Bilboko Ibarrekolanda ikastetxeko zuzendaritzak erabaki du ikasleak ez geletara itzultzea
Bilboko Ibarrekolanda BHI (batxilergoa) ikastetxeko zuzendaritzak planto egin du Eusko Jaurlaritzak gelatara itzultzeko hartutako erabakiaren aurrean. Maiatzaren 8an zuzendaritzak komunikatua zabaldu du ikasgelara ez itzultzeko argudioak emanaz: "Maiatzaren 18tik aurrera horrelako ardura onartzea gure gaitasun profesional, personal eta moraletatik kanpo geratzen dela uste dugu". Osasuna bermatzeko baliabiderik ez dutela argudiatzeaz gain, ikasleak geletara itzultzeak zentzurik ez duela azaldu du, oso egun lektibo gutxi geratzen baitzaizkie.
Komunikatuaren hasierak honela dio: "Atzo komunikabideen bidez geletara bueltatzeko berri izan genuen. Hiru ordu lehenago, gure erreferentziazko ikuskariak ere ez zeukan horren berri". Eta: "Hartutako neurriak ikastetxeetako zuzendaritza taldeekin adostuta egon beharko lirateke. Ez dute gure iritzia kontutan izan eta itxialdi osoan ez gaituzte ezertarako konsultatu".
Irakasleen osasuna eta segurtasuna bermatu ezin
Ibarrekolanda ikastetxeko zuzendaritzak adierazi du Hezkuntza Sailak ikastetxeen esku utzi duela osasuna eta segurtasuna bermatzea eta haien gaitasunetatik kanpo dagoela: "Hezkuntza Departamentuak geletara bueltatzean ikasle, irakasle eta langileen segurtasuna eta osasuna bermatzeko ardura zuzendaritza taldearen, irakasleen eta langileen esku uzten du. Gure ustez horrelako ardura gure gaitasunetatik kanpo dago, izan ere, ezin dugu bermatu guzti horren antolakuntza". Gaineratu du, zuzendaritzak "moralki" ezin diela irakasleei geletara bueltatzea exigitu: "Kontutan izan behar da, irakasle asko COVID delakoarekiko bereziki sentikorrak direla, arrisku egoeran daudela edo arriskuan dauden pertsonekin bizi direla. Gure osasuna arriskuan jartzen da, gure artean gaixorik egon diren irakasleak badaude". Gehitu du ez dutela garbitzaile nahikorik "erabiltzen diren espazioen etengabeko desinfekzioa eta garbiketa egokia egin ahal izateko".
Ikasleen arteko distantzia bermatzeko beste lekurik ez ikastetxean
Ikasleak geletara bueltatzera behartzea ez dute ongi ikusten: "Gure ikastetxean ezin dugu ikasleen artean 1,5m-ko distantzia segurtatu ez geletan, ez pasiloetan, ez komunetan ezta patioan ere ez". Galdetu dute geletan gehienez 15 ikasle egoteko neurria betetzeko irakasle gehiago izango al dituzten ikastetxean: "Gelako 15 ikasle gehienez egon behar dutela proposatzen da eta gure ikastetxean gela guztietan ikasle kopurua hori baino handiagoa da, batxilergoan talde guztietan ia bikoiztu egiten da. Neurri honek irakasle kopurua bikoiztuko dela esan nahi du, presentzialki ikasle guztiak atenditu ahal izateko?".
Gainera, zuzendaritzak adierazi du familiek erabaki dezaketela egoeran honetan ez bueltatzea, eta kasu horretan ez zaiela arreta bermatuko etxean geratzen direnei.
Ikasleak geletara itzuli, aste bakarrerako?
Batxilergoko 2. mailakoak maiatzaren 18an itzultzea erabaki du Jaurlaritzak, baina Ibarrekolanda ikastetxeak adierazi du haien ikastetxean maila horretako ikasleentzat azken egun lektiboa maiatzaren 19a dela. Antzera gertatzen da Batxilergoko 1. mailarekin: Jaurlaritzak maiatzaren 25ean geletara itzultzea agindu du, eta Ibarrekolandan maiatzaren 29an dute azken egun lektiboa.
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]
Lehen mailako arretak “kolapso egoeran” jarraitzen duela uste dute, ospitaletako arretak bizi duen gainkarga salatu nahi dute, eta egoerari aurrea egiteko neurriak eskatzen dituzte ELA, SATSE, LAB, CCOO eta UGT sindikatuek.
Abenduaren 20an eman zuen jakitera Olentzeroren Lagunak elkarteak 2021ean ere ez zela Olentzero Iruñeko kalez kale ibiliko, pandemiaren egoerak horretara bultzatuta. Urtarrilaren 4an, aldiz, Iruñeko Errege Magoen Kabalkadaren Elkarteak adierazi du aurten kaleetara... [+]
COVID txertoa hartu edo ez, norberaren hautu bat da, legezkoa, eta batak bezala besteak errespetu bera merezi duena. Ez da derrigorra, baina behartzeko erreminta ezarria dago Euskal Herri osoan: Europar Batasunak bidaiatzeko udan jarri zuen QR pasaportea. Zer dakar QR... [+]
Honela adierazi du Gazte Koordinadora Sozialistak zabaldu duen oharrean: "Zentzu sanitariorik gabeko neurriak hartzen jarraitzen dute politikari profesional despotikoek". Berriki hartutako hiru neurriak salatu dituzte zehazki: COVID ziurtagiriaren zabalpena, aire... [+]
Osakidetzaren lehen mailako arretaren egoera "jasanezina" dela salatuz Araba, Bizkai eta Gipuzkoako osasun etxeen aurrean elkarretaratzeak egin dituzte. "Lehen olatua izan eta urte eta erdira, osasungintza urria, nekatua eta baliabiderik gabea daukagu",... [+]
LAB sindikatuak honako irakurketa plazaratu du: "COVID kutsatzeen olatu berria dela eta, Eusko Jaurlaritza, Nafarroako Gobernua eta Frantziako Gobernua COVID ziurtagiriaren ezarpena erabiltzen ari dira euren kudeaketaren hutsuneak ezkutatzeko. Bost ardatzetan neurriak... [+]
Urtero Bilboko Konpartsek San Tomas egunaren harira argitaratzen duten egutegiaren etekinak Etxaldeko Emakumeei emango dizkiete aurten.
Abenduaren 18 arratsaldean Donostian jendetzak hartu ditu kaleak, Bizitza plataformak deituta egin den manifestazioan. "COVID pasearen inposaketari ez" lemak elkartu ditu.
Abenduaren 14an Osasun Publikoaren Aldeko Herri Ekimenak 1.000 erreklamaziotik gora aurkeztu ditu Donostiako Eusko Jaurlaritzako Osasun sailean, bereziki Lehen Arreta eta oro har osasungintza publikoa indartzeko eta duintzeko eskatuz: "Osasun sistema publiko,... [+]
Gazte Koordinadora Sozialistak deituta, protestara jo dute ostiralean Bilbon, Donostian eta Gasteizen. 'Covid ziurtagiriari ez! Burgesiaren ofentsibari aurre egin' izan dute aldarri milatik gora lagunek.