Bilboko Anna Campbell gune askea hustu dute
Hustea ilegala izan dela jakinarazi du asanbladak. Iraila amaieran okupatu zuten espazioa, beren hitzetan, agintariak bultzatzen ari diren hiri eredu neoliberal eta prekarioari aurre egiteko.
Bilbo Zaharreko Anna Campbell gune askeko asanbladak eman du hustearen berri, publiko egin duen ohar batez. Jakinarazi dutenez, hustea irailaren 10ean, asteartean, burutu zen. Goizez, espaziora hurbiltzean, ohartu ziren erradial batekin espaziora sartu zirela gauez, eta sarraila aldatu. “Morroi talde bat barruan lubakitu zen”, adierazi dute.
Huste ilegala
Asanbladak azpimarratu du gaur gaurkoz ez dagoela okupazioagatik espazioaren kontrako salaketarik. Hustea espazioaren espekulatzaileak bideratua izan dela salatu dute, “praktika mafiosoak lehenetsiz beren lege burgesen gainetik, guztiz ilegala den desalojo bat gauzatzeko”. Helburu horrekin, "sosik ere ez duten prekarioen lanaz eta aurpegiaz baliatu" dela jakinarazi dute, bera itzalpean mantendu den bitartean: “Prekarioak aurrez aurre jarriz, espekulatzailea itzalean eroso dagoela”.
Espazioa husteaz gain, bertan zeukaten materiala lapurtu eta baliozkotzat jo ez dituzten gauzak —liburu, kartel eta fanzineak— zaborretara bota dizkietela ere eman dute aditzera. Lapurreta, gero, “pertsona arrazializatuei egotzi” dietela gehitu dute.
“Espekulatzaile ezagun honen papera seinalatu eta salatu nahi dugu auzoak jasaten duen gentrifikazio prozesuaren testuinguruan (…) Argi daukagu auzoarekin, eta hura osatzen duten pertsonen bizitzekin espekulatzen jarraitzen duten bitartean , jo ta ke jarraituko dugula, salatzen eta borrokatzen”, azpimarratu dute.
Hiri eredu neoliberalaren kontrako okupazioa
Anna Campbell gune askearen okupazioaren berri iraila amaieran eman zuten. Lehen ohar haren bidez jakinarazi zutenez, agintariak bultzatzen ari diren hiri eredu neoliberal eta prekarioari aurre egiteko okupatu zuten espazioa, azken urteetan hiria jasaten ari den gentrifikazio eta turistifikazio prozesuen aurrean okupazioa hautatuz tresnatzat, herritik eta herriarentzako guneak berreskuratzeko.
Espazioari izena ematerako orduan, Anna Campbell deitu zuten, 2018an hildako borrokalari kurduaren omenez.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]