Bidoiekin kateatu dira klima aldaketaren aurkako borrokan “Eusko Jaurlaritzaren ekintza falta” kritikatzeko
Asteazken goizean, Bilbon Sukar Horia kolektiboko hainbat ekintzaile bidoiekin kateatu dira Eusko Jaurlaritzaren egoitzaren aurrean Trantsizio ekologikoa orain! leloak kamisetetan idatzita. Ertzaintzak kolektiboko bost kide identifikatu ditu.
Ekimena Sukar Horia kolektibo gazteak hartu du bere gain. Goizeko 10:00ak bueltan errepidearen lau erraietatik bi moztu dituzte Bilboko Diego Lopez Haroko kale nagusian, Eusko Jaurlaritzaren egoitzaren parean. Bi pertsona zementuz betetako bidoi banari lotu zaizkio, eta espaloian, pankartaren atzean batu dira gainontzeko kideak. Bi orduz eutsi diote desobedientzia zibil ekintzari, harik eta suhiltzaileek bidoietara lotutako bi kideak soltatu dituzten arte. Ekintzarekin loturan, bost pertsona identifikatu ditu Ertzaintzak.
Ekintzaileak kateatuta zeuden bitartean, sare sozialetan komunikatua zabaldu du kolektiboak. "Normaltasun berriak zaharraren antz handia" duela diote. Salatu dute enpresa handi kutsakorrek irabazi handiak dituztela –Espainiako Estatuko enpresarik kutsakorrena den Endesak uztailean bere akziodunen artean 1.500 milioi euroko dibidenduak banatuko dituztela oroitu dute–, eta pandemiaren ondorioz negozioa tarte baterako itxi behar izan duten industriak, hala nola hegazkin konpainiak edo autogintza, erreskateak jasotzen ari direla. Bitartean, langileek "gero eta miseria handiagoa" sufritu behar dutela deitoratu dute: etxegabetzeak abian direla berriro, elikagai bankuak gainezka daudela eta langabezia etengabe hazten ari dela.
"Gainera, aberats eta txiroen arrakala handitzen den aldi berean, gure gizarteak naturarekin duen arrakala ere handitzen doa, etorkizuneko krisi ekologikoak elikatuz. Ez dezagun ahaztu zein urrun sentitzen genuen koronabirusa Txinan lehen kasuak agertu zirenean. Gaur egun krisi klimatikoa sentitzen duguna baino urrunago, agian", diote.
Gogorarazi dute koronabirusa hasieran urrun ikusten zen arren, azkenean heldu dela Euskal Herrira ere, eta gauza bera gertatuko dela krisi klimatikoarekin, "horren aurkako neurri sakonak hartu ezean". Trantsizio ekologiko justua berehala abian jartzeko eskatu dute.
"Trantsizio ekologiko horrek gure gizartea planetaren muga ekologikoen barruan kokatzeaz gain, gure gizarteak dituen arazo sozial handiei ere erantzun behar die. Pobreziari aurre egiteko aberastasunaren banaketa masiboa. Langabeziari aurre egiteko lan orduen murriztapena bultzatu behar da, baita zerbitzu publikoen indartzea ere, zaintzen sistema publikoa eratuz, adibidez. Merkatu globalizatuak dakartzan gerra eta merkatal akordio neokolonialen aurrean, ekonomiaren berlokalizazioaren aldeko apustua eginez, arreta berezia jarriz elikadura burujabetzan".
Norabide aldaketa hori eskatzeko Bilboko Eusko Jaurlaritzaren aurreko errepidearen bi errei moztu dituztela aldarrikatu dute, zementuzko bina bidoitara katetuta. "Krisia dirudun eta kutsatzaileek ordain dezatela" eta trantsizio ekologiko justua behar dela aldarrikatuz amaitu dute, klima aldaketaren aurkako borrokan Eusko Jaurlaritzaren ekintza eza salatzearekin batera.
.jpg)
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]
Lehen mailako arretak “kolapso egoeran” jarraitzen duela uste dute, ospitaletako arretak bizi duen gainkarga salatu nahi dute, eta egoerari aurrea egiteko neurriak eskatzen dituzte ELA, SATSE, LAB, CCOO eta UGT sindikatuek.
Abenduaren 20an eman zuen jakitera Olentzeroren Lagunak elkarteak 2021ean ere ez zela Olentzero Iruñeko kalez kale ibiliko, pandemiaren egoerak horretara bultzatuta. Urtarrilaren 4an, aldiz, Iruñeko Errege Magoen Kabalkadaren Elkarteak adierazi du aurten kaleetara... [+]
COVID txertoa hartu edo ez, norberaren hautu bat da, legezkoa, eta batak bezala besteak errespetu bera merezi duena. Ez da derrigorra, baina behartzeko erreminta ezarria dago Euskal Herri osoan: Europar Batasunak bidaiatzeko udan jarri zuen QR pasaportea. Zer dakar QR... [+]
Honela adierazi du Gazte Koordinadora Sozialistak zabaldu duen oharrean: "Zentzu sanitariorik gabeko neurriak hartzen jarraitzen dute politikari profesional despotikoek". Berriki hartutako hiru neurriak salatu dituzte zehazki: COVID ziurtagiriaren zabalpena, aire... [+]
Osakidetzaren lehen mailako arretaren egoera "jasanezina" dela salatuz Araba, Bizkai eta Gipuzkoako osasun etxeen aurrean elkarretaratzeak egin dituzte. "Lehen olatua izan eta urte eta erdira, osasungintza urria, nekatua eta baliabiderik gabea daukagu",... [+]
LAB sindikatuak honako irakurketa plazaratu du: "COVID kutsatzeen olatu berria dela eta, Eusko Jaurlaritza, Nafarroako Gobernua eta Frantziako Gobernua COVID ziurtagiriaren ezarpena erabiltzen ari dira euren kudeaketaren hutsuneak ezkutatzeko. Bost ardatzetan neurriak... [+]
Urtero Bilboko Konpartsek San Tomas egunaren harira argitaratzen duten egutegiaren etekinak Etxaldeko Emakumeei emango dizkiete aurten.
Abenduaren 18 arratsaldean Donostian jendetzak hartu ditu kaleak, Bizitza plataformak deituta egin den manifestazioan. "COVID pasearen inposaketari ez" lemak elkartu ditu.
Abenduaren 14an Osasun Publikoaren Aldeko Herri Ekimenak 1.000 erreklamaziotik gora aurkeztu ditu Donostiako Eusko Jaurlaritzako Osasun sailean, bereziki Lehen Arreta eta oro har osasungintza publikoa indartzeko eta duintzeko eskatuz: "Osasun sistema publiko,... [+]
Gazte Koordinadora Sozialistak deituta, protestara jo dute ostiralean Bilbon, Donostian eta Gasteizen. 'Covid ziurtagiriari ez! Burgesiaren ofentsibari aurre egin' izan dute aldarri milatik gora lagunek.