“Erdalduntzeko makina” salatzeko kanpaina abian jarri du Bilboko Guka mugimenduak
Gukak “Bilbo erdalduntzen duen makina” ikusaraziko du kanpainaren bidez. 24 orduz martxan dagoen makina salatuko dute, eta berori “elikatu eta olioztatzen dutenek” ardurak hartzea eskatuko dute. Euskararen aldeko mekanismoak aktibatzea aldarrikatuko dute.
Guka Bilboko euskalgintzako kideak eta eragileak biltzen dituen mugimendua da. Kanpaina aurkezteko, Bilbo industrialarekin parekotasun bat egin du mugimenduak, eta euskaraz bizitzea galarazten duen makina “erraldoia” irudikatu eta salatu du. 24 orduz erdaldunak sortzen dituen makinatzat deskribatu dute, “potentzia handikoa, gu baino askoz indartsuagoa”. Erdalduntzeko hainbat mekanismo aipatu dituzte. Aisialdiko eskaintza, adibidez, erabat erdalduna dela diote, gozatzeko gaztelania behar dela transmititzen dutela eta hizkuntza hori ezinbesteko bihurtzen dela. Euskara ikasteko zailtasunak ere azpimarratu dituzte. Haurren aisialdiari dagokionez, eskolaz kanpoko eskaintza gehiena gaztelaniaz dela salatu dute eta, helduei bezalatsu, umeei ere transmititzen zaiela ondo pasatzeko gaztelania behar dela. Kexu dira diru publikoz “olioztatutako” hedabide sistema erdaldun oso bat dagoelako, eta euskarazko hedabideak norberak bilatu behar dituelako. Mekanismo horiei guztiei errematea euskararen aurkako diskurtsoek ematen dietela gehitu dute.
Gukaren ustez, “punta-puntako teknologia darabil makinak, Bilbon euskaraz bizitzea galarazteko”.
Zer egin egoera horren aurrean?
Gukak makina ikusarazi nahi du, “ezikusiarena egiten dutelako askok”. Mugimenduaren iritziz, ezin da euskararen alde egin makina ez bada geldiarazten. Makina “elikatu eta olioztatzen dutenek” ardurak eta erantzukizunak hartzea eskatu dute, neurriak hartzea euskararen alde egiteko. Gehitu dute makina guztiek daukatela itzaltzeko botoia.
Euskaraz biziko den Bilbo aldarrikatu dute.
Nortzuek osatzen dute Guka?
Berria egunkariak jaso duenez, Gukako partaide dira eragile hauek: Bira espazioa, Berbaizu eta Zenbat Gara elkarteak, Bilboko auzoetako euskara taldeak, euskaltegiak, jaietako eragileak, haur eta gazteen aisialdi taldeak, mugimendu sozialetako aktibistak, Euskal Herri osoko euskalgintzako kideak eta tokiko proiektu komunikatiboetako hainbat kide.
Hamahiru ZirHika kide batu dira hitanoaren erabilera aldarrikatzeko eta antolakundearen ekintzen berri emateko. Azalpenak Badihardugu elkarteko Idoia Etxeberria eta Galtzaundiko Uxoa Elustondok egin dituzte. Horiei, Andoni Egaña eta Amaia Agirre bertsolariak eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".
Antolatzaileek Biltzar Nagusian harturiko erabakia da: aurten ez dute Lapurtarren Biltzarrik antolatuko Uztaritzen. Motibazio eskasa da erabakiaren oinarrian dagoen arrazoia.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Euskaltzaleen Topaguneak hasiera berri bat irudikatu du. Hemendik aurrera Taupa, euskaltzaleen mugimendua izena hartuko du. Euskara elkarteen topagunea izatetik, Euskal Herri osoko euskaltzaleak aktibatzea eta saretzea izango du helburu. Topaguneko kideek adierazi dutenez,... [+]
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Teilatura igo, eta hainbat instituziok Euskararen Nazioarteko Eguna “aurpegi zuriketarako aprobetxatu ohi dutela” salatu du bikote aktibistak. Frantziako eta Espainiako Konstituzioak “supremazistatzat eta euskaldunentzat baztertzailetzat” jo dituzte, bi... [+]