Bouba Diouf: “Elkartasunaren indarra behar dugu, inor atzean ez uzteko”
Migratzaileek pandemia garaian bizi dituzten zailtasunez, paperik ez izateak duen eraginaz eta zaurgarrienak jomugan dituen lege eta politikez aritu da Bouba Diouf: “Giza eskubideek denaren gainetik egon beharko lukete”. Bilboko kale saltzaile senegaldarren Mbolo Moye Doole elkarteko kidea da bera, baita INOR EZ DA ILEGALA proiektuaren parte ere. Bideoaz gain, solasaldia podcast formatuan ere entzun dezakezue lotura honetan.
Bouba Dioufek kontatu digu kale saltzaileentzat oso gogorra izaten ari dela pandemia garaia. Lanik eta paperik gabe, migratzaile askok etxebizitza mantentzeko zailtasunak ditu, adibidez. “Okerren daudenei laguntzeko sortu genuen erresistentzia-kutxa eta orain diru kopuru gutxiago sartzen da, baina uste dugu zerbait konpontzen ari garela”; premia handia duten familiak ari dira laguntzen.
Pandemia baliatu da, besteak beste, migratzaileak eta jende arrazializatua kriminalizatzeko. “Beti ahulenak kriminalizatzen dira, baita pandemian ere. Egunero ikusten ditugu udaltzainak beltzengana jotzen, paretaren aurka jartzeko”. Bere lagun bati gertaturikoa azaldu digu: nola eskatu zizkioten paperak eta nola jo zioten, paperak ateratzeko denbora eman aurretik.
Bigarren mailako herritarrak? “Inolaz ere ez”
Bigarren mailako herritarrak sentitzen zarete? galdetu dio Mikel Garcia Idiakez kazetariak. “Inolaz ere, gu zuek bezalakoak gara, duintasun askorekin, baina egia da instituzionalki ez garela existitzen eta baztertuta sentitzen garela. Hemen bizi gara eta hemengoak gara, baina instituzioek gauza asko eskatzen digute, une oro hori frogatu beharra”.
Paperak denontzat aldarrikatzeko aprobetxatu dute osasun krisia: “Zarata handia atera dugu, baina politikoki ez da ezer mugitu. Areago, tramiteak asko luzatzen ari dira pandemiagatik. Nik zazpi hilabete eman ditut zain; otsailean hasi nituen tramiteak eta irailean lortu nuen txartela, pentsa”. Eta paperak izatea funtsezkoa da, horiek gabe “ez zarelako existitzen, ezin duzu ezer egin hemen. Legez kanpo jokatzea baino ez zaizu geratzen, inork nahi ez dituen lan gogorrenak egitea”.
Paperak denontzat aldarrikatzeko aprobetxatu dute osasun krisia: “Zarata handia atera dugu, baina politikoki ez da ezer mugitu. Areago, tramiteak asko luzatzen ari dira pandemiagatik”
Eta hala ere, jendeak prest jarraitzen du patera hartu eta bizia arriskuan jartzeko. “Oso tristea da, baina Europako ametsa bizirik dago oraindik”. Migrazio politika aldatu behar dela argi du Dioufek, beste bide bat urratu behar dutela politikariek, jendeari migrazioa errazteko, bestela bide oso arriskutsuak izango direlako alternatiba bakarra, eta “giza eskubideek denaren gainetik egon beharko lukete”.
Pandemia honetatik zer ikasi beharko genukeen ere galdetu dio kazetariak: “Elkartasunaren indarra behar dugu, inor ez dadin atzean geratu. Erresistentzia kutxa da horren adibide, baita Inor Ez Da Ilegala proiektua ere, dirua helburu horretara bideratu baita”.
Ikastetaz abokatua, aktibista nekaezina da Tarana Karim. Azerbaijanen jaio zen eta Hernialden bizi da duela urte batzuetatik. Inor Ez Da Ilegala proiektuaren baitan, emakume migratzaileek Euskal Herrian jasaten dituzten biolentziez mintzatu zaigu. Bideoaz gain, solasaldia... [+]
Ana Almandoz eta Maite Leturia Abaraska etxebizitza elkarteko kideak dira eta baita Juntura kooperatibako arkitektoak ere. Komunitatean bizi liburuaren harira, erabilera lagapeneko etxebizitza kooperatibei buruzko solasaldia eman dute. Etxebizitzaren oinarria ere izan baitaitake... [+]
Jakoba Errekondok Etxeko landareak liburua atera du. Hitzaldi honetan landareak begiratzeko eta hauek tratatzeko modua aldatuko diguten hainbat ideia eman ditu: "Landareengana hurbildu aurretik, pentsatu gu baino askoz azkarragoak direla". Ba al dakizu nondik datozen... [+]
COVIDak elikadura zaintzeko dugun moduan ekarritako aldaketez, agroekologiaren egoeraz eta aurrera begirako erronkez mintzatu dira Mikela Untsain Azkaineko erlezaina, Ane Gorosabel bergarako ortuzaina eta Miren Saiz Getxokoa, Bizilur elkarteko kidea. Hirurak dira agroekologia... [+]
Jakoba Errekondok hitzaldi honetan azaldu du ilargiaren zikloa ezberdin ikusten dugula euskaldunok eta kultura latindarrek: euskal kulturan bi fase ditu ilargiaren zikloak, kultura latindarretan lau. Errekondoren aburuz, lehen egutegiak egiteari ekin zioten bertako eliz-gizonak... [+]
COVID19ak eta ingurumenak duten harreman estua, biodibertsitatearen gainbehera, eta Euskal Herrian dugun ingurumenaren ezagutza. “Etorkizunera begira, zergatik bultzatu beharko genuke ezagutza hori?”. Gako horiek jaso ditu bere hitzaldian Iñaki Sanz-Azkuek,... [+]
Urte gogorra izan da ARGIA egiten dugunontzat ere. Historiaren gurpila azkartzen sentitu dugu eta lurralde ezezagunera garamatzan fenomeno erraldoi hau periodistikoki jorratzen galtza bete lan izan dugu. Hala ere, ezin dugu ahaztu kazetaritza independentea egiteko aukera badugu,... [+]