Bilboko eraso homofoboa Legebiltzarrera iritsi da
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten duten diskurtsoekin apurtzea eskatzen dugu".
Bilboko eraso homofoboa abiapuntu hartuta, Isa González legebiltzarkideak galdera ugari egin dizkio Jaurlaritzari, idatziz erantzuteko: zenbat eraso LGBTIfobiko kuantifikatu zituzten 2023an EAEn eta gora egin al dute erasoek? Kasu batzuk ezkutuan geratzen direla jakitun, datu erreala lortzeko ahalegin handiagoa egiteko asmorik al du Jaurlaritzak? Eraso LGBTIfobikoei aurre egiteko zein neurri hartzea aurreikusten du Jaurlaritzak? Eraberean sarea nahikoa ezaguna al da, kolektiboko jendeak jotzen al du bertara erasoak salatzera, nola ezagutarazi sarea, nahikoa baliabide al ditu?
Eraberean sarea Eusko Jaurlaritzaren baitako sarea da eta diskriminazio egoerak jasan dituztenei laguntzea du helburu. Funtzioen artean ere baditu, besteak beste, prebentzioa, pedagogia, kontzientziazioa eta sentsibilizazio soziala.
Disidentzia sexualek sistema zisheteropatriarkala kolokan jartzen dute eta "horregatik, gure aurkako gorrotoa eta biolentzia areagotu egin da, askotan instituzioen eta hedabideen laguntzaz"
"Ez dago erantzun polizial posiblerik"
LGBTI+ kolektiboak zer eskatzen dio administrazioari? EHGAM Bilbo+ taldeak ARGIAri erantzun dionez, zisheteronorma eta binarismoa babesten duten diskurtsoekin apurtzea, diskurtso horiek "gure bizitza arriskuan" jartzen baitute, "gure existentzia ukatzera heltzen dira". Azken buruan, disidentzia sexualek sistema zisheteropatriarkal hori kolokan jartzen dute eta "horregatik, gure aurkako gorrotoa eta biolentzia areagotu egin da, askotan instituzioen eta hedabideen laguntzaz". Gorrotoaren diskurtso eta praktikak elkar lotuta doazela ulertzen du taldeak: "Feminismoak eta transfeminismoak aurrera egin duen honetan, erantzun erreakzionarioa, hau da, faxista, antolatu eta handitu egin da: matxismoa, transfobia, homofobia... Gorroto eta praktika horiek apurtzea beharrezkoa da".
Arazoa egiturazkoa dela eta erasoen aurrean erantzun polizial posiblerik ez dagoela garbi utzi du taldeak.
Sudurra apurtu zioten 23 urteko Asierrek berriz, erasoak jasaten dituztenen ahalduntzean jarri zuen fokua, ARGIAri emandako elkarrizketan: "Erasotzaileak ezin dira erantzunik gabe geratu, erantzun fisikoa edo ahozkoa, baina erantzuna, zeren zure burua kikildu dezaten uzten baduzu, kikilduta emango duzu bizitza osoa".
2022ean auziperatu zuten Nelson David Moreno, Bilbon gutxienez bost gizon homosexual hiltzea eta beste bi erailtzen saiatzea egotzita. Astelehenean, urriaren 21ean, Morenoren aurkako bigarren epaiketa hasi dute. Iruzur delitu batengatik epaituko dute, biktimei lapurreta egitea... [+]
LGTBIQ+ kolektiboaren ikusgarritasuna sustatzen duen Bekat'uros jaialdia antolatzen du Prefosta elkarteak. Salatu dutenez, "lan horren kontrako eraso" izan dira tindaketak. Elkarretaratzea egingo dute astelehenean.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Harrotu zerbitzuak Iruñeko Udaleko LGTBIfobiaren Aurkako Behatokiaren txostena argitaratu du: urtebetean 34 erasoren berri izan duela; iaz baino zortzi gehiago. Behatokiak ustetan du zerbitzua geroz eta ezagunagoa delako izan daitekeela.
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Libri liburu-saltzaile eta argitaletxeak plastikozko zorroetan bilduko ditu LGBTI+ edukia duten liburuak. Helburua da dendetan liburuak ez irekitzea, 2021eko “haurren babeserako” legean oinarrituta.
Sexu bereko gurasoen seme-alabak erregistratzeari uzteko eskatu du Italiako Gobernuak, eta Paduako Fiskaltzak ildo horretako neurria hartu du: 2017az geroztik bi amarekin jaio diren haurren erregistrotik erditu ez den amaren abizena kentzeko eskatu du. Erregistrotik ezabatuta,... [+]
Antolaketan zebiltzanei arraultzak bota dizkiete erasotzaileek, eta partehartzaile bat ere jarraitua izan da manifestazioaren bukaeran. Testigantza bilketa abiatu du antolatzaile den Les Bascos elkarteak.
Gizon bikote batek eraso fisikoa jasan zuen, igandeko ordu txikietan.
LGBTIfobiaren Kontrako Egunean, kolektiboaren instrumentalizazioaz, gure gorputz, desira eta harremanak birplanteatzeaz, etiketez eta erasoez hitz egin dugu Ehgam Euskal Herriko Sexu Askapenerako Mugimenduko kide batekin. "Marika txuri naizen honek eskubide batzuk lortu... [+]
2022an Ertzaintzak erregistraturiko gorroto delituen berri eman du Eusko Jaurlaritzak: 438 gertakari guztira, 2021ean baino %57 gehiago. Arrazakeria eta xenofobiari lotutako delituek jarraitzen dute izaten zabalduenak, eta atzetik dituzte sexu-joera edo sexu-identitateari... [+]
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.