Bilboko mugimendu sozialeko bi kide epailearen aurretik pasa dira ostegunean, bata zein bestea Mozal Legeaz zigortuta. Arkaitz Zarragaz gain, Eduardo Gonzalezek ere epaiketa izan du; azken honi Mozal Legearen aurkako elkarretaratze batean aplikatu zioten Mozal Legea.
Hau Pittu Hau konpartsako kide Arkaitz Zarragarekin batera, Mozal Legeaz zigortutako bigarren pertsona bat pasa da epailearen aurretik ostegun goizean, Bilbon. Sare Antifaxistako eta Herritarren Kriminalizazioaren Aurkako Plataformako kidea da Eduardo Gonzalez, eta 2018ko martxoan jarri zioten isuna, Mozal Legearen aurkako elkarretaratze batean.
Plaza Biribilean elkarretaratzea egiten ari zirela jazo zen gertakaria. Ertzaintzaren furgoia bertatik igarotzean, bolante-kolpe batez plazara sartu eta berau identifikatu zutela kontatu du Gonzalezek. Ertzainek “jarrai gaitzazu, isuna jarriko dizugu eta” adierazi ziotela jaso du Publicok. Isuna jartzeko arrazoia, ertzainen arabera, elkarretaratzean “lotsa eragingo lidake polizia izateak” leloa entzun izana zen. Elkarretaratzea legeztatzearen arduraduna izanik, isuna Gonzalezi jarri zioten.
Isuna jartzen ari zirela, elkarretaratzean zegoen Bizkaiko Abokatuen Elkargoko kide bat ertzainengana hurbildu zela azaldu dio Gonzalezek La Haineri. Adierazi duenez, gertatzen ari zena jarraitzera eta kontua nola konpon zitekeen aztertzera gerturatu zen abokatuaren aurrean, beren egiteko modua gustuko ez bazuten errekurtsoa aurkeztu zezatela esan zieten ertzainek. Hala egin zuten. “Urte betez helegite bat bestearen atzetik jarri ostean, epaiketa dugu Bilboko Administrazioarekiko Auzien Epaitegian".
80 euroko isunaren harira hasitako auzibideak kostu ekonomikoarekin zerikusi gutxi daukala azaldu du auzipetuak: “Ez da diruagatik, baizik eta adierazpen askatasunagatik. Helegitea jarri dugu sentitu dugulako ez dela justua, salatzekoa dela. Bilatzen dutena zu mugatzea da, hurrengoan mobilizatu ez zaitezen”.
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]
Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]
Azaroaren 21ean izango da Administrazio Epaitegian hitzordua. Alde batean Tubacexeko grebalarietako bat egongo da, eta bestean Laudioko Udaltzaingoa. Poliziak leporatzen dio langileari hesi batzuk jartzea errepidean grebaren azken egunean eta beharginak akusazioa ukatzen du.
Mozal Legea urratu duelakoan, Altsasuko Guardia Zibilak isuna ezarri dio Nafarroako 0-3 Plataformako bozeramaile Eider Garderi, haurtzaindegietako gatazkarekin elkartasunez ateratako argazki batengatik, legez kanpoko elkarretaratzea egotzita.
Otsailean apezpikua agurtzeko Donostian egin zen performancea ikusten izan zen Beatriz Goñi. Orain, zigortu egin dute identifikarazi zutenean ahoz adierazi zuelako bere NAN zenbakia. Identifikatzeari uko egitea egotzita, 700 euroko isuna jarri dio Ertzaintzak.