Prebentzioan eta erasotzaileengan arreta jartzea eskatu du Bilbo Feminista Saretzen-ek
Mugimendu feministak nagusi den “maskulinitate eredua” jarri du erdigunean. Biktimentzat babes handiagoa eskatu du, babesa zigor-bide hutsetatik deslotuz. Ertzaintzak berriki zabaldutako sexu erasoak saihesteko kanpainaz kritiko mintzatu dira.
Hainbat kolektibo feminista batzen duen Bilbo Feminista Saretzen-ek oharra atera du hirian gertaturiko azken sexu erasoen harira eta "instituzioek eta komunikabideek emandako erantzunaren aurrean".
Prebentzio neurrietan sakontzea eskatu dute feministek. Neurri hezitzaileak aldarrikatu dituzte eta arreta erasotzaileengan eta "emakumeak jabetza objektu gisa tratatzen gaituen maskulinitate eredu nagusian" jartzea. Hori egin ezean, diote, "neurri polizial eta zigortzaileek ez dute ezertarako balio". "Bortxaketaren kulturari" amaiera jarri behar zaiola aldarrikatu dute. Kultura horren adierazpenak lirateke gizonen desirak emakumeen gainetik jartzeak, emakumeen hitza zalantzan jartzea edo kaleko jazarpen matxistak.
Bitartean, erasoen biktimentzat "babes handiagoa" exijitu du Bilbo Feministak. "Emakumeentzat mehatxu" diren "bortxatzaile eta erasotzaileak libre" ikusteaz "nazkatuta" agertu dira. Baina babesa eta zigor-neurri hutsak ezberdindu dituzte aldi berean: "Ez dugu zigorrak modu neurrigabean igo daitezen bultzatu nahi, ezta errugabetasun presuntzioa urra dadin ere, gauzei bere izenez deitzea (ez da abusua, bortxaketa da) eta biktimen sinesgarritasuna auzitan ez jartzea". Erasotutako emakumeen datu pertsonalak publiko egiten dituztenen aurka "zero tolerantzia" aldarrikatu dute.
Arazoa, erasotzaileak
Ardura emakumeen portaeran, ordutegietan edo janzkeran kokatzen dutenen aurrean, erantzukizun bakarra erasotzaileena dela azpimarratu dute Saretzenetik: "Fokua gugan jartzeaz aski da. Esaiezue haiei ez diezagutela eraso egin". Zentzu horretan "morboa besterik elikatzen ez duten hainbat komunikabideren" portaerak salatu dituzte. Baita Ertzaintzak jaiei begira zabaldu dituen mezuak ere, "zama emakumeongan jarri eta gure eskubideak murrizten ditu eta". Astelehenean Gasteizko mugimendu feminista izan da Ertzaintzak eta Udaltzaingoak elkarlanean garatu duten kanpainari amaiera jartzea exijitu duena: "Gu ez gara erasoen arduradunak eta beraz ez dugu onartuko erasoen prebentzioarako mezuak guri bideratzea. Askatasuna erasotzaileei murriztu behar zaie".
Zabaldutako zenbait informazio dela eta, azken ohartarazpen bat egin du Bilbo Feminista Saretzenek: "Mugimendu antiarrazista gara. Emakumeei eraso egin, bortxatu eta hiltzen gaituztenak gizonak dira; euren jatorria, adina, maila soziala, edo biktimarekin duten harremana edozein delarik ere, emakume izate hutsagatik".
Bilboko talde bortxaketaren auto judiziala
Bilboko talde bortxaketaren harira, guardiako epaileak sei atxilotuetarik lau behin behinean aske utzi zituen igandean eta beste bi espetxeratu. Kritikak eragin ditu erabakiak, eta polemika ez da itzali. Hilabeteko lehen astelehenetan Betaurreko Moreak talde feministak kontzentrazioa deitzne du Bilbon, eta atzokoan ehunka pertsona batu ziren. Lau ustezko erasotzaile ez espetxeratzea kritikatu zuten mobilizazioan: "Lau bortxatzaile aske daude inpunitate osoarekin, justiziaz eta gutaz barre egiten, bitartean Ertzaintzak bakarrik ez ibiltzeko eta ezkutatzeko eskatzen digu; sistema honen bermeak bortxatzaileentzat dira, baina ez biktimentzat".
Astelehenean ere auziaren auto judizialaren inguruko hainbat datu zabaldu dute komunikabide batzuek. Horren arabera, emakumeak atxilotuetariko bi identifikatu ditu, eta horiek dira epaileak espetxeratu dituenak. Beste lauek ere bortxaketan parte hartu izana ez du baztertu epaileak, baina ez du ziurtzat ematen, eta horregatik utzi ditu kargupean aske. Kritikei erantzunez, Bilboko epaile dekano Aner Uriarte epailearen erabakia defendatu du. Zalantzen aurrean justiziak "bermeak" eman behar dituela adierazi du.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.
Legorretako Udalak ostiralean jakinarazi du Patxi Ezkiaga idazle eta elizgizonari herrian egindako goraipamen guztiak kenduko dizkiola. Ezkiagak Marisol Zamorari umetan egindako sexu erasoak publiko egin ondoren hartu du erabakia udalak. Beste hiru emakumek ere salatu dituzte... [+]
Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]