Kanpaldia Angelun Guimon preso gaixoa askatzeko eskatuz, epaia ostegunean
Lorentxa Guimon (Angelu, 1968) preso politiko gaixoaren aldeko ekitaldia egiten ari dira hainbat lagun Angeluko Herriko Etxearen aitzinean. Gau eta egunez, karpa batean itxialdia abiatu dute. Bihar, presoa espetxera itzultzea edo baldintzapeko askatasunean uztea erabakiko du Parisko Dei Auzitegiak.
Parisko auzitegiak Lorentxa Guimonen baldintzapeko askatasunaren ebazpena emango du ostegunean. Zenbait jendek Guimon etxeratzeko protesta iraunkorra abiatu dute astelehen honetan Angeluko Herriko Etxearen aurrean: “Eragile politikoei eta herritarrei dei berezia egin nahi diegu Guimonen egoera larriaz ohartarazteko” erran du Bagoaz-eko kide Emilie Martinek. Kolektiboaren eledunak “tokia zabalik da jende denei, presoen egoera aztertzeko eta egoera politikoaz eztabaidatzeko irekia orobat” gehitu du. Horiek horrela, Angeluko auzapez Claude Olive (zentrista-eskuindar frantsesa) protesta eremura hurbildu izana azpimarratu izan da.
Oroitarazi behar da epaileek Guimonen baldintzapeko askatasuna onartu zutela iazko azaroaren 24an. Alabaina, Parisko prokuradoreak (fiskalak) erabakiaren aurkako helegitea ezarri zuen. Bagoaz-en iritziz, askatasuna ukatzean “agerikoa da erabakia politikoa dela ”. Bagoaz-ek “Estatuaren jarrera salatu du, baita Frantziak Espainiako Estaturen jarrera bermatzen duela gaitzetsi ere”. Bagoaz-en hitzetan “biek ala biek Bake Prozesua blokeatzen dute”.
Crohnen gaixotasuna 1991tik
Lorentxa Guimon 2002an atxilotu zuten. Bretainiako Roazhongo (Rennes) presondegian dago. 2012an, ETAko presoen sei ordezkarien artean zegoen. Guimonek Crohnen gaitz sendaezina du 1991tik.
Bere egoera larria zela eta, iazko abenduaren 14an presondegitik ospitalera eraman zuten urgentziaz. Alabaina, erietxetik espetxera eraman zuten berriz ere abenduaren 29an. Iragan urtarrilaren 14an, Parisen aztertu zuten baldintzapean askatzeko eskaera. Askatasuna ukatu zioten haatik.
Presoen aldeko Bagoaz kolektiboak behin baino gehiagotan kezka eta protesta adierazi ditu euskal preso honen osasun egoera “larria” dela eta. Maritxu Paulus-Basurko bere abokatuak honela azpimarratu izan du: “2014ko irailetik izugarri txartu da Lorentxaren [Guimon] osasun egoera. Hilabetez hilabete, konplikazioak gehitzen joan zaizkio, alta bada, presondegiko medikuek ez dute behar bezala artatu”.
Guimonen baldintzapeko askatasunaren aldeko hainbat ekitaldi izan dira azken asteotan. Hil honen 17an, bederatzi gazte kateatu ziren Baionako Suprefekturan –Frantziako Gobernu Ordezkaritzan–. Presoaren egoera salatzeaz batera, bere askatasuna eskatu zuten, baita euskal preso guztiena ere. Iragan ostiralean, bost autobus irten ziren Euskal Herritik Roazhongo kartzelara. Otsailaren 20an, larunbatean, 500 lagunek Rennesen manifestazioa egin zuten preso eriaren alde.
Lorentxa Guimonen egoerak Ibon Fernandez Iradi presoarena ekarri du gogora. Fernandez Iradi Lannemezanen (Okzitania) preso dago. Egoera larrian izan arren, baldintzapeko askatasuna ukatu diote behin eta berriz. Bagoaz kolektiboak “kezkatua eta haserre” dela adierazi du fermuki.
Sare sozialetan #SosLorentxa aldarria
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.