Bigarren etxebizitzen logikaren adibide berri bat, Ahetzetik aldi honetan
EH Bai koalizioak salatu du GSF Immobilier promotore pribatuak Ahetzen daukan egitasmoa: laborantzarako diren lurretatik etxaldea bota eta luxuzko hamar pisu eraikitzea. Martxoaren 4 honetan jakin da CDPENAF laborantza, natura eta oihan espazioen zaintzarako batzorde departamentala proiektuaren aurka kokatu dela.
Laborantzarako diren lurretatik etxaldea bota eta luxuzko hamar pisu eraikitzeko proiektua du GSF Immobilier promotore pribatuak. Lapurdiko Ahetze hirian kausituriko adibidea dugu hau, baina izan zitekeen Ipar Euskal Herriko beste herri batean, hain da presente etxegintzaren –eta are gehiago espekulazioaren– logika. Proiektu hau salatu du EH Bai koalizioak, desagertzekotan den Larre Luzea baserriaren aitzinetik: "Ez da dudarik, bigarren etxebizitzak izanen dira".
Ardura partekatua
"Erantzukizunak partekatuak dira: jabeak pentsatu behar du zer motako aktibitateak nahi dituen bere familiaren lurretan; Herriko Etxeak eraikitzeko baimenarekin zer egin nahi duen zehaztu behar du; eta tokiko hautetsiek haien esku dute proiektu honen orientazioak erabakitzea", adierazi du EH Baik.
Bizkitartean, CDPENAF laborantza, natura eta oihan espazioen zaintzarako batzorde departamentalak bere iritzia eman du: proiektuaren gauzapenaren aurka bozkatu dute. Hala ere, adi egoteko deia luzatu du EH Bai-k: "Gaurko emaitza ez da emaitza definitiboa beraz adi egon beharko gara eta dosierra hurbildik segitu".
Gaia Euskal Hirigune Elkargoan dute
Bizitegien Tokiko Plana lantzen dabil Euskal Hirigune Elkargoa; eta otsailean onarturikoa orain Herriko Etxeen esku dute, hauen iritzia ere jasotzeko gisan. Zehazki finkatzen du zenbat bizileku eraiki beharko liratekeen ondoko sei urteetan Ipar Euskal Herrian, eta zer motakoak izan beharko luketen. Besteak beste, biztanleriaren emendioari adaptatzeko 2015-2025 epean urtero 2.777 etxebizitza eraikitzea onartzeko galdegina zaie Herriko Etxeei. Ikusirik 60.000 etxe huts ditugula Ipar Euskal Herrian –kasik urte osoan hutsik diren 50.000 bigarren etxebizitza eta 10.000 etxe huts–, desadostasuna eragiten du lur jate eta eraikitze logika horrek.
Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.