Bilboko Etxaniz Suhiltzailearen anbulatorioko sexu-transmisiozko infekzioen zentroa “gainezka” dagoela salatu dute
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Ez da egoera berria, aspalditik ditu arazoak Bilboko Etxaniz Suhiltzailearen anbulatorioko STI (sexu-transmisiozko infekzio) zentroak. Alfonso Setiey Anitzak LGTBIQA+ eskubideen aldeko elkarteko lehendakariaren hitzetan, auzia “ziklikoa” da: “Adabakiak jarri eta beste lekuetatik sortzen dira arazoak”. Lehendakariak salatu duenez, zentroa “gainezka” dago eta ezin diete erabiltzaileen beharrei erantzun: “Ez dituzte deiak hartzen eta inbutu bat sortzen da”.
Zenbait arazo aipatu ditu; tartean, langile eta espazio falta. Hori dela eta, zerbitzuaren kalitatea “kaskartzen” ari da. Izan ere, egun anbulatorioak eskaintzen duen espazioan soilik bi pertsona artatu ditzakete aldi berean; jendea pilatu egiten da eta emaitzak jasotzeko denbora “geroz eta luzeagoa” da. Horrez gain, errotazioen ondorioz “oso prestatuta” dauden langile “asko” joan behar izan dira: “Langileak oso jatorrak dira. Ahal duten guztia egiten dute, ordu pila bat sartzen dituzte eta ez gaituzte txarto tratatzen. Aitortza merezi dute”.
Bi modu daude hitzordua eskatzeko, anbulatorioan bertan edo telefonoz: “Jendeak deitzen duenean, ez die inork hartzen. Orduan, dramak eta galderak sortzen dira: ‘Zerbait izanen dut? Inork ez du hartzen. Ez dakit nola egin’. Medikuarenera joan, eta Suhiltzailearen anbulatoriora joateko esaten diete. Inork ez du hartzen eta ibilbidea luzatzen eta luzatzen da”.
Zentralizazioa pazienteen kalterako
Anbulatorio bakarrean zentralizatuta dago arreta. Horrek eta gainerako gaitzen bidetik ez artatzeak estigmatizazioa “handitzen” duela dio: “Ematen du soilik LGTBIQA+ komunitateari eragiten diola, baina heteroek ere sexu-transmisiozko infekzioak dituzte”.
Bilbo-Basurtuko ESIko kanpoko pazienteen farmaziaren garrantzia azpimarratu du Anitzak elkarteko lehendakariak. Bizkaian Prep botika –GIB birusaren esposizio aurreko profilaxia– hartu daitekeen leku bakarra da: “Ordutegia oso mugatua da. Goizez irekita dago, baina arratsaldetan ordu eta erdiz soilik. Ordutegi horiek ez dira irisgarriak. Zergatik ez dituzte horretarako langile gehiago jartzen arratsaldetan?”. Hiru hilabeterako botika ematen dute.
Elkarteak salatzen duena aspalditik datorren auzia bada ere, irailetik aurrera okerrera egiten ari dela sumatu dute: “Geroz eta kexa gehiago jasotzen ari gara”. Erabiltzaileei Osakidetzan kexak jartzeko esaten diete eta elkarteak ere kexa ugari idatzi ditu; hala ere, ez dute aldaketarik sumatu: “Osakidetzak badaki zein den arazoa, baina ez du gehiago egiten”.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Kutsatze gutxiago egon ez dadin diagnostiko horiek lehenago egitea zein garrantzitsua den azpimarratu du Nafarroako Osasun zuzendari nagusiak. “Osasun-sistemara heltzeko zailtasun handiagoak dituztenengan” jarri du fokua aurtengo hiesaren Eguneko kanpainak.Nafarroak... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azala ez da azaleko gaia, kanpoarekiko muga eta gure buruaren babesa baizik. Ordea, kosmetiko industrialak erabiliz gero, toxiko kimikoak barneratzen ditu gure gorputzak azaletik, eta dutxako zulotik behera joaten direnean, ura eta Lurra ere kutsatzen ditugu egunero. Eredu... [+]
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.