Bilboko gotzaindegiak hiriaren erdian egin nahi duen negozio urbanistikoa salatu du eskola publiko bateko guraso-elkarteak
Bilboko Cervantes eskola publikoko guraso elkarteak salatu duenez, Bilboko gotzaindegiak negozioa egin nahi du Abandon daukan orube batekin eta Udalak operazio urbanistikoa babestu du, aldatu egin duelako lur horien erabilera-mota.
Gotzaindegiak Mutualia enpresari saldu dio Abandon zeukan orubearen parte bat, Barrainkua eta Heros kaleen artean. Bertan “Bizkaiko ospitalerik handiena” eraikitzeko asmoa dute eta horretarako 30 milioi euro gastatuko dituztela aurreikusten da.
Cervantes eskola publikoaren ondoan dago orube hori, Magisteritzako eskola unibertsitarioaren parean. Hasierako proiektua, eskola horretako guraso-elkarteak bere blogean azaldu duenez, elizaren zerbitzuak eraikin bakarrean batzea zen. Proiektu hori aurkeztuta aldatu zuen Bilboko Udalak orubea, irakaskuntzako ekipamenduak baimenduta zeuden lurra izatetik “beste ekipamenduetarako” ere baimendutako lurra izatera.
Mugimendu horren atzean operazio urbanistiko bat dagoela salatu du guraso elkarteak, apezpikutzak lortu duen eraikitzeko eskubidearen ia erdia Mutlaiaren eta Murias eraikuntza-enpresaren esku geratuko delako haien esanetan. “Alegia, udalak apezpikutzari mesede egin dio erabilera-aldaketa bat onartuz, honek gero hirugarren bati sal diezaion, horrela irabazi ekonomiko ikaragarriak lortuz”.
2.033 metro koadro ditu polemikaren erdian dagoen orubeak eta abuztuan hastekoak dira obrak, nahiz eta, guraso elkarteak salatu duenez, ez beraiek, ez bizilagunek, ez daukaten informaziorik gertatuko denaz. “Tamaina honetako obra bat (zortzi solairu eta bost soto) ezin da atzeko atetik onartu, gardentasunik gabe; are gutxiago kontuan izanda proiektuak eragingo lukeen ingurumeneko eta gizarte mailako inpaktu handia”, dio guraso elkarteak.
“Proiektu hau eraikiko balitz, galdu egingo litzateke Abando auzoan dagoen azken aukera gertutasun-espazio publiko bat sortzeko (etxeetatik 300 metro baino gutxiagora) eta horren premia handia dute adineko pertsonek eta inguruko haurrek, baita Cervantes Ikastetxe publikoko ikasleek ere, zeinak ez daukan espazio handirik aire librean jolaserako”, gaineratu du guraso elkarteak.
Operazio urbanistikoaren aurka mobilizatzen jarraituko dutela iragarri dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Martxoaren 6an 11:00etan Bilbon eta Iruñean mobilizazioak egingo dituzte sindikatuek, patronalak eta Eusko Jaurlaritza zein Nafarroako Gobernua interpelatzeko, zaintza eskubide kolektiboari dagokionez.
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Gukak “Bilbo erdalduntzen duen makina” ikusaraziko du kanpainaren bidez. 24 orduz martxan dagoen makina salatuko dute, eta berori “elikatu eta olioztatzen dutenek” ardurak hartzea eskatuko dute. Euskararen aldeko mekanismoak aktibatzea aldarrikatuko dute.
.JPG)
ERREALITATEAREN HARRIBITXIAK
Nork: Josu Iriarte, Nerea Lizarralde, Jare Torralba eta Amets Larralde. Mikel Martinezek zuzenduta eta Jokin Oregiren testuetatik abiatuta.
Noiz: otsailaren 21ean.
Non: Bilboko 7katu... [+]
Bilboko Udalak zerbitzu publikoak pribatizatzen jarraitzen duela salatu du Bilboko Liburuzainen kolektiboak, besteak beste, kulturari loturiko zerbitzuak. Horren harira, mahai-ingurua antolatu dute martxoaren 3an Bidebarrieta liburutegian, Kulturaren pribatizazioa izenburupean.
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
Gizarte palestinarrarekin elkartasunean luzatutako Boikota, Desinbertsioak eta Zigorrak kanpainak "baterajotze nazionalera" deitu du otsailaren 15erako Carrefourrek Hego Euskal Herrian dituen bost merkataritza zentrotan.
Lauzpabost pertsonak osatutako talde batek jo egin zituzten baita irain homofoboak egin ere.
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.