Bielorrusian arma nuklearrak zabaltzeko asmoak tentsioa areagotu du
Vladimir Putinek iragarri du prest daudela jada hamar hegazkin armak Bielorrusian zabaltzeko. Europak mehatxu egin dio Bielorrusiari, eta planarekin aurrera jarraitu ezkero "zigor gehiagorekin" erantzungo diola adierazi du.
Errusiak Bielorrusian arma nuklear taktikoak zabalduko dituela iragarri du Vladimir Putin Errusiako presidenteak. Akordioa egin dute bi herrialdeek, eta Putinek jakinarazi du jada hamar hegazkin daudela Bielorrusian, arma atomikoak garraiatzeko prest.
Bielorrusia Ukrainaren eta Errusiaren mugakidea da, baita Letonia, Lituania eta Poloniarena ere; azken hirurak NATOko kide dira. Putinen iragarpenaren aurrean, Ukrainak Nazio Batuen Segurtasun Kontseiluaren ezohiko bilera deitzeko eskatu du. Horrez gain, G7ari eta Europar Batasunari eskatu die Bielorrusiako Gobernuari ohartarazteko "ondorio larriak" jasango dituela, bere herrialdean armak zabalduz gero.
Europar Batasunak erantzun du jada. Josep Borrell Europar Batasuneko atzerri politikako buruak mehatxu egin dio Bielorrusiari; esan du herrialdea garaiz dagoela armen hedatzea saihesteko. Hala egin ezean, adierazi du Europar Batasuna prest dagoela "zigor gehiagorekin" erantzuteko.
Putinek azaldu du "ohikoa" dela beste herrialdeetan armak zabaltzea, AEBek, esaterako, hainbat hamarkadetan egin izan dutela hori. Gaur egun Alemanian, Belgikan, Herbereetan, Italian eta Turkian dituzte armak AEBek.
New Start akordioa kolokan
Putinen adierazpenen aurrean, NATOk salatu du Errusiak New Start akordioa haustearekin armen kontrolerako konpromisoari muzin egin diola. AEBen eta Errusiaren arteko akordio horren arabera, arma atomiko "estrategikoak" zabaltzea eta erabiltzea mugatuta daukate bi herrialdeek, baina Errusiako presidenteak ohartarazi du prest dagoela akordioa indargabetzeko. Gaur egun Errusia eta AEBak dira arma atomiko "estrategiko" gehien dituzten munduko herrialdeak.
Hala ere, Putinek adierazi du Bielorrusian jarriko dituen armekin ez duela bertan behera utziko akordioak dioena. Dirudienez, arma "taktikoak" dira zabalduko dituenak. Arma "taktiko" deitzen zaie neurri txikiko armei, eta "estrategiko" potentzia handiko eta irismen luzekoei.
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Moskuk erakutsi du bere disuasio ahalmena areagotu dezakeela arma nuklearrik erabili gabe eta modu horretan bere arerioen gorakadari erantzun diezaiokeela. Bide batez, errusiar erruletan jokatzen ari diren europar erakundeetan arrakalak zabaltzen ditu.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.