Bilboko etxejabe handi baten jazarpenaren aurkako kanpaina publikoa abiatu du AZETek
Bilbo Zaharreko bost pertsona etxe kaleratze arriskuan daude etxejabe handi baten abusuen ondorioz. AZET Bilboko Alde Zaharreko Etxebizitza Taldeak darama kasua, eta salaketa publiko egitea erabaki du. Egoera gaitzetsi eta kaltetuei elkartasuna adierazi asmoz, elkarretaratzea antolatu du ostiralean.
Bilboko AZET Alde Zaharreko Etxebizitza Taldeak elkarretaratzea antolatu du ostiralean, 19:30ean, Mariaren Bihotza plazan. Etxetik kanporatuak izateko arriskuan dauden Bilbo Zaharreko bost auzokideren egoera salatuko dute, kaltetuei elkartasuna adieraztearekin batera.
Azaldu dutenez, bost pertsona horiek arriskuan daude hainbat etxebizitzaren jabe den pertsona batek jazarri dituelako. Etxejabeak hirian hamar "etxebizitza patera" baino gehiago dituela eta horiek kontraturik gabe alokatzen dituela aurreratu du Etxebizitza Taldeak, eta jabearen abusuen zerrenda osatu du: pertsona migratuen egoera zaurgarriaz aprobetxatzea, alogerekoak mehatxatzea eta estutzea, erroldatzeagatik edota alokairu kontratua egiteagatik plusak kobratzea, ordaindu ezin duten maizterrei askotariko mehatxuak egitea –erroldan baja emango diela esanez, hustubideak apurtuz, bonbilak kenduz–, edota espazio murritzean pertsona asko sartzea; 70 metro karratuko etxebizitzan hamaika pertsona sarrarazi dituela dela dio AZETek.
Hori gutxi ez, eta bere jabetzakoak diren etxeetatik alde egin arren ere, jabeak hainbat pertsona jazartzen segi ohi duela zehaztu dute. Bere etxebizitzaren batean erroldatua dauden maizter ohiei errolda mantentzeagatik kobratzen die, eta jaso ohi duten diru-laguntzaren zati batekin geratu ohi da.
Abusu horiez gain, "txiroen arteko gerra" bultzatzea ere leporatu dio AZETek etxejabeari. Salatu dutenez, etxebizitza zelatatzea eta kontrolatzearen truke, "beherapenarekin" eskaintzen dizkie logelak zenbait pertsonari.
Egoeraren larritasuna ikusirik, Etxebizitza Taldeak erabaki du kasuari buruzko kanpaina publikoa abiatzea.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.