Bideozaintzaren erregulazioa, barne-kudeaketa eta gardentasuna hobetzea eskatu du Arartekoak
Arartekoak jakinarazi du EAEko erakundeek betetzen dituztela, oro har, herritarren segurtasunerako bideozaintzako arauzko eskakizunak. Dena den, zenbait gomendio mahaigaineratu ditu bideozaintzaren kudeaketa hobetzeko.
Arartekoari dagokio datu pertsonalak eta intimitatea babestearen arloan herritarren eskubideak bermatzea. Hala, azterlan bat egin du, toki publikoetako bideozaintza-sistema batzuen erabilera ebaluatu eta EAEko erakundeek araudian ezarritako berme-sistema zenbateraino betetzen duten ikusteko. Txostenaren ondorio nagusia izan da administrazioek betetzen dituztela alor horretako eskakizunak, baina zenbait gomendio eman ditu bideozaintzaren erregulazioari, barne kudeaketari eta gardentasunari dagokionez.
Arartekoak azpimarratu du eskumenak dituzten administrazioek “zehatz-mehatz” bete behar dutela herritarren segurtasunerako bideozainntza-araudian aurreikusitako “proportzionaltasun-printzipioa”, eta proposatzen du bideozaintza-baimena eskatu baino lehen, ebaluatu dadila ea neurri horrek intimitate eskubidean eraginik izango duen.
Arartekoak arreta berezia jarri du gailu mugikorren erabileran: besteak beste, polizia-uniformeetan jartzen diren kameretan, dronetan edo makuluetan. Gomendatu du kamera mugikor hauek erabiltzeko eskaeretan beharrezkoa dela erabilera emango zaien “epe zehatzak” adieraztea, kasuan-kasuko arriskura doituta. Era berean, Eusko Jaurlaritzari “bideozaintza-sistema finko nahiz mugikorrak erabiltzeko baimenak argitaratzea” iradoki dio, eta adierazi du garrantzitsua dela bideozaintza-grabaketak kudeatzeko “barruko protokoloak” ezartzea, ez baitago erregulaziorik grabaketak gordetzeko gutxieneko epeei buruz.
Kalean kamerak jartzen direnean, berriz, beharrezkoa da herritarrei kartelen bidez horretaz ohartaraztea. Arartekoaren azterlanaren arabera, administrazioek normalean betetzen dute arau hori, baina gailu mugikorrak erabiltzen direnean ere herritarrei jakinarazi behar zaiela azaldu du Arartekoak. Txostenaren arabera, Ertzaintzak 2.037 kamera finko ditu, eta 2022an, 134 aldiz erabili zituen gailu mugikorrak.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
2023ko irailean, jatorri senegaldarreko hiru pertsonari Gasteizko gaueko aisialdirako lokal batera sarrera ukatu zieten. Diskriminazioa jasan zutenak eta lokaleko jabea Arartekoaren egoitzan bildu dira, eta akordio batera iritsi dira.
Egiari Zor fundazioak salatu du “tratu desberdina” jasotzen dutela torturaren biktimek beste biktima batzuekin alderatuta. Halaber, nabarmendu du izapidetze-prozesuan arazoak eta atzerapenak daudela.
Arartekoak “praxi okerra” antzeman du, eta biktimekin aritzen diren ertzainei "enpatiaz" jokatzeko neurriak eskatu dizkie, indarkeria matxista kasuetan bereziki.
Eusko Legebiltzarreko Hezkuntza batzordean izan da Noelia Da Costa EHUko ikaslea, bere kasua kontatzen: garun-paralisia du eta laguntzailea behar du, Arartekoak ere arrazoia eman dio, baina ikasturte osoa egingo du laguntzailerik gabe. Hori bai, EAJko parlamentariak batzordean... [+]
Arartekoak arrazoia eman dio Noelia Da Costa ikasleari: EHUk laguntzailea jarri beharko lioke, gasteiztarrak garun paralisia duelako eta unibertsitatean laguntza behar duelako komunera joan, berokia erantzi edota ordenagailua mahaian jartzeko. Arartekoaren ebazpena martxo... [+]
Zaballako preso bat Gasteizko Ospitalean hil ondotik, heriotza argitzeko babesa eskatu zion 2020an Salhaketa-Arabak Arartekoari. Azken horrek abenduan jakinarazi die kasuaren gaineko ikerketa artxibatu egin dela, eta Segurtasun Sailak ez diola eman ikerketaren eduki guztia... [+]
Bigarren aldiz jarraian Manu Lezertua Euskal Autonomia Erkidegoko Ararteko izango da, Eusko Legebiltzarreko kideen gehiengo zabal baten babesa jaso ondoren. Lehen aldia da Ararteko batek karguan errepikatzen duena.
Bizkaiko Foru Aldundiak hilabetean 15.978 euro ordaintzea eskatu dio emakumea bati. Kasua ezagutu ostean, Arartekoak Aldundiari eskatu dio Diru-Bilketa Erregelamendua moldatzeko, zaurgarritasun egoeran dauden pertsonek zorrari aurre egin ahal diezaioten.
Adinekoen egoitzen, eguneko unitateen eta etxez-etxeko laguntza zerbitzuen inguruan informazioa biltzen duen idazki bat banatu du Pentsiodunen Mugimenduak.
Nafarroako Arartekoak ere aurkeztu du 2019ko txostena. Jasotako kexa gehienak lotuta daude funtzio publikoarekin eta hezkuntzarekin.
EAEko Arartekoak adierazpena argitaratu du Hondarribiko Alarde tradizionalean parte hartzen duten gazte batzuek astelehen honetan publiko egin duten adierazpenari buruz. "Pozik" agertu da Manu Lezertua urrats horrekin, "argi eta garbi erakusten baitu gizartea... [+]
Udazkenerako iragarri du protokoloa EAEko Arartekoak, Eusko Legebiltzarrean 2018ko txostena aurkezteko egin duen agerraldian: helburua, administrazioen erantzuna koordinatzea haurren kontrako sexu gehiegikeri kasuak prebenitu, antzeman, biktimak artatu, erasotzaileak zigortu eta... [+]
Joan den ekainean 8.916 sinadura aurkeztu zituen Satorralaiak mugimenduak, besteak beste Donostiako metro pasantearen proiektuan Gipuzkoako Foru Aldundiak izan beharreko partaidetzaz herri galdeketa egin zedila eskatuz. Aldundiak ezezkoa eman zion eskaerari. Orain, ezezko hura... [+]