Bilbo Zaharrean etxe-kaleratzea gelditzeko saiakeraren ondorioz, tratu bat egitea lortu dute
Etxetik kaleratu duten emakumeak epaiketa izan zuen, eta azkenean kaleratu egingo zutela jakin arren, ez zekien noiz izango zen data zehatza. Etxetik kaleratzeko abisua asteartean jaso zuen, adieraziz bi egunen buruan kanporatuko zutela. Hamarnaka lagun kaleratzea gelditzeko saiakeran aritu dira ostegun goizean eta AZET Alde Zaharreko Etxebizitza Taldeak kaltetuarentzat alternatiba habitazionala negoziatzea lortu du Udalarekin. Ertzaintza eta Udaltzaingoa oldartu egin dira bertan zeudenen aurka.
Goizean goizetik, hamarnaka lagun batu dira Bilbo Zaharreko Urazurrutia kaleko 35. zenbakidun eraikinaren parean. Bertan bizi zen Carmen, ostegunean etxetik kaleratu duten bizilaguna. Kaleratzea gelditzea zuten helburu etxeko atarian bildutako herritarrek.
Asteartean izan zuen Carmenen egoeraren berri AZET Alde Zaharreko Etxebizitza Taldeak. Azaldu dutenez, kaleratze agindua ekainaren 8koa bada ere, kaltetuak ez zuen abisurik jaso asteartera arte. AZETeko kide batek ARGIAri jakinarazi dionez, Carmenek 60 urtetik gora ditu eta epaiketa izan zuen alokairua ez ordaintzeagatik. "Bazekien kaleratuko zutela, baina ez zekien noiz", azaldu du. Hala, etxekaleratze aginduak ustekabean harrapatu du, eta horren aurrean AZETek "kaleratzea berehala geldiaraztea" exijitu eta etxekaleratzea gelditzeko deialdia zabaldu zuen asteazkenean.
Deialdiari erantzunez, hainbat lagun batu dira ostegun goizean kaleratzea gelditzeko asmoz. Ertzaintza eta Bilboko Udaltzaingoa bertaratu dira, eta agenteak jendeari oldartu zaizkie.
La Ertzaintza carga contra l@s vecin@s que se encontraban en el portal intentando impedir el desahucio de Mari Carmen en #Bilbao pic.twitter.com/TfzbyzaVFh
— Ecuador Etxea (@EcuadorEtxea) September 10, 2020
Negoziaketan amaitu duen kaleratzea
AZETeko kideak azaldutakoaren arabera, Carmenek bi aterabide posible eskatu ditu: edo kale gorrian geratu ez dadin alternatiba bat bilatzeko denbora pixka bat eman diezaioetela, edo gizarte laguntzaileak hurbil daitezela, tratu bat egiteko. Etxebizitza Taldearen bitartekaritzarekin lortu dute bigarren bide horri eustea. Goizean ARGIAri helarazi diotenez, beren xedea zen tratu bat egitea lortzea Carmen "alternatiba habitazional batekin" joan zedin etxetik; esan eta egin, Bilboko Udalarekin eta Gizarte Larrialdietarako Udal-Zerbitzuarekin (GLUZ) negoziaketa egitea lortu dute. Jakinarazitakoaren arabera, Carmen aterpetxe batera bideratuko dute berehalako irtenbide moduan. Hala ere, ez da bertan geratuko; adostu dute udalak behin behinean ordainduko diola bizilekua, kaltetuari etxebizitza gastuei aurre egitea posible zaion arte.
Utzikeriaren salaketa
AZETek sare sozialen bidez salatu egin du Bilboko Udalaren eta oinarrizko gizarte-zerbitzuen utzikeria. "Egoera honen ardunadunak nortzuk diren argi daukagu eta ozen salatu nahi dugu bai Bilboko Udalaren bai oinarrizko gizarte-zerbitzuen utzikeria. Jakin dezatela ez diegula utziko bizilagun bat ere kale gorrian uzten", azpimarratu dute.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Màtria o barbàrie (Angle Editorial) liburua aurkeztera etorri da Júlia Ojeda irakasle eta literatur kritikaria, Donostiako Emakumeen Etxera. Liburuan parte hartu duten 30 emakume katalanek matria eraikitzea proposatzen dute feminismo nazionalista ardatz... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.
Donald Trumpen agintaldia hasi da politika atzerakoiak ezartzen woke edo DEI izan daitekeen guztiaren kontra, eta baita neurri teknologikoak iragarriz. Lehen unetik, karguaren zina egin zuenetik, teknologiako erraldoien buruak lehen lerroan egotea deigarria izan zen: bereziki... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Antolatzaileek Biltzar Nagusian harturiko erabakia da: aurten ez dute Lapurtarren Biltzarrik antolatuko Uztaritzen. Motibazio eskasa da erabakiaren oinarrian dagoen arrazoia.
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Ostegun honetan 30 urte bete dira ETAk Gregorio Ordoñez PPko Donostiako zinegotzia hil zuela. Hainbat arrazoirengatik euskal gizartean zirrara berezia sortu zuen atentatua izan zen. PPko eta PSOEko zinegotzien aurkako atentatuen atea ireki zuen.