Bidasoako muga administratiboa gogorrago zaintzeko eskatu dio Frantziak Espainiari
Bi herrialdeetako Polizien “kooperazio handiagoa” nahi luke Frantziak, bere ustez, “bigarren mailako mugimenduak” daudelako oraindik ere bi estatuen artean. Urtarrilaren 19an batzartuko dira bi agintari nagusienak Bartzelonan, Laguntasun eta Kooperazio Hitzarmena sinatzeko.
Ia bi urteren ondoren, Bartzelonako Montjuïc Jauregian egingo da Frantzia eta Espainiaren arteko goi-bilera hilaren 19an, Pedro Sánchez Espainiako Gobernuko presidenteak hala erabakita. Protesta giro betean, bi herrialdeen artean harreman ona dagoela erakutsi asmoko topaketa izango da, eta Laguntasun eta Kooperazio Hitzarmena sinatuko dute horren adierazle. Edukian ez da espero, ordea, ezer berezirik jasotzea. Emmanuel Macron lehen ministro frantziarrak hitzez eta aurrez aurre eskatuko dio Sánchezi bi herrialdeen arteko pasabideetan “Polizia indarren kooperazio handiagoa” eratzeko. La Vanguardia egunkariak dioenez, Frantzia prest legoke lehen eta bigarren mailako pasabide guztiak irekitzeko, baldin eta bi aldeko Polizia-zerbitzuen lankidetza indartzen bada. Zehatzago esanda, “Polizia unitate mistoak sortzea” iradoki du Macronek, eta ez soilik pasabideetako zaintza indartzeko.
Schengen akordioaren arabera bi herrialdeen arteko pasabideak ezin dira itxi, baina Frantziak argudiatzen du “segurtasunaren mesedetan” egiten duela. Bidegabekeria hau publikoki defendatu du Frantziak 2016az geroztik, Nizan izandako atentatuaren ondoren. Espainiako Estatura begirakoak ez ezik, Italia, Suitza, Alemania eta Belgikarako pasabideak ere gogortu egin zituzten jendarmeek. Covid-19ak eragindako pandemia izan zen aitzakia ondoren, eta egoera gaur arte luzatu da. Espainiako Barne Ministerioak lau haizeetara kexatzeko adorea izan ez duen arren, maiz esan du atzera ere mugak zabaltzeko garaia dela –Araba, Bizkai eta Gipuzkoako lehendakariak eta Jean-Rene Etxegarai Elkargoko presidenteak ere behin baino gehiagotasun eskatu dute pasabideak irekitzea–. Europar Batasunak esku har dezake gogorrago, baina hitzezko jakinarazpenetatik harago ez da joan.
Protestak goi-bileraren testuinguruan
Kataluniako Generalitatea indar independentisten hausturaren erdian harrapatu du Frantzia eta Espainiaren arteko goi-bilerak. ERC bileraren aurka deitutako protestara batu da, baina Pere Aragonès presidentea Sánchez eta Macronekin egongo da argazki ofizialean; harrera egitera joango da Ada Colau Bartzelonako alkatea ere. ERCren partetik Espainiako Gobernuarekiko nolabaiteko gerturatze keinua izan daitekeelako, alderdiaren jarrerak zeresana piztu du eta kontrako iritziak zabaldu dira Herrialde Katalanetako mugimendu independentistan, hango hedabideetan irakur daitekeenez. Horrez gain, Junts alderdiak azalpenak exijitu dizkio Aragonési.
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Furgonetan “egoera irregularrean” zeuden hamabi pertsona zeramatzala adierazi du Ertzaintzak. Bidaiariek onartu dute Frantziatik Portugalera joateagatik 300 eta 600 euro artean ordaindu dituztela.
Avenida zubiak 24 ordu eskas baino ez ditu eman zabalik. Frantziako Gobernuak atzera ere itxi egin du, astelehen arratsaldean txirrindulariak Lapurdira pasa ondoren.
2021eko urtarrilean itxi zuen Frantziako Gobernuak bi herrien arteko oinezko pasabidea. Erakundeek, elkarteek eta gizarte mugimenduek maiz egin dute irekitzeko eskaera, eta oraingo honetan baiezkoa eman du Frantziako Gobernuak.
Frantziako polizien presentzia eta kontrola etengabea da Irun eta Hendaia artean, eta beste sei hilabeterako berritu du kontrola Frantziako Gobernuak. Migratzaileen joan-etorria oztopatzea helburu duten kontrolak direla ulertuta, eragile ugarik protesta egin dute mugako zubian,... [+]
Martxoaren 12an desagerturiko etorkina ote den ikertzen ari dira. Egun horretan Bidasoa ibaia zeharkatzen saiatu ziren hiru migrante; haietako bik Biriatura heltzea lortu zuten, baina hirugarrena desagertu egin zen.
Migrante eta iheslari guztientzat bide seguruak eta erregulazioa eskatu dituzte Trintxerpe eta Donostia batu dituen Arrazakeriaren eta Xenofobiaren Aurkako 25. martxak.
Pairatu jazarpen hau dela eta, haien "harridura" eta "mina" nabarmendu dute Etorkinekin elkartasun sarekoek. Migratzaileak laguntzen segituko dutela argi utzi du Ipar Euskal Herriko kolektiboak.
"Terroristen mehatxuak izugarri handia izaten segitzen duelako", Frantziak dituen muga administratiboek hetsirik segituko dute gutxienez apirilaren 30a arte. Bidean dabiltzan etorkinei traba arriskutsu hau inposatzen segitzen du beraz Frantziako Gobernuak.
Urriaren 12an Ziburun trenak atzemandako lau lagunetatik bakarra atera da bizirik. Polizia judizialari zehaztu dio poliziaren kontrolak saihesteko zirela trenbidean.
Hego eta Ipar Euskal Herri arteko mugan, trenbide bazterretan, gauean… migratzaileen harrapaketan polizien kontrolak asko areagotu direla eta pertsona horien kontra Frantziako Polizia bidegabeki jokatzen ari dela salatu du hainbat elkartek: “Errefuxiatuen eskubideak... [+]
Irun eta Hendaia arteko mugen hestearekin, Afrikatik heldu migranteentzat bereziki gaitz da mugaren zeharkatzea.
EH Bai koalizioak deiturik, berrehun bat lagun elkartu ziren larunbatean Saran eta Hendaian, Frantziako Gobernuak Ipar eta Hego Euskal Herriaren arteko errepide batzuk hetsi izana salatzeko.
Bluetooth bidez, positibo eman duten pertsonen mugimenduak jarraitu ahal izango dituzte, eta haiekin harremanetan egon direnak prebentiboki isolatu. Horrez gain, erabiltzailearen historial medikoa gordeko du eta eguneroko sintomen agenda bete ahal izango du erabiltzaileak... [+]