Bi urteko kartzela zigorrak Barcinari tartak bota zizkioten hiru laguni
Gorka Ovejero, Julio Villanueva eta Ibon Garciari bina urteko kartzela zigorra ezarri die Espainiako Auzitegi Nazionalak. AHTren aurkako protesta gisa Barcinari tartak jaurtitzea egotzi diete.
Kartzela zigorraz gain, hiruna hilabeteko isuna ezarri die hiru “tartalari”-ei: tarte horretan egunero 10 euro ordaindu beharko dituzte, 2011n Okzitaniako Tolosan Nafarroako presidentearen kontrako protesta ekintzan parte hartzeagatik.
Mikel Alvarezi berriz, urtebeteko zigorra eta hilabeteko isuna jarri diote, konplize izatea egotzita.
"Atentatua"
Nafarroako presidentearen kontrako "atentatu" gisa hartu du epaitegiak tartak jaurtitzea, fiskalaren eta akusazioko abokatuaren tesiak bere eginez.
Auzitegi Nazionalak gaineratu du, tartakadak delitua direla gertakariak jazo ziren lekuan ere. Frantziako Estatuko autoritateek ekintza "biolentzia delitu" gisa hartu zutela diote eta hori "atentatu" delitua baino doi bat arinagoa besterik ez dela.
Bederatzi urte eskatzen zituzten
Nafarroako presidentearen aldeko akusazioak bederatzi urteko zigorra eskatzen zuen tartak jaurti zituztenen kontra eta fiskaltzak bost urtekoa. Defentsako abokatuak argudiatu zuen auzipetuak ez zeudela Okzitaniako Tolosan Barcinari tartakadak eman zizkioten egunean.
Tartakaden bideoa:
Tartalarien aldeko ekimenetako bat.
Auzitegi Nazionalaren aurrean protesta.
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.