Bigarren bozketan ere, ugalketa lagundua emakume guztiei zabaltzearen aurka bozkatu du Frantziako Senatuak
Bikotean diren lesbianentzako eskubidea zabaltzearen alde agertu badira ere senatariak, bikotean ez diren emakumeentzat ez dute onartu. Horrez gain, gizarte-segurantzaren ordainketa bakarrik bikote heterosexualei bideratzearen alde agertu dira.
Bioetika Legearen lehen artikulua atzera bota du Frantziako Senatuak, otsailaren 2an bezala, ostegun honetako bozketan ere. Haien bozketari segi, ugalketa lagundua ez da emakume guztiei bideratzen ahalko: bikotean ez diren emakumeek ezingo dute legalki ama izan. Bi emakumeen arteko bikoteei zabaldu badiete ere eskubidea, gizarte-segurantzak soilik ordainduko die bikote heterosexualei. Ikuspegi heteronormatua nagusitu da beraz beste behin ere Frantziako Parlamentuan.
"Patriarkatuaren ikasgai argia dugu bozketa hau: gaiaz axolarik ez duten gizonen bozketa dugu, iduriz informatu ez direnena, eta familiaren ikuspegi tradizional eta zaharkitua dutenena", ohartarazi du bikotean ez diren emakumeek osatu Mam'ensolo elkarteak. LGBT elkarteak ere kexu agertu dira: "Mespretxua da, ugalketa lagundua aspaldian itxoiten duten lesbianei buruzko iraina da bozketa hau", SOS Homofobia taldearen hitzetan. Eskubidea emakume guztiei zabaltzea eskatzeko izenpedura bilketa abiaturik dute aldekoek.
Asteartean 48 senatarik alde bozkatu zuten, 132k aurka eta 152 abstenitu ziren, tendetzia bera mantenduz ostegunekoan ere, gaueko 01:30etan burutu bozketan. Senatuko presidenteak ondokoa adierazi du: "Dolu dut Senatuak pasatzen utzi izana testua hobetzeko aukera".
Iazko uztailean alde bozkatu zuen Legebiltzarrak, baina Senatuaren bozketak bidea moztu dio eskubidea zabaltzeko aukerari. Hori horrela, zazpi senatari eta zazpi diputaturen arteko komisio bat osatuko dute akordio batera heltzeko helburuarekin. Ez badute adostasunik lortzen, Legebiltzarrak ukanen du azken hitza "udaberrian", behin betiko bozketa "uda hasiera aitzin" egiteko asmoarekin.
Bioetika Legean ez da aipatzen ugalketa lagunduaren bidea transei zabaltzeko posibilitatea.
2012az geroztik, ezin aitzinatuz
2019an aurkeztua izan zen Bioetika Legea Frantziako Ministroen Kontseiluan eta orduz geroztik, Parlamentuan da testua. Luze bilakatzen ari da afera bikote heterosexual batean ez diren emakumeentzat. Hain zuzen, 2012an François Hollande presidenteak hitz eman zuen ugalketa lagunduaren eskubidea emakume guztiei zabalduko zuela. Baina aurkako mugimenduaren lobby lanaren parean, gay eta lesbianentzako ezkontza eta adopzio eskubidea gauzatu zuen, ugalketa lagunduaren gaia albo batera utziz.
XV. mende bukaeran edo XVI. mende hastapenean Belauntzako Katalina atxilotu, preso sartu, torturatu, guziaz desjabetu eta erbesteratu egin zuten, Oiartzungo Maritxurekin “haragizko harremanak” ukateagatik. 500 urtez isilean eta artxiboetan galdurik egondako... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]