atxilotzeko saiakera egin du ostegunean Espainiako Poliziak. Bilatzen zituzten kideak ez dituzte aurkitu, eta exijitu die komisarian beren burua aurkezteko, deklaratu dezaten. Poliziaren operazioaren atzean Limpiezas Arana Fernández Aguilar garbiketa enpresarekin abiatutako gatazka dagoela dio sareak.
Astelehenean bizitakoaren errepikapena nozitu du ostegunean Bilboko Langile Autodefentsa Sareak (LAS). Espainiako Polizia sareko beste bi kideren etxeetara joan da goizeko 08:00ak baino zertxobait lehenago, horiek atxiki eta polizia-etxera deklaratzera eraman asmoz. Bilatzen dituzten bi pertsonak ez dituzte bertan aurkitu, eta beraz, ezin izan dituzte atxiloturik eraman. Alabaina, Gordonizeko polizia-etxera joateko exijitu diete.
Gertakariok astelehenean jazotakoen molde berari jarraitzen diote. Orduan ere, prozedura berari jarraituz, Espainiako Polizia LASeko lau kideren bizitokietan eta lantokietan agertu zen goizeko zortziak baino zertxobait lehenago, eta deklaratzera eraman zituen polizia-etxera. Atxilotuek uko egin zioten poliziaren aurrean deklaratzeari, eta ia egun erdiz atxikiak egon ostean, 19:00etan utzi zituzten aske.
Sareko kide batek ARGIAri helarazitakoaren arabera, Espainiako Poliziaren baitako Polizia judiziala da operazioa daramana, eta mahai gaineratzen diren izenei tiraka ari dira burutzen atxiloketak. Izan ere, astelehenean atxilotutako lau pertsonetatik bi Ertzaintzak identifikatu zituen urtarrilaren 11n, Limpiezas Arana Fernández Aguilar garbiketa enpresaren aurrean egin zuten elkarretaratzean. Dirudienez, izen horietatik tira eginez ari dira burutzen atxiloketak, izen berriak agertu ahala kide gehiago jazarriz.
Limpiezas Aranarekin gatazka, jazarpenaren muinean
Poliziaren jazarpena Limpiezas Arana garbiketa enpresarekin abiatutako lan gatazkarekin lotzen du LASek. Langile batek enpresaren partetik jasandako gehiegikerien aurrean, azaroaren 26an beren exijentziak biltzen zituen gutuna helarazi zioten enpresako buruari, gatazkari hasiera emanez. Enpresaren partetik erantzunik ez jasotzean, gatazkaren izaera publikoa indartuz joan da sarea. Prozesu horretan murgildurik zirela, urtarrilaren 11n enpresaren ateetan deitutako elkarretaratzean Ertzaintzaren dispositibo handiarekin egin zuten topo, eta hortxe burutu zituen Poliziak lehen identifikazioak: enpresaren gehiegikeriak salatu dituen langilea bera eta sareko beste kide bat identifikatu zituen Ertzaintzak, horiei Bilboko epaitegietan deklaratzera dei eginez.
Identifikatutako bi pertsona horiek astelehenean Espainiako Poliziak atxilotutako lau pertsonen artean zeuden, garbiketa enpresarekin abiatutako gatazkaren eta atxiloketan artean lotura ageriko bilakatuz. Sareko kide batek astelehenean ARGIAri esan zionez, “kontua da ea zergatik orain sartu den tartean Espainiako Polizia”.
Espainiako Poliziak tarteko sartu denetik, aipatu atxiloketez gain jazo da bestelakorik ere: urtarrilaren 11n identifikatutako kideak Bilboko Epaitegietan deklaratzeko zeukaten hitzordua atzeratu dute otsailaren 25etik apirilaren 15era, eta orain bost dira deklaratzera deitutako pertsonak: astelehenean atxilotutako lauak, eta bosgarren bat. Ostegunean ARGIArekin mintzatu den LASeko kideak susmoa agertu du, ez ote dituzten gaur atxilotu gura izan dituzten biak ere deklaratzera deituko.
Enpresaren eta poliziaren arteko lotura zuzena
LASeko kideek hasieratik seinalatu dute Limpiezas Arana enpresak poliziarekin duen ustezko lotura. Iker Blas kideak asteazkenean Hala Bediri argi adierazi zionez: “Berarekin [enpresako buruarekin] hitz egitean mehatxuak jaso izan ditugu eta badakigu berak salaketak jarri izan dituela. Gainera, badakigu berak lotura zuzena duela Poliziarekin. Hasiera-hasieratik nabaritu dugu presentzia poliziala eta jazarpena, agerian utzi dute enpresariaren eta poliziaren arteko lotura. Horretan ez daukagu zalantzarik”.
LASeko kideak, osteguneko atxiloketa saiakeren aurrean, berretsi egin dute asteleheneko atxiloketen harira egindako irakurketa. Pairatzen ari direna, salbuespena izatetik urruti, gizarte kapitalistan langile antolakuntzak pairatzen duen jazarpen sistematikoaren parte dela adierazi dute. “Burgesia esparru guztietan antolatuta dago, eta errepresioa langile borrokak geldiarazteko baliatzen du. Horren aurrean, klase elkartasuna antolatzen eta langileriaren autodefentsarako gaitasunak garatzen jarraitu behar dugu”, aldarrikatu dute.
Mobilizatzera deia
Deklaratzera deitutako kideei elkartasuna adierazteko, LASek eguerdiko 13:30ean polizia-etxera gerturatzeko deia egin dio jendeari. Arratsalderako beste elkarretaratze bat ere deitu dute, toki berean, 19:30ean.
Langilearen testigantza
Gatazkaren abiapuntuaz ez dakienarentzat, hemen enpresaren abusuak pairatu zituen langilearen testigantza, jasandako gehiegikerien berri emanez:
📍Limpiezas Arana-Fernandez Aguilarreko langile ohiak kontatu dizkigu enpresan lanean ziharduenean pairatu zituen abusuak.
📍Nadie mejor que la propia trabajadora para relatar algunos de los abusos sufridos durante un año en Limpiezas Arana.
Langile antolakuntzaz lortuko dugu! pic.twitter.com/Y9LHPlBeXr
— Bilboko Langile Autodefentsa Sarea (@BilbokoS) February 1, 2021
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak ezarri dituen zerbitzu... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]