Bilboko Alde Zaharreko Korrika batzordeak Udalaren 1.500 euroko isuna salatu du
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
Alde Zaharreko hainbat auzokide bildu ziren agerraldia egiteko eta Korrikaren testuinguruan antolatutako ekimenari buruzko salaketa aurkezteko. Pasa den martxoaren 20an, hainbat eragile batu ziren Alde Zaharreko Korrika batzordearen bidez auzoa apaintzeko asmoz. “Harro Herri” lelopean, Santiago Plazan, musika euskalduna entzunez, pankartak eta banderak prestatu zituzten 23. Korrika zela eta.
Hala ere, abuztuan, Udalak jakinarazpen bat bidali zion Zaharrean Berri Jai Batzordeari eta ekimen hori baimenik gabe egitea arau-hauste larria izan zela iritzita, isunarekin zigortu zuten.
Bilboko Udalak 1.501€ko isuna jarri dio Alde Zaharreko Jai Batzordeari Korrika auzotik igaro zenean kartelak, pankartak eta banderinak jartzeagatik:pic.twitter.com/scjSyJG6BE
— Gure bideoak (@GureBideoak) October 27, 2024
Korrika Batzordeak isuna "onartezina" dela adierazi du eta salatu du Udalak ez duela baimenik eskatzen masa-turismo edo makro-ekimen handietarako, hauek bultzatu egiten baitira. Auzokideek, beraz, espazio publikoaren erabilpen herrikoia defendatu dute, eta Bilboko Alde Zaharreko eragileek kaleak berreskuratzeko lanean jarraituko dutela azpimarratu dute.
Horrez gain, abenduaren 1erako Zaharrean berri krosa antolatu dute, eta xehetasun gehiago emango dituzte laster.
Hamarnaka lagun bildu dira ostiral arratsaldean kaiko arrapalan, pribatizazioaren kontra. Duela egun gutxi, inolako abisurik gabe, Eusko Jaurlaritzak hesi bat jarri zuen bertan, azken urteetako haserreak berriro hauspotuz.