Bilboko bortxaketagatik atxilotutako lau gizon behin behinean aske uzteak kritika gogorrak eragin ditu
Clara Campoamor elkarteak eta Bilboko Bizilagun Elkarteen Federazioak auzipetuetako lau aske uztea kritikatu dute. Ostiralean milaka pertsonek bete zuten Arriaga plaza eraso matxista gaitzesteko. Igandean beste eraso bat gertatu da Gasteizen.
Talde bortxaketa egin izana leporatuta ostiral goizaldean atxilotutako sei gizonak larunbatean eraman zituen Ertzaintzak epaitegira. Larunbatean atxilotuei deklarazioa hartu ostean, zaintza epaileak igande goizean hartu du erabakia. Sei gizonen aurkako akusazioa bere horretan utzita, bi Basauriko espetxera bidali ditu eta beste laurak behin behinean aske utzi ditu. Azken horiek egunero sinatu beharko dute epaitegian.
Epailearen erabakiak kritikak piztu ditu. Clara Campoamor elkarteko presidente Blanca Estrella Ruiz auzipetuetako lau gizon behin behinean aske uztearen aurka azaldu da: "Sei basapizti hauentzat behin-behineko espetxealdia eskatuko dugu. Jarrera hauek geldiarazi egin behar ditugu". Auzi honetan herri-akusazio gisa arituko da Clara Campoamor elkartea. Bilboko Bizilagun Elkarteen Federazioko presidente Carlos Ruizek ere hitz gogorrak izan ditu. Akusazioa sei gizonentzat berbera izanik neurri ezberdinak hartzearen aurka azaldu da: "Zertan ari dira epaileak pentsatzen atxilotuetako lau aske uzteko? Zergatik egiten dituzte bereizketa horiek?". Erasotutako emakumeak erasotzaileekin kalean topo egin dezakeela nabarmendu du Ruizek.
Milaka pertsona sexu erasoen aurka
Ostiralean, mugimendu feministak deituta, milaka lagun bildu ziren ostiralean Bilboko Arriaga plazan erasoa gaitzetsi eta erasotutako emakumeari babesa adierazteko. “erasorik ez erantzunik gabe!” izan zen oihu errepikatuenetako bat.
Beste eraso bat Gasteizen
Larunbateko gauean sexu erasoa egin zuten Gasteizen. Ertzaintzak jakinarazi duenaren arabera, gauerdira aldera egin zuen erasoa gizonezko batek, gasolindegi baten inguruan. Ertzaintza erasotzailearen bila dabil.
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Taldeak berak adierazi du Instagram bidezko ohar batean astelehenean izan dutela Ivan Carmonaren aurkako akusazioaren berri. Neska gazte bat taberna batean ukitzeagatik da salaketa, eta taldeak “sexu-eraso arintzat” jo du.
Nafarroako Iparraldeko herri batean jazo zen dena, biktima erasotzailearekin eta emaztearekin bizi zela. Neskak 17 urte zituenean bortxatu zuen lehen aldiz akusatuak, eta urtebetez luzatu ziren sexu erasoak. Biktimak 23 urterekin salatu du dena.
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Ertzaintza gertaera ikertzen ari da, eta oraingoz ez dago atxiloturik. Bestalde, Erandion gizon bat atxilotu dute bere bikotekidea nasatik trenbidera botatzeagatik. Nafarroako Probintzia Auzitegian berriz, astelehenez hasiko da bikotekide ohiari sexu erasoak egiteaz akusatutako... [+]
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]