Bidean diren migratzaileen egoera are jasangaitzago bilakatu dute hotzak eta elurrak
Europako mugetan harrapatuta, kanpalekuetan baldintza penagarrietan pilatuta edota han-hemenka ahal duten moduan bizirauten, milaka dira neguko eguraldi latzari aurre egin behar dioten migratzaileak. Horren lekuko, Moriako kanpalekuko uholdeek utzi duten panorama edota Bosnia eta Kroazia artean bizi duten egoera tamalgarria. Heriotzera kondenatu dituztela salatu du hainbatek.
Europaren ateetan, milaka lagun baldintzarik negargarrienetan bizi direla ohartarazi dute aktibistek, adabakiak bata bestearen atzetik jarri ordez migrazio segurua bermatzea lehentasunezko zeregina dela.
Baina horren ordez, gero eta beteagoak dauden kanpalekuak ikusten ditugu: Greziako Lesbos uhartean, Moriako kanpalekua erre zen iaz eta Moria2 sortu zuten; “kontzentrazio-esparru batetik bestera” egin zuten errefuxiatuek, euren hitzetan. Egun hauetan, euri-jasek agerian utzi dituzte kanpalekuaren baldintza lazgarriak (ikusi beheko argazkia). Urak dena hartu duen honetan, errealitate etsigarria deskribatu du Parwana Amiri aktibistak, handik bertatik: “Euriak hondoratutako karpen azpian bizi gara; hondakin-uren artean mugitzen gara, inongo higienerik gabe; manta bustiekin egiten dugu lo, hotzak”.
Bosnia eta Kroaziaren muga artean harrapatuta dauden asilo eskatzaileen egoera Nazio Batuen erakundeak berak salatu du: Lipako kanpalekua erre ostean, milaka errefuxiatuk aterpe duinik gabe egiten diote aurre tenperatura izoztuei eta elurrari. Ane Irazabal kazetaria ari da eguneroko kronika egiten.
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
Europako Batzordeak lege-proiektu berri bat aurkeztu du asteartean. Dokumenturik gabeko pertsonak jatorrizko herrialdeetara edo igarotze-herrialdeetara deportatzeko prozesua areagotzea eta azkartzea helburua du.
Harrera-herri euskaldun nola izan gaitezkeen galdetu zion Leire Amenabarrek bere buruari eta parean zituenei iaz, Gasteizen, harrera-hizkuntzari buruzko jardunaldietan, eta galdera horrexetan sakontzeko elkartu gara berarekin hilabete batzuk geroago. Amenabarrek argi du... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Gurera ekarri dugu Achille Mbenbe politologo kamerundarraren "nekropolitika" terminoa. Heriotzaren prismatik begiratzen die herritartasunari eta botereari, eta argi uzten digu pertsona multzo batzuen biziak gutxietsiak, balio gabekoak eta beraz, lasai asko desagertu... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]