‘Bidegi auzia’ berriz ireki eta txosten independentea egiteko agindu du Gipuzkoako Auzitegiak
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak agindu du txosten perizial independente bat egitea, frogatzeko azpiegitura horretan iruzurrik egin ote zen edo ez.
Bidegi auzia oraindik luzerako izango dela dirudi. Azpeitiko epaitegiak irailean auzia artxibatzerakoan, Eider Mendoza (EAJ) Gipuzkoako Ahaldun Nagusiak hitz gogorrak erabili zituen EH Bilduren aurka: frogatutzat eman zuen deliturik ez zela izan AP1 autobideko obretan, eta motibazio "politiko" batek eragindako kereilak izan zirela salatu zuen: "Politikan denak ez du balio". Orain, Gipuzkoako Lurralde Auzitegiak, zeharka bada ere, ezbaian jarri ditu ahaldun nagusiaren hitz horiek.
Gipuzkoako Aldundiak ez du iragarpen ofizialik egin oraingoan, El Diario Vasco egunkariak filtratu du auzitegiaren erabakia: Bidegi auzia-ren bi kereiletako bat, Eskoriatza-Arlaban zatian izandako ustezko iruzurrarena –hormigoia eta bestelako materialak puzteagatik eraikuntza enpresekin 17 milioi euroko iruzurra egon zela dio kereilak– berriz ireki du.
Azpeitiko epailearen erabakia zalantzan
Zehazki, auzitegi horrek baliogabe utzi du Azpeitiko epailearen iraileko erabakia, eta aparteko azterketa bat egiteko eskatzen dio, txosten perizial independente bat gehienez ere 80.000 euroko aurrekontuarekin, ez dadin ikerketa "gehiegi luzatu".
Auzitegiak zalantzan jarri du Azpeitiko epailearen jardunbidea, eta esan du ez ziela behar bezala erantzun zabaldu ziren diligentziei
Gainera, auzitegiak zalantzan jarri du Azpeitiko epailearen jardunbidea, eta esan du ez ziela behar bezala erantzun zabaldu ziren diligentziei. Izan ere, Azpeitiko epailearen esanetan, hasierako kereila "akatsez eta kontraesanez" beteta zegoen eta ez zegoen nahikoa informaziorik.
Auzia ixterakoan, EH Bilduk jadanik nabarmendu zuen "behin behineko" erabaki bat zela eta bidea oraindik amaitu gabe zegoela. Akusazio partikularra EH Bilduko hainbat batzarkide ohiek osatzen dute, eta berak ere eskatu du txosten independente bat.
Orain, Diputazioa bera da exijitu duena "ahalik eta independentzia eta gaitasun handiena" txostenean, eta ziurtzat jo du perituen txosten berri horrek egiaztatuko duela "hamarkada batez luzatu den prozeduraren izaera politikoa".
EH Bilduren
Lehen kereilak bide bera?
Otsail honetan Bidegi auzia-ko beste kereilari, 2015ean jarritako lehenengoari buruzko deliberamendua eman du Azpeitiko epaileak, eta hau ere behin-behinean ixteko agindu du. Baina hemen ere arrazoi bera eman du hala egiteko eta EH Bilduk berriz irekitzea eskatu du helegite baten bidez. Ikusteke dago Gipuzkoako Auzitegiak berdin jokatuko duen.
Kasu honetan, AP1 autobidearen Eskoriatza-Arrasate zatian 2009 eta 2011 artean diru publikoarekin eraikuntza enpresei behar zena baino 13 milioi euro gehiago ordaintzea egozten diote garai hartako Gipuzkoako Aldundiari.
Parte Zaharrean Bizi auzo elkarteak irregulartasunak salatu ditu Parte Zaharreko lizentzia askoren harira, baita salatu ere "onuraduna" ostalaritza dela "beti". Azalpenak eta ardurak eskatu dituzte.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
“Interes aurkakotasuna” leporatua zaiola astelehenean ireki da Frantziako Justizia ministroaren aurkako auzia Parisen. Bi astez iraun beharko luke epaiketak.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Bernardo Arevaloren alderdiak hauteskundeak irabazi ondoren Hauteskunde Auzitegi Gorenak behin-behinean legez kanpo utzi du, 2017an ustez sinadura faltsuak biltzeagatik.
Bernardo Arévalo de Leónen alderdiak botoen %58 lortu du, eta Sandra Torres eskuindarra gainditu du. Jazarpen politikoaren gainetik lortu dute irabaztea progresistek.
Larramendiko Arnasa plataforma ekologistak salatu zuen Amaia Barredo jeltzalea, hondakinak errausteko proiektu bat Bergarako Udalaren irizpidearen aurka baimentzeagatik.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.