Eraso arrazista bortitza Bilboko Errekalden: sei pertsonaren artean gizon beltz bat jipoitu dute
Bilboko Errekalde auzoan gizon beltz bati egindako eraso arrazista salatu du Bizkaiko SOS Arrazakeriak. Biktima Basurtoko ospitalera eraman behar izan zuten, sei gazteren artean jipoia jaso eta gero.
Bizkaiko Sos Arrazakeriak prentsa ohar bat zabaldu du ostegunean, otsailaren 13an Bilboko Errekalde auzoan gizon beltz bati egindako eraso arrazista “bortitza” salatzeko. Biktima 52 urteko gizonezko beltz kolonbiar bat da.
Gertakariak 20:30ak aldera jazo ziren, biktima Sollube kaleko etxebizitza bateko lagun bat bisitatzetik zetorrenean. Ataritik irten zenean, txakurrarekin zihoan 24 urteko mutil gazte batek han bizi ote zen galdetu zion. Gizonezkoak ezetz erantzun eta lagun baten etxetik zetorrela azaldu zion. Ondoren, auzokoak bertan zer egiten zuen galdetu zion eta biktimak bere joan etorrien berri eman behar ez ziola erantzun zion. Gazteak hala erantzun zion: "Txakurrak zaunka egiten badu, batere ona ez den kontu baten ondorioz izango da".
Biktima bere autora zihoala gaztea atzetik joan zitzaion, behin eta berriz bertan zertan zebilen galdetuz. Esperanto eta Leon de Uruñuela kale-kantoian gazteak pertsiana baten kontra zokoratu zuen, lepotik helduta. Biktima ihes egiten saiatu zen eta erasotzailea "lapurra!" oihukatzen hasi zen.
Une horretan, erasotzailearen lagunak agertu ziren eta guztien artean hura jipoitzeari ekin zioten, 20 eta 25 urte bitarteko sei gazte ziren, bost gizon eta emakume bat. Biktimak aurpegian eta gorputzean kolpe ugari jaso zituen eta ihes egitea lortu zuenen korrika joan zen Serantes kaleraino. Bertan erasotzaileetako batek berriz harrapatu zuen, kamiseta urratu eta lurrera bota zuen. Espaloiko zutoinaren kontra belaunean eta buruan kolpe handia hartu zuen biktimak.
Handik gutxira, Udaltzaingoen patruila bat agertu zen kasualitatez eta anbulantziari deitu zion. Biktima Basurtuko ospitalera eraman zuten. Lesioen partean agertzen denez, honako zauri hauek zituen: garezurreko traumatismoa, toraxeko traumatismoa, aurpegiko zauriak, belauneko kontusio eta zauria, polikontusioak eta hortz baten haustura.
SOS Arrazakeria elkarteak , "eraso arrazista" izan dela salatu du. Gertakari horrek, "bestelako arrazen ezaugarriak dituzten herritarrek jasandako indarkeria iraunkorra eta egiturazko diskriminazioa" argi eta garbi erakusten duela azpimarratu du. "Horrelako jokabideak ezin dira inolaz ere onartu eta gertaera horiek irmotasunez gaitzesten ditugu", adierazi dute elkarteko kideek eta hauek ikertzeko eta zigor barik ez uzteko eskaera egin dute.
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]
Iragarritako heriotza baten kronika. Donostiako Udalak Egiako Kaleko Afari Solidarioak debekatu ditu, «segurtasunaren» aitzakian. Bizpahiru urte dira Egian segurtasuna guztien ahotan dagoela, eta azken hilabeteotan, talde eskuindarren gorakadarekin, egoerak okerrera... [+]
Azken asteetan mobilizazio arrazistak piztu dira Gasteizko Errota eta Donostiako Egia auzoetan, eta biek iragarri dute asteroko deialdiei eusteko asmoa. Haien artean desberdintasunak daude, baita antzekotasun asko ere: sustatzaileak anonimoak izatea, konfrontazioa bilatzea, edo... [+]
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
Aste mugitua izaten ari da Donostian, Kaleko Afari Solidarioen bueltan dabilen jendearentzat. Astelehenean beren aurkako kontzentrazioa egin zuten dozenaka pertsonak, inolako baimenik gabe eta Ertzaintzak esku hartu gabe, eta tentsio handia izan zen. Horrek hauspotuta, Eneko... [+]
Poliziek arrazaren araberako "profilak" egiten dituztela azaldu du Europako Kontseiluaren txosten batek, eta komisarietan pertsona migranteek eta ijitoek arrazismo sistematikoa pairatzen dutela seinalatu. Melonik poliziak babestu ditu: "Gure polizia-indarrek... [+]
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]